قصيدة مختارة ( هدية لابو تركي والسيف)

لا اله الا الله ومن ذكر الله افلح

احبتي ابشروا بسلامتي بعد ان افرج عني ابو تركي

الله يجزاه خير ويرحم والديه قولوا آمين

الليلة ولله الحمد لاحت تباشير الخير

وباسبابها ماصابني مجلس ماغير اطامر

كل دقيقتين وانا طامر على ظهر السطح

تدرون ليه ( اخيل البروق ) الله يسقينا الغيث الهني

تذكرت قصيدة جميله لشاعر من ابرز الشعراء عندي

وهو من ابرز شعراء الطبيعة إن جازت التسمية

وهي قصيدة (بالمغناص) ابو تركي يكتبها كذا مالي شغل

اهديها لكم ولابو تركي خاصة وللمبدع دائماً راعي الشاص السيف

وهي لبدر بن عواد الحويفي

ياللي طلبتم نبذة من قصيدي=عن واقع الموضوع لا انقص ولا ازيد
انا هوايه وانبساطي وعيدي=تفريعة القرناس بارضٍ بها الصيد
لا شطب الصيحان روس الزبيدي=والعشب جاله بالمثاني عناقيد
والبدو ما يبدى لهم بالشديدي=تسعين ليلة ماحكوا بالمواريد
ضيق بهم در الغنم والجميدي=مايشربون الا حليب المجاديد
والبل وبرها طار وابدل جديدي=ورودم على الفطر سواة المجاليد
من فضل ربي كل يومٍ تزيدي=قامت عشايرها تسن المفاريد
والفجر تسمع للطيور تغريدي=ليل الشتاء طوله عليهن سراميد
هذيك والله منوتي ياعضيدي=لا جابها الله من صدوق المواعي
ماكفه الدير لرجم المفيدي=وذوب على خشم الخدار ومشاحيد
مجهود من نو الجباه السديدي=وحصل لها قبل العقارب تماديد
غثوة على روس الشجر والهضيدي=وساق وتساقى للنفود وتخاديد
وفيض على فيحان ريف المعيدي=نبي لنا بشعاف لوقه مطاريد
على اوسوق مقربات البعيدي=من فوقهن يازين مزح الاواليد
لا فرع النادر وطلعه وكيدي=وحول على جول الحباري تقل حيد
وسلط على الخرب النشيط العنيدي=حاسه وداسه والحباري ملابيد
يقضي بها الصقار يومٍ جديدي=في ساعةٍ مابه وجيه مقاريد
هذا هوى بالي وهذا رصيدي=سوق النظر بين السهال الجراهيد
لو كان من طرد الولع ما استفيدي=فتقٍ بقلبي واعذروا يا الاجاويد
نومي تحت طل النجوم الجليدي=عندي كنب ومنجد زل تنجيد
لو لامني خطو الغشيم البليدي=طرد الولع ما به عليه مناقيد
وشوف الفياض المخضره يالحميدي=وشمة ذعاذيع الهوى عندنا عيد
وللكيف دور ولاستماع النشيدي=لا قلطوا رسلان والا بغاديد
ثنتين هيل وثالثتهن عويدي=وكلٍ على ما تطلب النفس وتريد
وقدوعهن من طلع هدب الجريدي=احسن نمونه من نما شرع الغيد
وسوالفٍ ما قبل فيها جحيدي=بالصيد لا نمه ولا هي هرابيد
ساعات نقضيها ويوٍ سعيدي= ولا دامت الدنيا لعامر وابا زيد
الدايم الله وافنا للعبيدي=والرزق عند منزل الدر بالديد
محيي الهشيم اللي عروقه هميدي=رزاق ما تحت الصخور الجلاميد
والله يدبرنا على ما يريدي=وصلوا على اللي وحد الدين توحيد

..........

...


وان حال من دونك مقرد وعدوان * لاني ابا زيدٍ ولاانتي بعليا
لاسم بدر ارتباط وثيق باسم جزاء
وبرؤيتي لاسم بدر افتكرت هذا البيت لجزاء بن صالح الحربي
وبدر الحويفي
شاعر غني عن التعريف

واختيار جميل وموفق

ابدع الشاعر
واحسنت الاختيار يارهين العذاب


شكراً لذوقك الرفيع


كلك ذوق


...

هلا والله بالبناخي

هلا والله بعد طوايفي انت

دايم معي وافي ياوافي

حتى انت عارف الموعد

وجيت عالموعد

شكراً لتواصلك اخي الحبيب

لك مني كل الحب

بسم الله الرحمن الرحيم

رهين العذاب

السلام عليكم ورحمة الله وبركاته

الله الله الله

يا سلام عليك وعلى ذوقك

قصيده راقيه ومقدمه من استاذ راقي

واهداء جميل جدا

يستاهلون السيف وابو تركي

وبعد انا بدوري اهديها لهم مرة اخرى

واهديها لكل من في المنتدى

تقديري واحترامي

الحسام

السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه

لا شلت يمينك رهين

ويستاهل ابو تركي والسيف كل خير


زهرة بنفسج.

................


...............................

رهين الطيبه والوفا والرجوله والشهااااامه
يازين هالاختيااااااااااااااار وما اروعهااا من هديّه
عسل وربي عسل

تسلم يمينك وجعل ربي يزوجك اللي في باااااالك

وترانااا مستعدين لأي وجاههه




والله انك غااااااااالي وهذي خلت غلاق يطق للمكسمممم
دمت ودامت اخوتك
ومشكور والشكر موصول لحبيب قلبي
حوساااااموه كذلك

""
السيف

اكتبـــــــاس‍!
الجملة هاذي كتبت بواسطة ابو رهف رهين
ــــــــــــــــــــــ

احبتي ابشروا بسلامتي بعد ان افرج عني ابو تركي

الله يجزاه خير ويرحم والديه قولوا آمين

ـــــــــــــــــــــ
آآآآآآآآآمين وله بالمثل يا رب
والله يجعلك دائما سالم يا حبيبي ...



وهدية مقبولة بالضرورة
تدري ليش ؟؟؟؟؟
لأنها من أبو رهف >>>>> واحد يخطط لبعيد يبغا يناسبك :D

وقصيدة جزلة
ومن جزل
ومهداه من جزل
ولا هنت على روعة الاختيار
وعسى الله يرحم أوطان المسلمين علشــــان يضبط ( المغنـــــاص)
وعلى طاري المقناص ... الله يعيننا على مطبات الشاص

تسلم وتسلم وتسلم
وتسلم أيضا يا ابو ابراهيم
وكونك تهدي القصيدة مرة ثانية أعتبرها حاجة حلوة وتشكر عليها يا حسامنا بس العملية
مفهومة ... تبي تضبط العلاقات علشان تروح معنا مقناص :D
وأقول لك : أبشر بسعدك يا سنايدي
خلهم يروحون على الشاصات
وانا وياك على الوايت
وانواع المراد والنشيد ... والربع ما يقدرون يخلوننا لأن العزبة معنا ... :D



تحياتي للجميع

ابو ابراهيم

هلا والله بعد طوايفي انت

منكم الابداع واليكم اخي الحبيب

يسعدك ربي

بس ولم نفسك للمغناص

مع ذيبان ابو تركي

لك مني كل الحب

اخوي

رهين العذاب

اسعد الله ايامك يبن عمي وكل عام وانت بألف خير

يعطيك العافيه على هنقل الجميل للقصيده التي هيضتني

ولو ما هل وقت رمضان كان دقيت سلف ومريتك ومشينا مافيها كلام

لاكن تجري الرياح بمالا تشتهي السفن لاكن بعد ماناكل لقمة العيد لنا كلام

ثـــــــــــــانــــي

وتقبل تحياتي

اخوك

استاذي ابو ابراهيم

منك تعلمنا الذوق ياذوق

وزهب نفسك للمقناص

ترانا والمين

بعدين تسلم عليك رهف

وتقول لا تنسى صورة خطيبها


ولازم تكون اربعه بسته

وكاشف الراس

لك مني كل الحب