حكمه اليوم ادخل وشارك و استفيد

السلام عليكم ورحمة الله ولركاته

خشيت المنتدى وانتبهت لعدد المشاركات ما شاء الله في الموضوع دا 99 مشاركة

قلت الحق يشرعة اكون صاحب المشاركة رقم 100
ههههههههههه

على فكرة عندي مشكلة في الحاجة دي
تعرفوا لو الوئام بعيد الشر تسكر اليوم قبل ما اكتب الرد
حازعل مرررة واموت قهر انو تسكر فيه موضوع باقي رد ويكمل 10 والا 100 يعني زي كدا

بعيد الشر

حكمة اليوم:

كل بن انثى وان طالت سلامته.... يوما على آلة حدباء محمول

الحجاج

ههههههههههههههه مبرووووووووووك المية اخوي حجاااااااااااااج

عقباااااااااااااال الميااااات والالاف كلها عندك
طيب حكمتي


لا تنظر الى عظم المعصية ....ولكن انظر الى من عصيت

اهلين شموووع الله يسعدك ويبارك فيكي والله بصراحة انا مرررة مبسوط والله

احلى حاجة جيت خشيت عشان اشوف كاتبين جنب مشاركتي انها رقم مية والا مو كاتبين بس عداد صفحة المنتدى العام الي يكتبوا فيها

الا تطمنت لقيتهم كاتبين بس كاتبين 101 اتاريهم حاسبين جوا الموضوع المشاركة الاولى للكاتب الي هي مياسم الله يردها بالسلامة
حقدت مرررررررررررررررررة قلت اووف اش دا ظلم والله

بس رجعت اشوف مين الي اخد المشاركة 100 جنب اسمه

ولله الحمد طلعت انا برضو
لووووووووووول

فبصراحة مررررة مبسوط

جالس افكر بدل ما اكتب في كل المواضيع يسير اتفرغ للمواضيع الي زي كدا ادور عليها واكتب الردود العشرية

ياالله يا ستي تسلمي شموووع

انا كتبت حكمتي اليوم بس مافي مانع نكتب وحدة تانية خاصة مياسم مو موجودة نسوي الي نبغاه

حكمة تانية اليوم :

الي بيته من قزاز لا يحدف الناس بالطوب

الحجاج

*اذا خاانك احدهم مرة فالذنب ذنبه...واذا خانك مرتين فالذنب ذنبك


*تصادق مع الذئااب..على ان تكون فأسك بيدك

ربّ ثوب يستغيثُ من صاحِبه ‏

السلام عليكم ورحمة الله وبركاته

حكمة اليوم :

السؤال لغير الله مذلة

الحجاج

كن مع الله في الرخاء ..يكن معك في الشدة

من جد وجد ..ومن زرع حصد
هذه من يوم دخلنا المدرسة وهي على السبورة مطبوعة
المهم مرت الايام وهي صامدة بوجه الزمن ...بس حكمة جميلة جدا

السلام عليكم ورحمة الله وبركاته

ههههههه

الله يسعدك يا شموع ضحكتيني والله
شكله مافي في فصلكم بليد يمسح السبورة
لووووووول

يا اختي الحكم لا يمسحها الزمن بل هي من وحي الزمن وهي تنمو وتعيش مع مرور الايام ويخلدها التاريخ وتتوارثها الاجيال
ليست مكتوبة بحبر او طباشير لتمسح بل محفورة في فهرس الزمان

حكمة اليوم :
حجة البليد مسح السبورة

الحجاج

	المشاركة الأصلية كتبت بواسطة الحجاج

	يا اختي الحكم لا يمسحها الزمن بل هي من وحي الزمن وهي تنمو وتعيش مع مرور الايام ويخلدها التاريخ وتتوارثها الاجيال ليست مكتوبة بحبر او طباشير لتمسح بل محفورة في فهرس الزمان

اخي الحجاااج
اكيد انه ماايمسحها الزمن فهي بااقية ببقاء الناس طبعا تتورثها الاجيااال جيل بعد جيل
من يوم دخلنا المدرسة....لها سالفة كانت تهزاناا معلمة الله يذكرها بخير وين الحكمة وين التاريخ وطبعا الضحية الطالب الممتاز اللي مكانه قدام....واطلعي اكتبي الاساسيات وكل يوم اكتبلها هذي الحكمة ...طبعا بالاخير مالاقي الاهالحكمة ....ياسيدي مشكووور على التعليق واسعدك المولى...



لاتكن صلبا فتكسر...ولا ليناا فتعصر

الله يسعدك شموووووع

كنت بامزح معاكي ترى بكلامي

وما قلت كلامي والله اني ابغى اقولك او لاحد شي ما تعرفوه
بس كانت اضافة من عندي ما عرفت ارتبها او اسوقها كويس

سامحيني يا ستي وما شاالله عليكي ان شاالله تكوني في الصفوف الامامية دايما يارب

وبعدين على فكرة انا الحكمة الي قلتها ع البليد لمناسبتها بس للتعليق

لا يجي في بالك اني باهزئ في بليد فصلكم ولا اقدر اصلا

الله يسعدك شموووووع ويوفقك دوووم يارب

الحجاج