الفرق بين السنه الاولى والعاشرة من الزواج ..

الفرق بين المرأه في السنه الاولى من الزواج
والسنه العاشره





الساعه الى 6:30 صباحا

تودع زوجها وهو طالع للعمل وتقول له بالسلامه يا حبيبي



الساعه 11 صباحا

تتصل عليه في العمل وتقول له حبيت اسمع صوتك بس يا عمري

الساعه 3 العصر



تستقبله وهو متشيكه وتبوسه وهو داخل للبيت وتقول له
الغدا جاهز يا حياتي ..تحب احطه لك الحين ؟



الساعه 5 العصر


تصحيه من النوم ببوسه وتقول له اعمل لك شاي يا حبي ؟

الساعه 6 المغرب

تسبل عيونها وتقول بكل خجل يا ريت يا حبيبي .. يعني لو
ما عليك كلافه .. يعني اذا تقدر توديني شوي لبيت اهلي
اذا كنت تقدر يا عمري وقبل ما ينطق بكلمه ( اذا ما
تقدر خلاص مو لازم ) وطبعا يضيع هو في نظره من عيونها
ويوديها لاهلها ولو انهم ساكنين في الدمام وهو ساكن في
الخبر



الساعه 8 بالليل

تتصل على الجوال وتقول ( اشتقت لك يا عمري .. يا ريت
تمرني ونروح للبيت ) وطبعا هو عارف وش بيجيه في البيت
فيطمر ويقول للشباب اسف والله يا شباب راسي مصدع ولازم
امشي

الساعه 10 بالليل

تجلس في حضنه وتقول ( الله يا حبي تتذكر ؟ تتذكر ايام
الخطوبه لما كنت تعمل المستحيل عشان تشوفني ..وانا يا ما
كذبت على ابوي وقلت له اني طالعه مع امي وانا اصلا متفقه
مع امي عشان اطلع معك (

الساعه 11 بالليل

الوصول الى هذه الصفحه غير مسموح




بعد مرور عشر سنوات

الساعه 6:30 صباحا

هي في سابع نومه



الساعه 11 صباحا
هي برضه في سابع نومه



الساعه 3 العصر

تستقبله وهي نافخه خشتها وتقول ( شف لي حل مع ولدك علي
هذا ..حتى الان ما حل الواجب .. وسوير الله ياخذ عمرها
انشاء الله شاقه مريولها في المدرسه …عطني فلوس لازم
اروح اشتري لها واحد غيره … وصويلح يبي علبة هندسه تو
انه يقول لي يوم ان الاختبار صار بكره … وترى موضي
تكرفست مع الدرج وهي كانت في المشايه … والظاهر انها
تعورت …كله من هالشغاله الله يا خذها ….اسمع يا انا يا
هالشغاله في هالبيت ….ابيك اليوم تسفرها ما ابي اشوفها
وابيك بسرعه تقدم على وحده ثانيه ….وما ابيها تصير
حلوه …..يا ويلك لو صارت حلوه …..وبعدين شغالتي ابيك
تشرط عليها اذا سفرتها ما عاد تشتغل عند احد ….عشان ما
تقول اسرار بيتنا للناس الي تشتغل عندهم ( ما تدري ان
اسرار بيتهم كلها عند الجيران من لسانها هاللي وش طوله (


و …و …..و


الساعة 5 العصر

هي تفك هوشه بين سوير واخوها ويصحى هو على صوتها وهي
تهاوش وتدعي عليهم بجميع الامراض الخطيره الحديث منها
والقديم ( جعلكم للطاعون …جعلكم للحمى …جعلكم للوادي
المتصدع …جعلكم للحمى القلاعيه …والايدز ....الخ (



الساعه 6 المغرب

هو جالس يشرب الشاهي وهي تقول ( نبي نروح لامي بتجيهم
بنت خالة جد ولد عم ابوي ....وبعدين نبي نروح نشتري للبنت
مريول ...وبعدين بنت عمي والده ولازم اروح اشتري لها هديه
من باتشي و ابي امر على المشغل ...وبعدين حطنا عند اختي
في الشفا من زمان ما شفناهم …………..



وفي هاللحظه فكر هو انه يشتغل ليموزين احسن له



الساعه 8 بالليل

تتصل على الجوال ( وينك فيه ؟ وبعدين وين بتروح ؟ ومنهو
الي معك هذا ؟ ووش بتسوون ؟ ومتى بتجي ؟ لا ما فيه الساعه



تعال الساعه 10


الساعه 10 بالليل

جالسين هي وياه عند التلفزيون ..اخيرا هدوء ....والعيال
نايمين ...والجو جميل ..وفجأه تطالعه وهي ماده بوزها
وتقول ( الحين امك وش عندها اليوم ما ترد يوم اني سلمت ؟


هاه ؟ ( والله ما ادري كان سالتيها ) ( واختك وش
هالحركات الي مالها سنع …ليش عازمه الجيران وكل حريم
اخوانك الا انا ؟؟؟ لكن هين والله لاسوي عزيمه وما
اناديها …اصلا هي ما زارتني في المستشفى يوم اني ولدت
وانا فاهمه قصدها ..لكن هين ..والله لو تحب السما مانيب
زايرتها اذا ولدت ……وبعدين بنات عمك وش عندهم نافخين
عمرهم ؟؟ على ايش ابي افهم ….على جمالهم الزايد اللهم لك
الحمد بس ) تسكت شوي بعدين تقول ( وبعدين اختك نوره يوم
انها تقول ان علي ولدي يشبهني ما يشبه ابوه وش قصدها
هاه

ملاحظه : علي هو اشين اخوانه


انا فاهمه قصدها

وتراها اذا ما بطلت هالحركات والغمز واللمز تراني
ابسمعها كلمتين واخليها تحترم نفسها …..لا وذاك اليوم
تقول اخوي محمد ( الي هو الزوج ) حلو مره و3 من حريم
الجيران قد خطبوه لبناتهم ….من زينك بس ما ادري وش لاقين
فيك ) . يسكت وما يرد , تسكت هي ثم تقول ( وبعدين اخوك
شاري لحرمته ساعه قيمتها عشرين الف ريال ) يرد ( طيب وش
المشكله ؟ ) ( وانا ليش ما تشتري لي ..والا انا ما
استاهل ..ولو هي يعني احسن مني … بلاك ما شفتها ...شينه
وطبايعها شينه وحتى طبخ ما تعرف تطبخ ) ( خلاص اشتري لك
ساعه ) تعصب وتقول ( ايه تسكتني بهالكلام ….والله لانت
شاري ولا شي ) ( وش تبيني اقول يا بنت الحلال ؟ ) تقوم
وهي تبكي خلاص ما ابي منك شي !

الساعه 11 بالليل

هي زعلانه ونايمه مع العيال

وهو يتحسف على اليوم الي تزوج فيه


.


.




من الايميل ماعدا صورة البسيس

	وبعدين شغالتي ابيك تشرط عليها اذا سفرتها ما عاد تشتغل عند احد ….عشان ما تقول اسرار بيتنا للناس الي تشتغل عندهم ( ما تدري ان اسرار بيتهم كلها عند الجيران من لسانها هاللي وش طوله

ههههههههههههههههاي...

أقول ألا يمدحون أهل العقول...

ما تدري وين نحصلهم يا وافي؟؟؟

مشاكل...

شاكر لك هالمقارنة الرائعة جداً...

لك خالص تحياتي...

	ولازم اروح اشتري لها هديه من باتشي

آآآآآآآآآآآآآآآه بهذي ما ألومها أبد ..

والله ياخوي ياوافي هالحريم شغلات ..

لايعجبهم العجب ولا الصيام برجب .. << لاطشها من مسلسل ..

.. (( بس مو كل الحريم لا بعضهم )) .. << إلا قل الخوووووف ..

وافي ألف شكر لك هالمقارنة ..

وبإنتظار جديدك يالغلا ..

اسكتو لا نطلع فضايحكم

صحيح رجاله آخر زمن ..!!

ههههههههههههههههههه

والله كلامك صحيح يا وااااااااااااافي

شكرا على الموضوع

تقبل تحياتي




[IMG][/IMG]

فرق كبير

وشكرا على الموضوع

تحياتي

الفرق بين الرجل في السنه الاولى من الزواج
وبعد عشر سنين من الزواج





الساعةالى 6:30 صباحا

يودع زوجته وهو طالع للعمل ويقول لها ماابي اروح خليني معك من زين الوجويه الي اشوفها هناك..تكفين خليني وياك..



الساعه 11 صباحا

يتصل عليها في العمل ويقول لها ياحبيلي لهالصوت ولصاحبة الصوت اشتقتللللللللللللللك مووووووت..

الساعه 3 العصر



يرمي عدته ويركض زي الورع الي مضيعله حاجه ويصارخ باعلى صوت وهم اساساً ساكنين في شقة..وينك يابعد هالدنيا ويانك يانور عيني..وبعدين........لا تعليق..



الساعه 5 العصر


يصحه من النوم ويقول اشرايك ياروحي نروح كوفي نتقهوى ونستانس الحياة قصيرة ولازم ننبسط في كل دقيقة نملكها يالله ياقلبي البسي..

الساعه 6 المغرب

توهم مخلصين من الكوفي وماسكها بيده وشافله واحد مع بزارينه وقال..اشرايك يابعد هالدنيا نفرر بالسيارة ؟؟



الساعه 8 بالليل

مازالو يفرفرون وقال يا قلبي متى ربي يرزقنى بدرزن عيال ونوديهم سوى للملاهي وللسوق ولانخلي مطعم الى ولازم يذقون اكله..
وعلى فكرة..
الجوال مغلق او مسوي تحويل لكن الغالب انه مغلق..

الساعه 10 بالليل

يلعبها حبشة وينكتلها ويجلسها في حضنه..ويعطيها من هالغزل الي ماقاله قيس لليلى ويقول ياقلبي انا لو يمر علي دقيقة مااشوفك فيها اتعذب مااتحمل فراقك ولا لحظة..الله لايحرمني منك ياحياتي وياجعل يومي قبل يومك..انا ماادري اشلون عشت عمري الي قبل من دونك..اصلاً ياقلبي ماكنت عايش كنت تايه مااحد يسمعني ولا يفهمني ورزقني ربي فيك ياروحي انتي..

الساعه 11 بالليل

الوصول الى هذه الصفحه غير مسموح



بعد مرور عشر سنين

الساعه 6:30 صباحا

الحين مني قلتلك جعلك البلا تجهزين الورعان بدري تاخرت خلصينا الله ياخذك انتي وياهم



الساعه 11 صباحا
تدق هي عليه ويرد: بعدين بعدين مشغول ..مااني فاضيلك انتي وجهك ارسليها رسالة..



الساعه 3 العصر

الله ياخذكم يعيال الذين انقلعوا من قدامي ماابي اشوف واحد منكم قدامي..
خذي عيالك وتقلعي الله يقطع ابو الساعة الي شفتكم فيها..
واصلاً عياله يلعبون سوني النصاب..

الساعة 5 العصر

اكوي شماغي وثوبي..
وين طالع؟؟

مالك شغل ايه والله هذا الي ناقص تسأليني وين اروح وين اجي..تراني رجال اروح وين مااروح..
طيب نبي اغراض البيت فاضي..
بعدين خليها فاضيلكم انا<<<والاخ وراه بلوت والمصيبة كل يوم مهزوم..


الساعه 6 المغرب

طالع لاخوياه


الساعه 8 بالليل

مازال خارج البيت


الساعه 10 بالليل

ايضاً مازال خارج التغطية ااقصد البيت ومسكر جواله ابن الذين..

الساعه 1 بالليل

هي زعلانه ونايمه وش اتسوي تعبت من الانتظار

وهو تتحسف على اليوم الي تزوجته فيه وهي تقول ياليتني في بيتك ياابوي ولا العيشة مع هالرجال..

	ملاحظه : علي هو اشين اخوانه

هههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههههههههه
اناا ما عجبني الا الملاحظة
ههههههههههههههههههه
والبسيس
هع

يسلمو وافي يا عثل انت

...............

...


هلابك برنس

كل عام وانت بخير

	أقول ألا يمدحون أهل العقول... ما تدري وين نحصلهم يا وافي؟؟؟

مادري
لكن عسى حظك مو مثل حظي





شرفت برنس


...

	والله ياخوي ياوافي هالحريم شغلات .. لايعجبهم العجب ولا الصيام برجب .. << لاطشها من مسلسل .. .. (( بس مو كل الحريم لا بعضهم )) .. << إلا قل الخوووووف ..

ياخي
بعضهن كل شيء منها مقبول
وكل شيء منها لايق عليها
بس قول الله يعطينا الحظ





يالمشاعر
كل عام وانت بخير يالمشاعر


شرفت ياخي


...