14 / 08 / 2005, 27 : 08 AM | #161 | |||||||
أسطورة الوئام
شكراً: 0
تم شكره 3 مرة في 3 مشاركة
|
يقطعـك يالهوجـاس شليـت فكـري = خليتنـي بيـن التفاكيـر محـتـاس خليتني في وضـع قاسـي وعسـري = خليتنـي محتـار مـا ميـز النـاس تعبت والحال انكـوى وانـت تـدري = تعبت وهمومي على القلـب جـلاس شربت من نبع الهوى كـاس كـدري = وغصيت من لقمة وحسيت الافـلاس ناديت باعلى الصوت والصوت جهري = ما احد سمعني غير روحي والأنفـاس رديت صوتـي قلـت والعلـم بـدري = يا للي معذبني ترى الوقـت عسـاس ياللي معذبني تـرى العمـر يجـري = العمر ساعه مثل دقـاااات الاجـراس عشتك واعيش الحب في وسط صدري = له جلجله بالجاش والحـب حسـاس حبيت مـن قلبـي ولكـن مـا ادري = يا ليت ما ادري قلتها قبل ما انحااااس لاغاب طيفك قلـت يـا قـل صبـري = وليا حضر طيفك كما هـب نسنـاس احيان دمـع العيـن ينهـل جبـري = واحيان ضحكاتي كما طـب الأونـاس اشب نـار الحـزن وازيـد جمـري = واكوي اجروح القلب واقول لا بـاس لا بـاس ياقلـب العنـا زاد قهـري = زاد القهر وانـا مـع الهـم غطـاس بنيت في قلبي مـن الحـب قصـري = واليوم اشوفك قمت تحفر عن الساس دنياك لو زانت ترى الوقـت عبـري = لا تحسب الدنيا مكاسـب ومقيـااااس إن كان عذالـك حكـو لـك وخبـري = من يستمع قـول العواذيـل ينـداس حفرت لي يا طيـب الأصـل قبـري = ودفنتنـي بيـن الهواجيـس للـراس حسام الشعر |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 29 : 08 AM | #162 | |||||||
أسطورة الوئام
شكراً: 0
تم شكره 3 مرة في 3 مشاركة
|
تخيّل تصبح أحزانك مع مرور الزمن عاده = تخيل دهشة أصحابك إذا شافوك فرحاني تخيّل توله لحزنك ولاتتحمّل بعاده = تخيّل لاأبطى بغيابه تحسبه منك زعلاني تخيّل حتى أفراحك على فرقاك معتاده = تخيّل ورد ضحكاتك من الآهات ذبلاني تخيّل فرحتك تصرخ رحل حزنك ترى وناده = تخيّل صورتك طفل وعليها آثار الأحزاني تخيّل شخص أحزانه إذا أقفت شانت أعياده = تخيّل عيده الأجمل إذا صبح الحزن باني تخيّل تشرب أحزانك على طول العمر ساده = تخيّل تبحر بمركب عتيق بدون ربّاني تخيّل لاجفا فاتن سبب حزنك ولاغاده = تخيّل تبكي وتجهل سبب دمعات الأعياني تخيّل وين ماترحل تشيل الحزن بشداده = تخيّل يرتمي بحضنك ويدفى إن كان برداني تأكّد كل ماقلته حقيقة شخص مافاده = سوى حزنه ولايبغى سوى الأحزان خلاني ولعلمك إسمه محمد ( سبيعي ) وأطلق زناده = على أوقات الفرح وأقفى يغني الحزن طرباني محمد السبيعي |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 33 : 08 AM | #163 | |||||||
أسطورة الوئام
شكراً: 0
تم شكره 3 مرة في 3 مشاركة
|
اكــتــب عـلى مـتـن الـورق لـوعة الـشوق = واشكي على الــحرمان قــصـة حــياتي واســهــر مــع الـنجـمـه بــدمـع من المــوق = واســـري مع الامــال والامــنيــاتـــي ياشين فــرقا بـين عاشــــق ومـعشـوق = و مـن عــــقبــها ماعـــاد لي بالـــــــحياتي يــاشــوق كان انك تخــلــيـت ياشـــوق = عــطـني دقــايق ليـــني اكـــــتب وصــاتي جـــفت عروق الــقلب ماباقي عــروق = وحياتي اصــبح خــــــير مـــــــنها مماتي دمعي من اسبابك على الخد مدفـوق = و لاجــــــف دمــــــعي قــــــلت ياعين هاتي انــا الــذي ماشـفــت حـلـيــاك مـخـلــوق = وفي كل يــــوم اقـــــــول الافراح تاتي وانــا الــذي مـنـي غــدى الـقـلـب محـروق = وانت الذي تـسـبـح بـطوق الــنـجـاتي وانــا الـذي نــومــي مــن العيـن مســروق = وانـت الذي تــهــنـى بـنــوم سـبــاتـي كــمـلـك رب الـبيــت بالحـسـن والـــذوق = ولا فــيه غـيرك كــامـل بالصــفــاتـــي ذكرى الـــفراق تلوعني لــــوعة بروق = وتزورني حـتى وانــا بالــصلاتـــــــي وافي |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 34 : 08 AM | #164 | |||||||
أسطورة الوئام
شكراً: 0
تم شكره 3 مرة في 3 مشاركة
|
دخيلك لا بغيت انك تودّعـني بـــــــــــلااش دموووع = حرام .. اني عليك .. اشفق .. من امك .. يابعد حالــــــــي بلاش دموووع .. وارحمني .. رحمك الله .. يادلووع = عليك الله .. وأمان الله .. وفي حفظ الله .. الــــــــــــوالي ترى ربك .. زرع حبّـك .. سقى الله حبك المزروع = تساقــيه .. المزون اللي مطرها .. دوم همالــــــــــــــــي سكنت الروح .. فالــمجروح .. والروحه بدون رجوع = تبي روحي تجيك؟! .. أشــّــر لها .. وتجيك طوّااالـــــي بغيت اجيك .! .. واناجيك .. واناقشـــــك فالـ موضوع = نصيت .. البيت .. ويوم إني بغيت أجيـــك .. ماجالــــــي دخيلك ودي اسمع ضحتك .. لو كان كل اسبوووع = مادام إن اللقى ما ( تم ) .. عندك رقم جوالــــــــــــــــي ولك منـّـــي .. لو يطول الزمان .. ويفشل المشروع .. = بأنك : (في) حشاي .. وساكن فيّ .. و ( على ) بـــالي مسك |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 35 : 08 AM | #165 | |||||||
أسطورة الوئام
شكراً: 0
تم شكره 3 مرة في 3 مشاركة
|
دنيا عجيبه ماعرفنا لها حال = متساويه في مرها في حلاها دنيا عجيبه منها العقل يهتال = عسى عظيم الشان يكفي بلاها دنيا دنيّه لو تجمل تجمال = اللي خلقها علم ٍوش خفاها الى ضحكت لك يوم ورتك الاهوال = تعجز تميّز وجهها من قفاها هذي حقيقه مابها شك وجدال = كم واحد ٍ يشكى العنا من عناها واللي طردها مالقى راحة البال = يعرف مكايدها ويركض وراها من بعد هذا قلت من زين الاقوال = حقايق ٍوتفيد شخص ٍقراها ترى السعاده ماتحقق بالاموال = واللي جمع كل الذهب مالقاها وترى السعاده مايجي دونها اقفال = اللي يبيها يتجه في نحاها سعادة المخلوق في طيب الاعمال = سعادة ٍمن ذاقها ما نساها اعلم بذكرالله ترى الهم ينزال = ذكره شفا كل الهموم وجلاها احفظ صلاتك لايجي منك اهمال = ترى السعيد اللي يحافظ علاها واحذر تكبر في حياتك وتختال = الكبرهو سقم النفوس وعماها هذي وصيّه قلتها عبر الامثال = لعل فيها الخير للي قراها وصلات ربي عد ماهل همال = على شفيع الخلق ساعة لقاها السيف |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 36 : 08 AM | #166 | |||||||
أسطورة الوئام
شكراً: 0
تم شكره 3 مرة في 3 مشاركة
|
الا ياتل قلبي تل من تل السبـوق وراح = عـنيـد ينطح الـحـايم بحقـه ما يخـليها يشق الغيم في صدره عزيزٍ يفرح الشفاح = يـهـيض روح صـقـاره ويشفي كل ما فيها سبوق يسبق ظلاله يحير لاعب الملواح = رزقـه الله مثـايـل زيـن غـيره مايـحاليها على الي قاطع وصلي بيده قطعة المسباح = تنثـر به خـرز قـلبي ولابـه مـن يـداويـها اهل الدمع من شانه واجاحد كل شي باح = اصــور لي عـلـومٍ دوم وابكـي في تـواليـهـا جبرت الكسر في عظمي وغثتني شميم ارياح = تقلب كبـدي الأوجاع ليـت الله مـعـافـيـها نهرت القلب عن حبه وجتني بالخفايا ارماح = كـــل ما اقـفي عن الطـاري قـدامي الاقيها تهاونت القهر مره وشفته في عيوني لاح = يا كيـف الـقـهر يظـهر دمـوع كنت مخفيها الا يا مل قلب ما يطيـع الشـور والمزاح = عـزيز الـروح ما يرضـى ونـفـسه ما يـدنيها يحل الموت في وسطه يشابه نزلة الاشبـاح = يـردد طـاري الفـرقى وعـلى دمـعـي يغـنيها انا برفع براسي فوق واكمي من بقايا اجراح = وبصـبر قـلـبي الـفـرقى ولـو طالت اواسيـها النشوان |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 37 : 08 AM | #167 | |||||||
أسطورة الوئام
شكراً: 0
تم شكره 3 مرة في 3 مشاركة
|
ياالغالي اللي سم حالي وبالي = احرق عروق القلب من طول فـرقاه من سبتك دمعي على الخد سالي = والحال سل وفارقتنــي المعـاناه انت الذي لجله سهرت الليالي = وانت الذي صعبا على القلب ينساه وانت الذي افديه بغالي حلالي = انت الذي لو يطلب الروح معصاه ما شوف يا نور الجزيره عدالي = اشوف منك الظلم والضيم شفناه ان كنت انا افديك في كل غالي = وردك جعل دمعي على الخـد مجراه وشلون صدك يا عيوني جزى لــي = واللي وفالك كيف بالشيــن تجـزاه بوم اذكر سنينا مضت كالخيـالي = صاب الزمـــان الشيــن والزيـن وداه عقبك شكيت الليل وايضا شكى لي = والوقت عقبك شان زينـــه وحليـاه شف صاحبك وين يا كريم المثالي = جور الزمان اليــوم شــف ويـن وداه يا منيتي يا غايتي يا منــالي = صــبرا على فرقـــاك ما والله اقــواه والله فلا غيرك بعيني زهــــالي = ولحـدا سواك اغليه من قلب واهـواه اصبحت من فرقاك شبه الخلالي = ارحــــم محبـــا زاد بالقلـــب بلـــواه يابو حجاج مشابها للهــلالي = و ابو خدود كـــاالقمر يــوم مضـــواه اخذت تقدير الشكر بالجمالي = سبحان من سـواك والزيـن سـواه لجلك تحملت الشقى والعنى لي = واللي حصل في ماضي الوقت تنساه ما اقول خاين مير ليت الوصالي = يرجع مثل وصــلا قديمـــــا عرفنــاه ايام كانت بين زين وحــالي = حبا مكمـــل مــن دوانيـــــه لقصـــاه حبا من ادروب الحسايد خالي = وافراقنـــا مــا كـــان مــــره نوينـــاه صحيح مهما طول الزين زالي = المر من عقــب الحلى كيـــف ذقنــاه عابر الشوق |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 38 : 08 AM | #168 | |||||||
أسطورة الوئام
شكراً: 0
تم شكره 3 مرة في 3 مشاركة
|
قبل امس عقب العز ذقت الاذ يه = حسيت باللي حسبه فاقد الذات بغت تروح النفس مني ضحيه = اثر التساهل يقتل البعض حزات لولا رجال الطيب واهل الحميه = يوم اسمعوني الحق الصوت ونات شالوني الاثنين وقت اضحويه = في موتر(ن )مصدوم مافيه لوحات عليه قرم(ن)طيره في شويه = لا والله اني عند راع الملفات قال الملف الي تبي في يديه = لكن هات الكرت قبل الحجوزات قلت ان كرتي ضاع فالفيصليه = وانا اتفرج في بنات الخواجات يس اطلب الدكتور خل الزريه = مالك ومال الهرج في فايت(ن) فات قال انت عينك عقب هذي قويه = وانا احسبنك تفهم العلم بسكات والله لسجل ضد شخصك قضيه = حتى تروح ولاتجي للعيادات قالوا له اللي مارضوا بالخطيه = وين الطبيب ان كان لطب نفعات جابوالي الدكتور يكشف عليه = واخذ على جسمي ثلاثة فحوصات الفحص الاول قال مافيه شيه = والفحص الاخر صار فيه اختلافات والثالث اللي صور البا طنيه = واحتار في امره طبيب الاشاعات ابطا يفكر ثم نادى خويه = دار الحديث ومجمل القول همسات تشاورو في حالتي بالسويه = والعالم الله والبلاوي كثيرات قلت ارحموني واذكرو ويش فيه = تراي مؤمن لو الاقدار صلفات قال الطبيب اللي قليل(ن)حليه = ماعاد تنفع فيك كل العلاجات انته مريض وعلتك داخليه = قبل امس جانا واحد(ن)مثلك ومات حزة سمعته قلت حالي رديه = بالله ردوني والاقدام عجلات ودي اشوف ابوي قبل المنيه = واعطيه مالي من صكوك وكالات واكتب لخوي ان مالقيته وصيه = يحط قبري في فياض(ن)عذيات هذا وكاد وقصة (ن)واقعيه = ماهوب شي (ن)من خيال الروايات وانا احمد الوالي جزيل العطيه = رجعت بدري واختصرت المسافات وامسيت وسط البيت بعد العشيه = واصبحت طيب والنتيجه سلامات @عبد العزيز@ |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 40 : 08 AM | #169 | |||||||
أسطورة الوئام
شكراً: 0
تم شكره 3 مرة في 3 مشاركة
|
ياشاطيء الاحزان يكفي مرافي = ماعاد باقي بي مرافي للاحزان ياشاطيء الاحزان في روح وافي = الى متى وانته لهالروح عنوان كم عام وانت فراشها واللحافي = وكم عام عطر انفاسها فوح نيران عشرة عمر ليتك تقدر وتافي = وتعتق سراحي قبل تجهيز الاكفان وش عاد باقي بس ياشين كافي = اخذت حقك كامل بدون نقصان كرهتني بالشعر وايا القوافي = الله لايجزاك عني بالاحسان وفضحت بي وانباح ماكان خافي = حتى تشمت بي قرايب وعدوان من شافني قال انت فيك اختلافي = وش فيك ؟ طمئنا عسى مانت مرضان قلت اطمئن ومابي الا العوافي = اقلط تقهوى قال يااخوي عجلان وخف الخطا لاهل العقول الخفافي = ماكنه الا صايد الذيب سرحان واعطاهم الموجز وتفصيل اضافي = والملح مابه قل مع رخص الاثمان وش مس !!مستك السنين العجافي = ياهوووه لاتكون انت سيدي سليمان!! ماتستحي ترمي بحكيك جزافي = ثمٍ تقول فلان يروي عن فلان ياشاطيء الاحزان لاواحسافي = خليتني للهرج قصة وديوان الين منكم جف غصني جفافي = ونهاية الاشجار مع موت الاغصان ماجادت الدنيا لي بيوم صافي = وعجزت لاكشف سر نكبة حزيران يامايس القد الامل لي مجافي = ومركب هوانا صار من غير ربان ولاكل من يسعى ولبى وطافي = بيفوز بالجنة وكم عاد خسران وقبل الختام اذكرك باعترافي = واظن حبك ماتبي عنه برهان ياصرخة اعماق القلوب الولافي = زاغ العقل منها وغابن الاذهان هذا النصيب وذي نهاية مطافي = الحظ خان وموعد فراقنا حان وافي |
|||||||
اللهم استرني فوق الارض و تحت الارض و يوم العرض
|
||||||||
14 / 08 / 2005, 09 : 09 AM | #170 | |||||||
العضويه الذهبيه
شكراً: 0
تم شكره 0 مرة في 0 مشاركة
|
الـــــــــــــــــــلــــــــــــــــــــــــــــ ــــــــــه
و ينك يا سديم عنا من زمااااان تسلمين يالغاليه الف شكر على القصائد الرائعه لا تغيبين وااااجد و الا هاتي المفتاح تقبلي تحيااااتي |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
من ارشيف الذاكرة .. | أبو خـ البجادي ـالد | بوحْ الشعِر والنثر .. | 16 | 20 / 06 / 2003 46 : 02 PM |
هل أجد الوئام بينكم بمنتدى الوئام | الدكتورخالد | ملتقى الأصدقاء | 20 | 20 / 04 / 2002 26 : 02 AM |