قصااائد المسابقه( والتصويت لأجمل قصيده)

السلام عليكم ورحمة الله وبركاته
اسعد الله صباحكم بكل خير
*********************

في الحقيقه لقد ابلوا شعراءنا
بلالالاءً حسنا وكلهم دون استثناء نجوم ما شاء الله عليهم
والله يعين اللي يبي يختااار فعلا اكيد بيحتااار

ولكن الناس اذواق وكل له وجهة نظره وقناعته وتقييمه الخاص
وانا على ثقه تامه ان كل مصوت سوف يجتهد لكي يختار القصيده
الاجمل بغض النظر عن الاسماء وهذي اماانه عند الجميع .

اتمنى للمشتركين الفوز والتوفيق.
والان هذه القصااائد بين ا يديكم ونريد ان نرى اصواتكم
على اجمل القصائد حسب اذواقكم

مدة التصويت 10 ايااااااام من تاريخ الموضوع
تبتدي من يوم الخميس 1/5/2003 م الى 10/5/2003م


اخواني الشعراء قمت بنقل القصائد كما اتتني ولم اغير اي حرف
فمن رأى في قصيدته خطأ املائي فليرسل لي بذلك
لكي نقوم بتعديل هذا الخطا.

ادارة منتدى الشعر والادب تتمنى لكم الفوز واحلى الجوائز.

الحسااام رعبوبه سراب السيف

(1)تلاحمنا يخفف من نكايتها

[poet font="Simplified Arabic,5,burlywood,bold,normal" bkcolor="transparent" bkimage="backgrounds/3.gif" border="groove,4,gray" type=2 line=200% align=center use=ex length=0 char="" num="0,black" filter=""]
غريبة حال هالدنيا عجزت ألقالها عنوان = تقول أن الغدر من طبعها والطيب عادتها
عجيبة بس خالقها وصفها بأقبح الألوان = ولا به شخص في هالمجتمع ما ذاق لوعتها
مصيبة كل هالدنيا غرور وتشقي الأنسان = ولا أحد ٍ سالم منها ألا ياشين غرتها
مريبه لونها يغري ودايم شكلها فتّان = بها حسنات لكن ماتعادلها بسيتها
كئيبه مابها راحه وزود أيامها نقصان = ولابه وجه تعرف به ولا تثبت بحالتها
صعيبه لكن دواها بليا شك بالأيمان = وصبر بطاعة المولى ولا ننظر لغفلتها
حضيبه للرضا فترة قريبة للزعل بأحيان= وكم من واحد ٍ ولـّى وهو يرثع بساقتها
طبيبه تجمع الخلا ّن وتفرّ ق لها خلا ّن = ولا سرتك في حاله تسلّى وقت فرحتها
غضيبه ياوسيع العرف من ياثق بها خسران =حقيقه مالها صاحب تذكر وش نهايتها
رهيبه بس مولانا عطانا نعمة النسيان = حلاوتها تعزينا ولو عشنا مرارتها
حبيبه للقلوب اللي بلا مله مع الشيطان = سعيد من يطلقها ويجمع مهر ضرتها
معيبه من شكاها حيث كل المسلمين أخوان = تكاتفنا تلاحمنا يخفف من نكايتها

[/poet]

(2) وفي الاخرى عقوبتها

[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="outset,4,gray" type=2 line=200% align=center use=ex length=0 char="" num="0,black" filter=""]
غريبه حال هالدنيا عجزت أ لقى لها عنوان= تقول ان الغدرمن طبعهاوالطيب عادتهـا
جميله بس خالقها وصفها بأقبح الالـوان= ولابه شخص في هالمجتمع ماذاق لوعتها
تقدم وجها الجذاب وباشكال الفتن مليان= تجي تركظ وتتحلوى وهي يامر جيّتها
طردها كل جاهل وابتعد عن دربها الفهمان = ولايسلم هدوء المجتمع من كبر صجتها
نعم هذي هي الدنيا وتعني الوضع والدنيان= ومن يسعى ليجنيها مايجني الا دناوتها
جعلها الله باياته ووضحها في القران= غرور ومتعة المغتر ويا مقصر لمتعتها
فضحها الله بكتابه جعلها متعة الشيطان = ولا تباعه في الدنيا وفي الاخرى عقوبتها
تجي تعرض مفاتنها ويغتروا بها الخبلان = وترهنهم وتأسرهم وتغويهم بفتنتها
ومن منهم هداه الله وميز وجهها الحيران= ولاغرته زينتها ولاثارته ثورتها
مقامه جنت الفردوس جزى من ربه الرحمن = مخلد والدنا تبقى على ماهي قباحتها
واسال الله خالقها وخالق ضدها بميزان = يجنبنا عن الدنيا ويكفينا غوياتها
ويرزقنا جنان الخلد ويجعل خاتمتنا احسان = وصلى الله على من جت له الدنيا برمتها


[/poet]

(3) الا يا سرع مشيتها

[poet font="Simplified Arabic,5,blue,bold,normal" bkcolor="transparent" bkimage="backgrounds/1.gif" border="outset,4,gray" type=2 line=200% align=center use=ex length=0 char="" num="0,black" filter=""]
غريبه حال هالدنيا عجزت القى لها عنوان = تقول ان الغدر من طبعها والطيب عادتها
جميله بس خالقها وصفها باقبح الالوان = ومابه شخص في هالمجتمع ماذاق لوعتها
نعد ايامها وايامها تذهب بنا الازمان = وعناكل شمس اتغيب نستكشف بشاعتها
تذكر قبل عشر اسنين فاتت كنها شهران = تذكر من بقى معنا ومن غايب بدورتها
الاياسرع دورتها تعجل في فناء الانسان = تقربنى على يوم الاجل الاياسرع مشيتها
تبسملك بيوم ويوم فيه تكشر النيبان = تذوقك القسى والمر وانته تحت رحمتها
الاياشين هالدنيا سعة ماتقلب الميزان = عليك اتقلب الايام ماتومن فجيعتها
تكرهك الحياه وطعمها لوهوحلى مابان= وتنسى ديد (ام)جابتك وايضا رضاعتها
سعتها تحسد المهبول بهباله ولوبه(جان)= وتتمنى تكون انته معه من شان فرقتها
ولو اقفت كثيرات السلاسل ومتن القضبان= تقطعها ولاترجع وعنك اتغيب سحنتها
ولن جاتك بلامجهود تسحبها ولاشقيان = بشعره تنسحب وتسيرفي يدينك بطاعتها
وبمرالله نصيبك تاخذه منهابلانقصان= مسيرها الكريم لساعة وتحين ساعتها

[/poet]

(4) وتنجض فيك كويتها

[poet font="Simplified Arabic,5,green,bold,normal" bkcolor="transparent" bkimage="backgrounds/9.gif" border="ridge,4,gray" type=2 line=200% align=center use=ex length=0 char="" num="0,black" filter=""]
غريبه حال هالدنيا عجزت القى لها عنوان= تقول ان الغدر من طبعها والطيب عادتها
جميله بس خالقها وصفها باقبح الالوان= ولا به شخص في هالمجتمع ماذاق لوعتها
تبسم تاره وتاره تكشر قدمك النيبان= تمهد قدمك السكه وتنجض فيك كويتها
تبين لك محاسنها وتفتح للغدر بيبان= وتبسط لك كفوف الحسن قبل اتذوق حسرتها
تحاول تكسب اعجابك ونفسك تتبع الشيطان= ونفس المرء معروفه تراها تبع شهوتها
تقدم لك مع الشيطان سلعه بارخص الاثمان= تبي تغريك لين انك تسير بوسط سكتها
ونصيب امفضل الدنيا يحوش الذل والحقران= تغشه غش والله عالم ٍ في سوء نيتها
غريبه والغريبه كيف يتبع طبعها الانسان= مصيبه كيف نتبعها ونرضخ لجل رغبتها
رحاها تبترم وتفرق الاحباب والخلان = تبكي عينك وغيرك عيون اشخاص بكتها
ولكن الحضيض اللي كسب فيها رضا الرحمن= تراك بقوة الطاعه بتصمد قدم قوتها
الا يا زاهد ٍ فيها كسبت وغيرك الخسران= ترى الدنيا متاع ولا تغرك في ملذتها
يقوله شاعر عاف الزمان اللي بعينه شان= وسجل عشرة ابيات ٍ عن الدنيا وحالتها

[/poet]

(5) تسوق السم في الفنجان

[poet font="Simplified Arabic,5,darkred,bold,normal" bkcolor="transparent" bkimage="backgrounds/15.gif" border="outset,4,gray" type=2 line=200% align=center use=ex length=0 char="" num="0,black" filter=""]
غريبه حال هالدنيا عجزت أ لقى لها عنوان=تقول ان الغدر من طبعها والطيب عادتهـا
جميله بس خالقها وصفها بأقبح الالـوان=ولابه شخص في هالمجتمع ماذاق لوعتها
لو الها عند ربي قدر ما اسقا الكافر العطشان= ولا مدّه بري(ن) من ظماها وقت شدتها
رسول الله رماها واستعاظ بجيرة الرحمان= صغيرة قدْر في عينه. ولم تغريه لمعتها
خبيثة طبع غدّاره تسوق السمّ فالفنجان= تخادع خرمة الضرمان في تلميع دلّتـــها
مبرمجة(ن) على الآمال والتسويف والنسيان= لكنّ الزهد عامل من عوامل فكّ شفرتها
جميلة تخدع الناضر بزرع(ن) قطف جنيه حان= لكنّ الزرع دونه جهّزت فالدرب حيّـــتها
ولو تبسط لك اليمنى. تروم مصافح الخلان= أقول احذر تراها جهّزت للخدّ صفعتــها
خسيسة قدْر ملعونه . أقول اوّاه يا شبّان= يا وجد الحال يا عقّال كيف افرح بلزمتها ؟
لو الزمها لوطّي الفهر فهر(ن) من جبل جمران= بعد ما آخذ حمو واشدّ حيلي . فوق قلّتها
الا ياحلو ذبحتها وتبريد الحشا الحميان= بشوفة دمّها ينزف على آثار فلقتــــــها
واذا طاحت ما اخليها . أعود الها وانا ظميان= بمشعابي يا لين اصرم جميع اعضام ضلعتهـا


[/poet]

(6)يقطع موج غبتها

[poet font="Simplified Arabic,5,teal,bold,normal" bkcolor="transparent" bkimage="backgrounds/16.gif" border="groove,4,gray" type=2 line=200% align=center use=ex length=0 char="" num="0,black" filter=""]
غريبه حال هالدنيا عجزت ألقى لها عنوان=تقول ان الغدر من طبعها والطيب عادتها
جميله بس خالقها وصفها بأقبح الألوان = ولابه شخص في هالمجتمع ماذاق لوعتها
تناقضها من الضّدين والهفوه على الميزان=تحرّكها خطاوي اليأس والجرّه في رجوتها
خفيفه هقوة العاجز ثقيله فرحة الأحزان = تموت البسمه الخجلا على أطلال شفّتها
كفخ حر الخيال وحام وأتعب لحظة السلوان =وظلّه قسوة الواقع ورمش العين فيّتها
مادام ان التفكّر والتدبّر يغني البرهان = عن المنّه كفوف المعرفه ترهي في مدّتها
هشيمك يالنبات إن طار ماتثبت به الأغصان= على كف الهبوب تعاين الدنيا بصورتها
بن آدم عمره مسافر وزاده قوّة الإيمان = يكايدها بحيله وإن برد يكوى بحيلتها
يخيب اللي نساه الله وقاده بالهوى الشيطان = بداية عزّه بدنيا وذلّه عكس عزّتها
عذاب القلب لاضيّع طريقٍ يسعد الرحمن = سقاه الهم من عبره فضوله عاف صدفتها
تدوّرها الرحى بأجيال والمكسب من الخسران = عمل صالح وحق وصبر يقطع موج غبّتها
تقلّب بالفصول الأربعه والخامس الإنسان = أساسه طين فوق الأرض والا تحت تربتها

[/poet]

(7) لغير الله ماوطيت هامتها

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=200% align=center use=ex length=0 char="" num="0,black" filter=""]
غريبه حال هالدنياة عجزت القى لها عنوان = تقول ان اللغدر من طبعها والطيب عادتها
جميله بس خالقها وصفها با اقبح الالوان= ولابه شخص في هالمجتمع ماذاق لوعتها
تهاجم فالصباح وفالمساء وتفرق العربان= ولوغابت مشاكلها ترقب وقت جيتها
تزين مثل عذرا تجذبك لالبست الفستان= ومن لايملك الحكمه تغره في خديعتها
وفيها ناس مرتاحه وناسٍ قسمها الحرمان= تعاني من صواديف الحياه ومن صعوبتها
وكم واحد عرفناه ومضى في صفحة النسيان=غدت به سود الايام وتجرع من مرارتها
وانا اللي في زماني شفت عين الجحد والنكران=لكن نفسي لغير الله ماوطيت هامتها
اجاهد واعرف الأفراح تأتي بعدها الأاحزان= وبأية لحظه الدنيا تبي تقدح شرارتها
ومن لايصبر وفي هالزمن يصهل صهيل احصان=يهان ونفسه تولي قبل تلقى سعادتها
وفي الدنيا مواعظ للبشر ودروس بالمجان= وانا يصعب علي في المختصر هذا روايتها
ودين الله هو اللي يفرق الرابح من الخسران= وهو مصدر امان الامه ومعيار قوتها
ولا يالله طلبتك ياكريم الوجه يارحمن= تزيّن خاتمة روحي ليا قربت نهايتها

[/poet]

ماشاء الله
وش هالدرر يالسيف
مسابقه ولا اروع وانا ارشح جميع القصايد
واذا كان لا بد اصبرو اقرا كل قصيده واحكم
والله ان وضع الجمهور اصعب من وضع الشاعر يحتار الواحد في هالقصايد مايدري وش يختار
لكن اصبرو خلوني افكر وافكر
والله يقدرنا على التصويت الصحيح اللي يبرئ الذمه

السلام عليكم .. ..


القصايد كلها رائعه ..
والاختيار صعب .. ..

يصير اصوت لـثنتين ؟؟

بصراحه الاختيار صعب

ياليت تسمحون على الاقل بالتصويت لقصيدتين

بسم الله الرحمن الرحيم

أسمحوا لي وتصويب واجد صعب

وشكرا مع تحياتي :اســـــــيل

هلا ابو سعود

كلك ذوق ياغالي

-----------------------
سديم
اردينا

اسيل
بلاشك كل القصائد جميله
لكن لابد ان يكون هناك تدرج في الجمال
والتصويت لقصيده واحده فقط
الواحد يجتهد في الاختيار والباقي على الله.
شكرا للتواصل
السيف

لسلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه


هلاااااااااااا بو منذر


مسابقة واييييييييييييد حلوة تطلع مكنون كل شاعر

فيها صدق يبين الشاعر اللي يملك القدرة على وضع

قصائد مختلفة المواضيع..

وبصراحة عجبتني قصيدتين،،،


بس خسارة التصويت لوحدة،،،

تسلم يا السيف على المشاركات الجميلة

تقبل تحياتي ،،


زهرة بنفسج.

بسم الله الرحمن الرحيم

السلام عليكم ورحمة الله وبركاته

أرجوا أن نفعل مثل هذا مرة أخرى

مع تحياتي :اسيل

السلام عليكم ورحمة الله وبركاته

شكرا اخى السيف على هذا المجهود


وهذى المشاركة تدل على انك تحب الشعر واصحابه سجل


اعجابي


وتقديري لك



اما بالنسبة للتصويت والله صعب


قلبي يبي هذا وعينى تبي ذا وحترت انا ما بين قلبي وعينى



بس ان شاءالله الله يقدرنا على اختيار الاجمل في هذى القصائد الجميلة




أميرة

حدث خطا



هذى الكلمة جاتنى يوم بغيت اصويت لقصيدة من القصائد


يقول لى حاول مرة اخرى واضغط مرة ثانية نفس الخطا يطلع لى




ارجو المساعدة



بسرررررررعه