فترتنا الصباحية لأحبائنا الأطفال (2)

صباح الخير ياحلويـــــــــن ..
يا صغار ياكبار ..
هذي باقة منوعة مطورة عشان تناسب سنكم .. :p

ماأطول عليكم ..
وأتركم مع ...


عدنــــــان وليـنـــــــــا




عدنان الخبل
يوميات عدنان ولينا
الحلقة الأولى(1)





السلام عليكم
انتم تعرفون عدنان ولينا كويس بس نسيتوهم :o.... انا عندي آخر اخبارهم ..
عدنان تزوج لينا بعد المسلسلة على طول وعاشوا في الجزيرة المفقودة جزيرة جد عدنان بس قبل ما يتزوج لينا صارت أحداث....

كان الدكتور رامي الله يرحمه موصي لينا انها ماتتزوج عدنان الا لما يلبس ثوب وشماغ ويصير رجال ويترك عنه الشطانة ولا يطق احد ويصلي بالمسجد وخاصة الفجر
يوم جاء عدنان يبي يخطب لينا من عمته اللي بجزيرة الأمل تذكرونها اللي طاحت على بيتها قذيفة من مركب الرماية حق القلعة اللي تسوقها سميرة.
المهم يوم جاء يخطبها قالت له لينا: اني ياعدنان احبك بس جدي رامي الله يرحمه موصيني انك لازم تلبس ثوب وتغدي رجال ..

قالها عدنان يابنت الحلال انتي تبين تزوجيني والا تبي تزوجين ثوبي أهم شي الجوهر - مهو ناصر الجوهر مدرب منخبنا الله يوفقه -المهم قالها ان الرجال بأخلاقه مو بمظهره ومن هالكلام .

المهم لينا مااقتنعت قالت : بس ياعدنان جدي رامي الله يتغمد روحة الينه (على قولت الكويتيين) موصيني بهالوصايا وأنا آسفة ياعدنان إذا قلت لك اني ارفض الزواج منك لما تحقق وصية جدي .

المهم عدنان تعرفونه راسه يابس وهو بنفس الوقت يحب لينا
مشى وطلع من بيت عمت لينا حتى القهوة ماشربها طلع وهو معصب
يوم جاء يبي يركب قاربه يبي يرجع لجزيرة جده قابلة القبطان نامق وعبسي وقالوا له وش فيك ياعدنان ليش معصب
قال ابد مافيه شي بس لينا ما هي راضية تتزوجني
وعلمهم بالقصة, جاء نامق وبدأ يقنع عدنان وقاله: ان الزمن تغير وبنات هاليومين مالهن الا رايهن فأنت البس ثوب وتزوجها وبعد ماتتزوجها افصخه قال عدنان: معصي .. طلال - نامق جاه ولد من سميرة وسماه طلال تيمنا بأحد بحارته اللي ماتوا وتخليدا لذكراه) المهم قال عدنان : يابو طلال انت تعرف اني مأحب الثوب انا راعي كشتات وصيد وسعة صدر والثوب يضايقني . و بنفس الوقت كان عبسي مشغول معه ضفدع يعرمشه جاء وقال لعدنان اسمع يابعد عمري ياعدنان - عاد انتم تعرفون عدنان يعز عبسي- قاله اسمع انت لازم تتزوج لينا لا بكرا تروح عليك البنية ترا نمرو هالخبيث يخطط عليها - طبعا عبسي منقهر من نمرو أعلمكم بعدين ليش- المهم بدأ عدنان يلين شوي وقعد يفكر وحسبها زين قال ايه والله باكر تروح البنية واتوهق انا وابتل عزوبي . جاء ابوطلال وعبسي وقالواله: امش يارجال ارجع خلنا نخطبها لك قال عدنان : اوكي يالله . ولما كانوا رايحيين لبيت عمة لينا لخطبتها فجأة قابلهم من تتوقعون......... ......

في الحلقة القادمة نكمل





الموضوع منقول من منتدى آخر أشارك فيه
لكاتبه : المحــــــــــــامي ..



نتمنى لكم مع برامجنا المتعة والفائدة :D

يالله ألحين أخبار .. :p



الشمـــــــــــــــس[/COLOR]

ههههههههههههههه
حلوه هالحلقة عن عدنان ولينا ..
أسلوب ولا اروع منه ... بصراحة تمصع بطني من الضحك مع الصبح .. الله يعطيك العافية ( الشمس ) على هالموضوع ..
المهم أنا ودي اقول شيء ... تخبرون عدنان ولينا .. لها حوالي 20 سنة تقريبا .. بس متذكر شيء فيها .. يخوف .. أقول لكم وشو .
تعالوا تحت .. أخاف أتفشل .



























































تذكرون في الحلقة الأولى .. يقول :
في عام 2008 حل الدمار بالبر والبحر ....... إلخ .

شكل الموضوع صدق .. الله يستر .



هاهاهاهاهاها عاد لاتقولون متأثر بأفلام كرتون ..









سيو ياقماعه .

صباح الخيرات مرة ثانية ..

معذرة على هذا الخلل الفني ..

جاءنا نبأ أنه قد صرّح مسؤول رفض ذكر اسمه إن النص السابق ماهو بقلم المحامي ..

يقول أنه قراه في مكان ثاني , ويشتبه أنه قائمة بريدية ..

...

عودة بكم إلى برامجنا :p


تحياتي

الشمـــــــــس

مرحبا اختي الشمس ......


حلوة ذي..... ما أزوجك الا لما تلبس شماغ و ثوب و تصير رجال ...:D


يالله شوقتينا يالشمس ....


متى تجي الحلقة الجاية ...... من زمان و أنا انتظرها .....

مرحبا ..


مرهم .. صدق والله ؟
احلف عاد ؟




كمان عدنان ولينا ماأتذكرها كويس .. أتذكر بعض اللقطات
طبعا الله يسلم الفيديو ولا كان مافيه أمل أذكرها من أيام عرضها على التفلزيون ..

عشان كذا ماأتذكر التفاصيل .. وبالتالي ماأتذكر ألفين وثمنية ..

والله عدنان ماهوب سهل .. يخوّف


وانت لاااا مانت متأثر أبد أبد ..

....

هلاااا شموسة ..
حذف الرد من قبل كاتبة الموضوع .. كمان هالمرة عشان مايغارون الناس من الكلام اللي بقوله لنفسي

.....

هلا ملجلج ..

إيه أجل وش على بالك ؟
بنات الناس لعبة ؟
لاااا لين يصير رجال يوقف على زنده التيس , وعلى شاربه الصقر
وععععع
أتخيل عاد رجال وجثة وشواربه طويلة وملتوية .. مالكم داااااااااعي


أما عاد بالنسبة للحلقة الجاية على حسب ..
أخاف أتهاوش مع المنتج زي المرة اللي فاتت .. مالي أمان ترى ..

ولا تصير عندنا برامج أولى .. يعني لقاء مسجل , مباراة على الهواء
حفل مسجل بعرضه للمرة العشرطعش ..


تعرف محطتنا تهتم بالمشاهد , وتحترمه ولا تقطع البرامج فجأة وتجيب شي ماله داعي ..


حل اللغز .. عن أي قناة أتكلم

ياحيا الله ملجلج ..




الشمــــــــــــــس

شموسه انا يوم كنت صغيره ماتبعتها ماتتخيلين قد ايش متحسسسسسفه اذا سمحتي حطي لي حلقات ماروكوا اللي ماشفتها امووووووووت عليها

هلا المملوحة ..
هل باللي في التوجيهي

الله يعينك ويوفقك وينجحك بأعلى النسب ياااااارب ..

خلك من موروكو ومن عدنان ولينا وانتبهي لدراستك ..
الله يهديك مروكو عــــــاد ..

شوفي عيوني ..
بالنسبة لي من أهم مقومات نجاح الفلم الكرتوني الرســــــــــــم
لازم يصير رسم محترم ..
مو هالأفلام اليابانية اللي مالية السوق وكلها أشكال يالله لك الحمد ..

بعدين القصة لازم تصير حركة ..


أما موروكو ياعليها شكل ..

لكن لك مني بعد مية سنة ممكن يخرج جيل مجنون بها ويألف قصص فيها ..


تسلمين يا حلوة ..



الشمــــــــــــــــس

..........مرحبا.....شموسه.........

عدنا ولينا..ه المره.....
ماتوبين عن سواليفك.....



وش فيها..يعنى ..ماطلبت منه...شى..
عدنان هذا من يومه....يحب المشاكل وارسه..فاضى..
..

ماطلبت منه شى..البنت..
كله ثوب..يطقه ويمشى الحال..ولا هو عناد..وبس..

شموستي وش فيها ماروكو
تجنننننننننننن

سلام


أبس

هما السبب سدأيني ..
شسوي لهم .. تجينا طلبات كثير على هالمسلسلات ..
لازم نلبي رغبة المتابعين


عدنان وش غرندايزر , وش سوبر مان , وش خماسي الشخصية ..

هذا عدنان اللي ينط من السطح وهو شايل لينا ويوقف على رجوله عادي ..
تقدرين تسوين زيه .. لا طبعا ماتقدرين ..

تبينه يرضخ لكلام البنت ..

بس تعجبك .. ماعندها فيه ..


تسلمين ياحلوة ..

........

المملوحة ..

أبدا مافيها شي ..
بس ماتعجبني ..

تشكرات أفندم ..





الشمــــــــــــــــس