فــرح لم يكتـمل ..

::


كان لابد للقلب من رجعــه ..


::





قصــاصـات من حلـم لم يكتمــل ..




:::



وش كان ينقص سيدي .. !!

لو جيت يوم وقلت لي

عامك ياعبدالله سعيد

وش كان ينقص يالغلا

لو حـّن جوالك ودقّ

او خافقك .. حـّـن السواليفي ورقّ

وش كان ينقص سيدي .. !!


وش كان ينقص يالغلا .. لو رحت يمـّـي جيـتـني

لو كنت تدري وش كثر . . محتاج لك .. ضميتني

كنت احتري قلبك يجي

ودي بحضنك بشتكي

ودي اسولف لك واقووول مشتاق لك يادنيتي

وش كان ينقص سيدي .. !!


وش كان ينقص سيدي .. لو زدتني الليله فرح

ماكان قلبي يالغضي .. في ليلة العيد انجرح

وش كان ينقص سيدي .. !!

:::


::


:::




انتظرتــك ..

يعلم الله وش كثر انا انتظرتك

لين غابت شمس حبك وافترقنا من جديد ..!!

كنت ابي لو بس كلمة .. كل عام وعيدك اجمل

يووه لو تدري بهالكلمه حياتي .. في خفوقي ايش تعمل ..!!

كان والله مابخلتي

كان ياقلبي اتصلتي

يرحم امك .. ليه هالقسوه علي ..!!

وانتي تدري .. ان قلبي .. ماهو ناقص ينجرح جرحن جديد

كل عام وعيدك اطعم .. من جروحي

وكل عام وبيتك انتي .. وسط روحي

:::

::



الحنين اليوم فيني

مثل ماتذكر حبيبي .. ماتغير

مثل قلبك .. لو يلين الصخر والله ماتغير ..!!

يووه ياقلبي عليك

تصدقين ,,

مرات احس اني صغير

وجروحي تبكي في يدي .. اللي تسـّـوي بك كثير

ياشيخ تكفى هــّـدها

وانسى ابوها وجـّـدها

ومرات احس اني كبير

رغم الجفا وصدود قلبك والالم ..ارجع اسامح بالاخيـر !!

واقول في نفسي تحس ..

باكر تذوق اللي اذوق . . .

وبالمرتين .. مااملك الاحاجتين

قلبن يحب ومايبي .. غيرك بعد عمري احد

وعينن تموت بشوفتك .. وتموت في بعدك بعد




::

::



ودي ارسل كل كلمه تحمل الشوق وتشيله

لين توصل باب قلبك لو خفوقي مايـّدله

::

امنياتي واشتياقي وفرحة العمر البخيله

والحنين اللي سكب لك في يديك الفين دله

::


والطريق اللي مشى بي سكة العمر الطويله

والخفوق اللي مكانه ماسكن غيرك محله


::


كل عام وعيدك انتي شي اكبر من مثيله

وكل عام وعيدك اجمل يابعد هالكون كله




::

::


يسعد مساك

يامن تعلمت الألـم . . منـّـه بليله بارده

خاليه من كل شي

الحزن كاسي حجرته .. والدمع والليل الطويل

أخر بقايا اسـرته

ياطول هالليله علّي .. يابردهــا

واشواك غيبتها خذت . . مني بقايا وردها

ياحضنـهـا . .

قربّ بربك ضمنـي .. ودي ابهمس بأذنهــا

محتاج لك

محتاج لك

محتاج لك . . حـد الـوجـع

والهم لو قفـّـى وراح .. ماصــّـدق ابليله رجع



::

::



خيبة وبِضع طَعنات ... تكفي جدا ،،


::



ملزوم ياقلب المولع تجي له

حتى لو انه كاره العمر وياك

::


دامك كسير ومالك اليوم حيله

روّح عسى ربي من الشر ياقاك


::

والبارق اللي يّـم قلبه تخيلـه

ان مانزل وبله من الشوق واسقاك


::

يجيك يوم ويجرفك وسط سيله

في يوم ماينفع معك عض يمناك


::

ياقلب وادري صعب تلقى بديله

لاتعشق الا واحدن حيل يهواك


::

ماغيره اللي دووم همـّـك يشيله

وماغيرك اللي لاقسى الوقت ينخاك


::


وين الوعد والروح صارت عليله

متى على الله تلصق اشفاي بشفاك

::


واحكي لك اجمل الف ليله وليله

واسهر معك لين القمر يعشق اخطاك



::

ياقلب كاهو قوم روح اشتكي له

خله يشوف اليوم لو نصف ماجاك


::

وكانه يظن البعد حبـّـه يزيله

واللي خلقني مانوى القلب ينساك


::

ياشيخ قول اهواك واكسب جميله

في حق من شالك على الراس واغلاك


::

والا دخيلك غيب غيبه طويله

والله يصبـّرني على طول فرقاك

::

والا دخيلك غيب غيبه طويله
.. .. .. .. والله يصبـّرني على طول فرقاك

الرااائع .. عبدالله الجهني ..

الحمدلله على السلامه

افتقدناك و فقدنا ابداعك

مبدع و متالق كعادتك

سلمت يداك
.
.
.

الرااااقي عبدالله

كم نشتاااااق اليك

والى مصافحة ابداااااعك

مبدع في زمن شح به الابداع

متميز في كل شئ

لك مني اعذب التحايا

ولك مني ماليس لغيرك

كل الحب

::


ياطول هالليله علّي .. يابردهــا

واشواك غيبتها خذت . . مني بقايا وردها

ياحضنـهـا . .

قربّ بربك ضمنـي .. ودي ابهمس بأذنهــا

محتاج لك

محتاج لك

محتاج لك . . حـد الـوجـع

والهم لو قفـّـى وراح .. ماصــّـدق ابليله رجع


::


ابداااااااع ياعبدالله..


لاحرمنا الله من ابداعك ونزفك الرائع..


::

لله الله

على الابداع

يعطيك العافيه

كلمات حلوة وجميلة ومعبرة تسلم يا عبداللة على النقل