غناة الذيب والا فقره

أسعد الله أوقاتكم بكل خير

بعد غياب أرجو أن يغفر لي . هنا آخر ماجادت به القريحه

لعيونكم وعيون وافي وعيونها

...

جيتك وجبت الشعر مع قيفانه = قدام عينك وانت شوفه واقره
يابو العيون الخدره النعسانه = بخط لك فقره وبخفي فقره
وانته تمشّى وافتح فبيبانه = أدخل دهاليزه وحاصر عقره
خله يضيع..وضيع به والحانه = وشيله بقلبك فوق لاتحتقره
مافيه غيرك صابني نيشانه = ولافيه غيرك صاد قلبي صقره
واللي خلقك الأجمل من اخوانه = إنك غناة الذيب والا فقره
حتى القصيد أعلن علي عصيانه =عذره مقصّر والحكي يفتقره
يخاف لو قصّر تجاهل شانه = ولا عقب هالحقره وربي حقره
عذره بوصفك كل شي(ن) خانه =وعذري نقشته في ضلوعي واقره
جاك القصيد وقلب عاف أوطانه = أمّا غناته معك والا فقره

................

...

اما غناة الذيب والا فقره
وانا اشهددددد ياالذيب

محمد الفارس ( فارس الشعر )

عدت .. فــ عاد الشعر
فأهلاً بعودتك .. وبالشعر الذي عدت به وعاد معك

قصيدة راائعة
معنى ومضمون .. سبك وحبك .. وقافية تطرب الشاعر ومتذوق الشعر
فلله درك على هذه الرائعه .

ابدعت يامحمد
وكما هو الابداع المعهود منك

سلمت يداك


كلك ذوق

...

محمد الفارس لقد جدة بأكثر مما نطمح من الهمس فدمت ايها الأيب الى دارك

	المشاركة الأصلية كتبت بواسطة محمد الفارس

	أسعد الله أوقاتكم بكل خير بعد غياب أرجو أن يغفر لي . هنا آخر ماجادت به القريحه لعيونكم وعيون وافي وعيونها ... جيتك وجبت الشعر مع قيفانه = قدام عينك وانت شوفه واقره يابو العيون الخدره النعسانه = بخط لك فقره وبخفي فقره وانته تمشّى وافتح فبيبانه = أدخل دهاليزه وحاصر عقره خله يضيع..وضيع به والحانه = وشيله بقلبك فوق لاتحتقره مافيه غيرك صابني نيشانه = ولافيه غيرك صاد قلبي صقره واللي خلقك الأجمل من اخوانه = إنك غناة الذيب والا فقره حتى القصيد أعلن علي عصيانه =عذره مقصّر والحكي يفتقره يخاف لو قصّر تجاهل شانه = ولا عقب هالحقره وربي حقره عذره بوصفك كل شي(ن) خانه =وعذري نقشته في ضلوعي واقره جاك القصيد وقلب عاف أوطانه = أمّا غناته معك والا فقره

الله الله الله

اهلا بالشعر

صح لسانك يالفارس

محمد الفارس /

يا هلابك والله وحياك

ومثل ماقال الوافي ( عدت وعاد الشعر معك)

صح لسانك ملايين

قصيده رائعه وجميله

يسعد ربي ايامك وكل عام وانت بخير

قصيده رائعه


شاعر متمكن الله لايضرك


صح لسانك وسلم بنانك


وحياك الله