الصمت في بعض المواقف شهامه.......

جتني تسلم في سلامه عمى عـين = ياليت ربي فكـني من ســلامـــــــــه

مدت يمينٍ ساعدتها الشياطـــــين = وزود على ضغط اليمين ابتسامــــه

ثم اكشفت وجهٍ حوى كامل الزين = بدرٍ تجلى عن سواد الغمـامـــــــــه

وقالت بصوت بحه الهــــــم والبين = والحزن واضح في ثنايا كلامــــــــه

وينك ثمان اسنين مالك عنـــــاوين = ولا لقينا بالوطن لك علامـــــــــــــه

درت البلاد ودرت كل الميـــــــادين = ودرت الشمال ونجد واعلي تهامــه

تركتني واقفيت مثل الشيـــــــاهين = حطمت قلبي واسود الوقت ظامــه

لازال حبي ســارين بالشـــــــرايين = والا خذا قلبك فــريد الـعـــدامــــــه

وتبسمت والدمع وصل الشفــاتيـن = والحزن ركز بالضماير سهامــــــه

قالت وانا عجزت لاقول حـــــرفين = الصمت في بعض المواقف شهامه

سحبت انا يدي وقفيت بالحيـــــــن = وابعدت عن درب الخطا والندامــه

حماني الله في ثلاثٍ مع الـــــــدين = العقل والعفه وخوف المـلامـــــــه

احمد بن عبدالرحمن العريفي

(نديم المجره)

وانا اقول ان الصمت امام هذا النص
ملامة
سيدي الراقي مصافحتي الاولى لكتاباتك
اجبرتني على الوقوف هنا كثيرا
لست شاعرة ولكن متذوقة للجمال

قالت وانا عجزت لاقول حـــــرفين = الصمت في بعض المواقف شهامه

جسدت لنا قصيدتك لقاء اقرب منه للوداع
من جديد

حماك الله بثلاث بعد الدين
واكرمك بالرابعه موهبتك الشعريه
ننتظر بشوق جديدك

دمت بخير

	المشاركة الأصلية كتبت بواسطة نديم المجرة

	حماني الله في ثلاثٍ مع الـــــــدين = العقل والعفه وخوف المـلامـــــــه

الله يديمها عليك
وصح الله لسانك

رائعه رغم ألمها

حماني الله في ثلاثٍ مع الـــــــدين = العقل والعفه وخوف المـلامـــــــه
نص راااقي وجزل
امتعتني قراءته
صح لسانك واعتلى شانك
دمت بكل خير

صح لسانك شاعرنا نديم المجرة
خاصة وأنك تسلحت بمجامع الدين والرجولة والعفة،

دمت بخير وعافية