فلّه .. و خدامه.. و لكزس .. وجوال

بعد الفقر حطـت شريحـه وجـوال0000 يسعـد مسـا جوالهـا والشريـحـه

كانت تجينـي تشتكـي قلـة المـال000 وتصيح لاجا طـاري الفقـر صيحـه

تقـول ابويـه دايـم الـدوم رحـال 0000وامـي كبيـرة سـن دايـم طريحـه

وانت الوحيد اللي لك القلـب ميّـال 0000دايم يصارحني وانـا لـه صريحـه

طفله وانا معشوقهـا بيـن الاطفـال 000جريح حب وطاح لـه فـي جريحـه

كنا سوى نرسم علـى التربـه امـال 0000وأحـلام تقتلهـا الحيـاه الشحيحـه

كم دمعةٍ كانـت علـى الخـد تنهـال 0000واذا نزلت ضاقـت علـيّ الفسيحـه

الله كم صرخه..وهمسـه.. ومـوال 0000الله كـم جـادت علينـا القريـحـه

لله كــم بـيـتٍ كتبـنـاه يخـتـال 0000واقول انا (ضيدان) وانتـي( مليحـه)

نخيل لوما فـا لسمـا بـرق وخيـال 0000وانكـذب الا يـام لوهـي صحيحـه

تقول لاحطيـت لـك بشـت وعقـال 0000وسخّرلك الرحمـن عيشـه مريحـه

اخاف تتركنـي علـى عثـرة الفـال 0000 للفقـر ووجيـه الحـيـاه القبيـحـه

وحبيتهـا بيـن الخـلايـق والازوال 0000حبٍ يطـول الوقـت محـدٍ يزيحـه

وسلمتهـا قلـبٍ تباريـه الاهــوال 0000وطاح الخفوق وطيحة القلب طيحـه

راحت وخلتني مـع القيـل والقـال 0000 شاعر صواريـف الدهـر تستبيحـه

ودار الزمان وغيـر الحـال بالحـال 0000وجاها الزمـان بكـل ورده وشيحـه

فلّه .. و خدامه.. و لكزس .. وجوال 0000وانا عجزت ادفع رسـوم الشريحـه




الشاعر شجاع السواط


على ماقال اخي ماني بهايب





تحيات

ولد

الشايب

جعلك والله تسلم ياولد الشايب
على نقل هالقصيده المشهوره الطيّبه
ولكن احب اصحح لك كلامك القصيده ماهيب لبن قضعان
القصيده للشاعر المرقابي شجاع السواط
مالومك لني شفتها في احد المنتديات نزلها واحد يقول مثل ماقلت انت
والصحيح هو مثل ماقلت انا ( شجاع السواط هو شاعرها وقايلها.)
لتنبيه فقط

................

...


مشاركة رائعة

وكلمات جميلة ومعبرة


واختيار موفق



شكراً لذوقك الرفيع


والشكر موصولاً للأخ ماني بهايب للتصحيح
وألقصيدة كما تفضل الأخ للشاعر شجاع


سلمت يداك



كلك ذوق

...

اخي ماني بهايب لاهنت على مرورك الكريم

واشكرك على التعليق الرائع


انا سمعت هذى القصيدة من كذا شخص والكل يقول انه الى الشاعر ضيدان

والدليل ان اسمه في القصيده واذا لحظة قصايد ضيدان دائماا اسمه يذكره في القصيده

واكرار شكري لك اخي الفاضل ولاهنت على معرفت اسم شاعر هذا القصيده

تحيات

اخوك

ولد

الشايب

والاروع مرورك وتفضلك باتعليق على مشاركة ولد الشايب


ولاهنت اخي الوافي



تحيات

ولد

الشايب

انا عطيتك العلم الوكيد
وصحح كلامي المدير القدير وافي
وذكر ضيدان مع مليحه فلسفه من الشاعر وهي
على منوال عنتر وعبلا وقيس وليلى
والرجال معروف
وقصيدته معروفه
وشكرا لك مره ثانيه.

الأخ الفاضل ( ولـد الشــايب )

هـــلا والله ومرااااحــب فيـك وحياك الله بين أخوانك في الوئام

مشـاركة جيــدة وأختيـــار موفق لقصيدة جميلة جداً

وهذا دليل على ذوقك الراقي فالإختيار

صح لسانك على مانقلت وصح لسان الشاعر /شجاع السواط

سلمت أخوي وننتظر المزيد من المشاركات الجميلة

لاهنت وحياك الله

اخوي الغالي

ولد الشايب

اسعد الله ايامك بكل خير

والله يعطيك العافيه على هذا الأختيار الأكثر

من

رااااااااااااااااااااااااااااااااااااااائع

سلمت ودمت اخي الحبيب وصح السان شاعرها

وتقبل مني اجمل تحيه

اخـوك فـزاع

اخي ماني بهايب انشالله طال عمرك

ولاهنت على التاكيد وشاكر لك هذي المعلووووومه


اخوك

ولد

الشايب

اخي عازف الناي اخي فزاع


لاهنتوو على مروكم الكريم


وعلى تعليقكم الرائع



تحيات

اخوكم

ولد

الشايب