طريقه ممتازه تخسر فيها صديقك

في الوقت الحاضر طغت الماده على اي شيء اخر في الحياه
و اصبحت اكثر العلاقات مبنيه على اساس مصالح متبادله
فلم يعد هناك ما يسمى بالصداقه الفعليه الا في اضيق الحدود


المهم هذي مقدمه

و الموضوع هو اني سمعت مثل جديد يقول (( اللي تبي تخسره من اصدقائك .....سلفه مبلغ من المال ))


و هذا واقع

اذا سلفت واحد مبلغ معنى هذا انك

ما راح تشوف وجهه مره ثانيه
و لا راح يتصل بك لو تموت
و لا عاد يبيك و لا يبي سلامك
و كانه اغتنم فرصه و اكتسب غنيمه منك كانت هي الهدف من بناء علاقته بك
و المصيبه انك لو احتجت فلوسك بتخرب الحكايه عاد للاخر

تبدأ بالمماطله
و بعدين الاعذار
و بعدها اعلان الافلاس
و في الاخير يصبح اللوم عليك لانك ما عذرت صديقك و لو ان فلوسك اخذت عنده عشرين سنه
و تصير انت اللي ما فيك خير و تبي نضايق رفيقك


يا للعجب

و لو اشتكيته يروح بكل بلاطة وجه للحقوق المدنيه و يقول ما عندي شي ابيكم تسجنوني

و تصير بالتالي انت من دخل رفيقه للسجن و انت الخائن

هذا اذا ما انكر فلوسك و كنت انت ماخذ عليه وصولات تضمن حقك

و المشكله كل سمعته ما تهمه مقابل هذا المبلغ التافه
و فيه نوع من الرجال على استعداد انه يقول انا نذل و يقول انا مو رجال في مقابل انك ما تاخذ حقك منه

المهم............اللهم لا تجعل الدنيا اكبر همنا


صحيح ان الناس تغيروا
و اصبحنا نطبق المثل المصري الحقير..((معاك ارش تسوا ارش...ما معكش ...............ما تسواش ))


منتظر تعليقاتكم


على فكره انا ما قلت ان كل الناس كذا
و لكن اقول ان النوعيه هذي اصبحت غالبيه بيننا

للأسف أخوي .. فعلا هذا الحال الحين .. وأنا واحد من الناس اللي مر بهالتجارب كثير ..
أنا اعمل في محل تجاري .. ولي أصدقاء يأخذون أحيانا بالدين .. ورغم إنهم كانوا يجون يوميا .. بس بمجرد ما زاد الحساب ما عاد تشوفهم .؟؟
والسبب ممكن يكون انهم ما يبون تطالبهم .. أو يمكن لأن ما معهم ومستحين منك .. لكن تطبيق مصطلح (( المصلحة من المعرفة )) صار كل شي في وقتنا هذا وإذا أحد جاك بيتعرف ..
تأكد إنه يبيك بشي بعد اسبوعين أو ثلاثة بالكثيييير ..
الحمد لله إن هالنوعيات تبان على طول .. والأفضل تبقى حذر في التعامل
ولا ننسى .. ممكن كثير أصدقاء يتسلفون ويردون اللي تسلفوه
بس الاغلبية صارت مصلحه ..
والأمثلة تكثر كثير على هالموضوع .. أشكرك أخوي ساهر الليل ..
وأتمنى لك ليالي سعيدة
أخوك أميــــر ،،

اخوي امير يشرفني ان موضوعي هذا من اوائل المواضيع اللي انت مريت عليها

تسلم يالغالي على ردك
و كلك ذوق يالغالي

هلا بك ساهر والله كل موضوع من مواضيعك فعلا هي مانحتاج نناقشها

الا قل لي وش رايك بلاشراف بالمنتدي العام بعد مع شوق وعاشق مكه

بالنسبه للموضوع فعلا والله حاصله وبشكل كبير

وللاسف والله صايره معي من قريب للاسف

سلفته ثلاثه ارباع راتبي الشهري علي انه يرده خلال اسبوع

وحلف علي الا اخذ منه شيك ورفضت ولكنه اصر علي اني اخذه

وقلت له ترا كل راتبي معك انتبه مصروفي معك

قال ابد الاسبوع الجاي عندك واسبوع والثاني وشهر وراح الراتب

زي السلام عليكم تصدق ان منحرج اتصل عليه او اساله عن السلف

وهو اخذ الامر عادي ولاحتي سال عني او اعتذر بسبب التاخير

وشفتك ولاشفته

هلا فيك خالد

شفت شلون انت خسرت قريب مو صديق عاد

و المشكله انت تلقاك منحرج منه و لا تبي تطالبه

و لو تقابله صدقني بتكون عينه اقوى من عينك و ما راح ينحرج منك

بيصرفك هوا....من كثرك


تسلم على اطرائك يالغالي و شوق و خوياها فيهم الخير و البركه