...,:"؛":,... سـ..ـوالـ..ـف شـ..ـلـ..ـتـنـ..ـا .,:"؛":,...

سوالف شلتنا

السلام عليكم ورحمة الله وبركاته

كيف حالكم وكيف المنتدى معاكم

هذا اول موضوع انزلة وان شاء الله يعجبكم

هذا الموضوع لا منقول ولا مسروق

وهو سوالف شلتنا ( هذي شلتي انا ).. شلة المزايين ..

صديقاتي بالكلية الله يحفظهم ويسلمهم


دايما ما يحصل معنا بالكلية مواقف يا يكون مع الطالبات او مع الدكتورات والاستاذات وهذا الاغلب

شلتنا 10 بنات مزيونات

الموقف 1 :

مرة من المرات ثنتين من صديقاتي جالسات جنب بعض بالمحاضرة

طبعا اذا كان لنا نفس المحاضرة نجلس جنب بعض سوا 2 او 3 او 4 .. علشان تزين السواليف ..

المهم

جالسات بالاخير والله يسلمهن ما اسكتوا آخذينها سواليف بالراحة

بالاخير عصبت الدكتورة وصرخت علهن وتكلمهن بالانجليزي

تقول لهن تعالوا اقعدوا قدام عندي ( هذي الترجمة ) علشان ما تتكلمون

وهن الله يسلمهن ما يدورن وش تقول قاموا من كراسيهن وطلعون برا

الدكتورة فارت وعصبت زيادة ودرت انهم ما فهموا لها قامت تكلمهن بالمصري

وتقولهن ادخلوا واجلسوا قدام ولا عند ( العميدة )وصديقاتي حلفوا ما يدخلون

ما يبون الفشيلة ( ياحبيلهن )

الموقف 2 :

وحدة من صديقاتي ما تعرف بالانجليزي خير شر هذا اول ما دخلنا الكلية اول السنة

وطبعاً كليتنا كلها انجليزي

جت بتدخل القاعدة وكان فيه استاذة داخلة قبلها

المهم تقول لها الاستاذة بالانجليزي ( وين كنتي )

وصديقتي ترد عليها تقول اسمي فاطمة

مشتها الاستاذة المرة هذي

الاستاذة تقول لها بالانجليزي ( وانا جاية للقاعدة شفتك قاعدة برا ليش ما دخلتي قبلي )

صديقتي ترد عليها تقول اسمي فاطمة

الاستاذة ما قدرت تمسك نفسها زياد قالت لها اطلعي برا.

ومو من عوايد الاستاذة هذي تطلع البنات برا بس وش تسوي ما الومها


الموقف 3 :

مرة من المرارير كان عندنا اختبار المهم

العميدة شادة علينا بالمرة ما تبي احد يهرب من المحاضرة

تقول ( عاوزاكوا تطلعوا الاوآئل عالمملكة وعاوزة الكلية دي تطلع الأولى على المملكة )

المهم شادة علينا بالمرة من ناحية حضور المحاضرات

وذاك اليوم كان عندنا اختبار وصعب شوي والاختبار يبدأ تقريباً الساعة 9

وكان عندنا محاضرة غثيثة بالمرة قبل الاختبار ومدتها ساعتين ولو دخلتها نسيت كل اللي حافضتة

فأشرت على البنات اننا ما نحضر المحاضرة واللي يصير يصير

طبعاً نتخبى بأي مكان عن اعين العميدة ومعاونيها

وماجلس معي الا 3 بنات من صديقاتي والباقي عيوا كل وحدة دخلت محاضرتها

الساعة الاولى من المحاضرة مشيناها تحت

والساعة الثانية اشارت علينا وحدة من صديقاتي نروح فوق ونجلس احسن ونرتاح مو جالسن وخايفين

طبعاً رقينا .. وصرنا خايفين بالمرة يبدأ الاختبار وحنا ما ندري

قلت للبنات ننزل تحت لمكاننا احسن..

وحنا نازلين صار اللي ماتوقعناه

انا امشي واذكر ان البنات كانوا وراي انا دخلت دورة المياة لأني حسيت انه فيه خطر

التفتت ومالقيت وراي احد

وكان فيه مستخدمة تغسل .. زي اللي بالمستشفيات

ومادريت الا والمستخدمة تاخذ كتابي مني وتدخلني الحمام قالت لي اسكتي الدكتورة جت

انا خفت على صديقاتي لأني ما ادري وينهم

واسمع اصوات بعدين جت المستخدمة وعطتني كتابي ومسكت يدي وطلعتني من دورة المياة وقالت لي اركضي قبل

ما تطلع الدكتورة داخل غرفة من الغرف

ووحدة ثانية من المستخدمات بعد زينت لي الطريق ..

نزلت لمكاننا المعتاد وصديقاتي ما ادري وينهن

يوم دخلت للغرفة توقعوا وش لقيت البنات

لقيتهم يرتجفون .. وحدة اذنها حمرا والثانية شوشتها طايرة والثالثة مسكرة الكتاب وجالسة من الروعة

انا مت من الضحك على اشكالهم

اثاري البنات يوم يضيعون مني داخلين سيب من الاسياب وسمعوا صوت احد جاي قاموا يقابلون اللي جاي يحسبوني

انا ما دروا الا والعميدة بوجيههم ومعها السكرتيرة ووحدة من الشؤون

العميدة علطول مدت يدينها مسكت صديقتي مع اذنها وصديقتي الثانية مع شعرها

وتهزهن بتعملوا ايه هنا .. صديقتي الثالثة من الروعة خربطت عليهم وهجت تركض

والبنات طلعوا حرة العميد ة بي انا.. يقولون لا عمرك تقولين لنا شي مانبي مشورتك لو نرسب مالك شغل فينا

بس ذاك اليوم راح كلة ضحك عليهن


.. هذي بعض المواقف وان شاء الله تكون اعجبتكم ..

وان شاء الله اعطيكم الباقي

..............

...

مواقف طريفة وظريفة ومضحكه





لكن

	وانا جاية للقاعدة شفتك قاعدة برا ليش ما دخلتي قبلي

اي قاعدة ؟؟


انتم بكلية عسكريه والا ايه !!








كلك ذوق
ياللي مالاقيتي لك اسم


...

ههههههههههههههههههههههههه

سوالف تضحك .. وتفشل ..

والله ذكرتيني بأيام الثانوية .. عاد كلها ضحك × ضحك ..

دمتي بخير .. مع التحية ..

	ما دروا الا والعميدة بوجيههم ومعها السكرتيرة ووحدة من الشؤون العميدة علطول مدت يدينها مسكت صديقتي مع اذنها وصديقتي الثانية مع شعرها وتهزهن بتعملوا ايه هنا .. صديقتي الثالثة من الروعة خربطت عليهم وهجت تركض والبنات طلعوا حرة العميد ة بي انا.. يقولون لا عمرك تقولين لنا شي مانبي مشورتك لو نرسب مالك شغل فينا بس ذاك اليوم راح كلة ضحك عليهن

هههههههههههههههههههههههههههه
هههههههههههههه
الله يعنيهم..
بس من جد مالها حق العميده..
خلاص بنات في الكليه مسؤلات عن انفسهم ليش العميده تطق؟؟
<<<<خوااااااااااافه

حظك ياعسل اللي فلتي منها
هههههههههههههههههه

	وان شاء الله اعطيكم الباقي

يالله بإنتظااااااااار البقيه
لاتطولين نبي الحلقه الثانيه..

هههههههههههههههههههههههههههههههههههه ياحلو ذيك الايام

ذكرتيني باللي مضى 000

اذكر مره في محاضره انا وصديقتي وطول المحاضره وانا اسولف وصديقتي

تقولي اسكتي ترى الدكتوره بتهزئنا 000 وفعلا سمعتنا الدكتوره بس انها هزئت صديقتي

لحالها وانا ماقالت لي شي هههههههههههههههههههه حسيت نفسي مجرمه

موضوع راااااااااااائع 000 اذا فيها زياده هاتيها لا تطولين علينا

والله شلتنا حنا فله


الاول يقول

ناقتك كم جابت ولا كم سيمت


الثاني يقول


عطني فحلك ابيه يلقح ناقتي


والثالث يقول

هذا حوار ولا مفرود ولا قعود

والرابع يقول

(( ماني قايل )) اسرار المهنه


ههههههههههههههههههه



موضوع يذكرك باللي مضي .......



تحياتي

ههههههههههههههههههههه
ههههههههههههههههههههههه

بسم الله الرحمن الرحيم

ما لقيت اسم

السلام عليكم ورحمة الله وبركاته


سوالف راااااااااااااااااااااااائعه
ما شاء الله عليك وعلى هذه المشاركه


بارك الله فيك وفي جهووووووودك


اخوووووك

حسام الشعر

هههههههههههههههههههه
سوالف حلوة
ولله وخصوصا اذا كانت سلة مزاين

شجعتين انزل السوالف تبع شلتي انا
بس لا تقولي قلدت عليك
شفتك نزلتي سوالف ورحت نزلتهم
انتي حديتين
ههههه هههههههههههههه

احنا سواف شلتنا كله سوالف هبل وجنون

يعطيك العوافي يالي مالقيتي اسم

اهلا وسهلا اخوي الوافي

	اي قاعدة ؟؟ انتم بكلية عسكريه والا ايه !!

ههههههههههههههههههههههههههه
ههههههههههههههههههههههههههه

طبعا هذا خطأ مطبعي

اقصد القاعة



تسلم يالوافي

يكفي بس حضورك