[رحـــــــــيل ●]

بسم الله الرحمن الرحيم

* في الأكل *
البنت /
قبل الأكل تغسل يدها بصابون وتنشفها.
تمشي بخطوات هادئه وتجلس على السفره بكل رقه مثل الحوريه تثني رجليها لليسار وكنها بتطيح على جنبها
تمسك الملعقة برفق..وتنظر اليها جيدا حتى تتأكد انها..تبرق
تقول بصوت ناعم""بسم الله ""
تبدأ بأكل السلطه حتى تفتح شهيتها
تاخذ الرز بالملعقه بحيث لايتجاوز عدد الرزات 17 حبه فقط
تمضغ الطعام جيدا وبدون ماتطلع اي صوت
اذا خلصت الاكل تحط الملعقه مقلوبه ع جنب و تقوم بروقان تروح تغسل وتتعطر عشان ريحة الزفر
فديتنا والله


أما الولد //
يقوم من النوم بعد الظهر ومتجه مباشره للسفره وهو مشمر الذراعين
يجلس على السفره كانه بيلبــــــــق(ونش)
يدخل يده كامله في الصحن تاركا مسافة 2 سم بين كل اصبع والثاني
يطلع يده من الصحن ويدخلها وماحملت بفمه المفتوح 20 سم
يمضغ الاكل بحركة ( البعير )
وبعد مايخلص يطلع صوت بايخ و يتكي بجنب السفره ساعه او ساعه ونص وهو ماغسل
ويمكن ياخذ له غفوه


* اللابتوب *
البنت /

الجهاز يفتح النفس ويلمع لمعان وريحته عطر هادي
عليه اكسسوارات نعومه وذوق
عند بدء التشغيل صوت ميوزك رومانسي
خلفية الشاشه فيديو متحرك بألوان رايقه
الملفات المحفوظه همس الحب - نبض القلب - نفحات شعريه - ومعظم ملفاتها ازياء ومكياج
نكات الماسنجر :
بيت شعر وكله ورود
وصورة العرض بنوته متلثمه او مستحيه
المستندات الأخيره :
< كيف تصنعين عطرك بنفسك .
< صور الفنانات قبل التجميل وبعد .
< تنظيف البشره والحفاظ عليها
< اسماء مصممين وعروض ازياء
عند ايقاف التشغيل تغلق كل صفحه مفتوحه وبهدوء تختار ايقاف التشغيل و تسكر الشاشه


أما الولد //


الجهاز كله غبار وبعض أجزاؤه مفقوده وخربانه
زر الفتح مكسور ويشغله بقلم
عند التشغيل تفتح له صفحات واجد اما برامج غير محدثه او تحذيرات من فايروس أو صفحات نسي يقفلها اخر مره
الملفات ( المهستر - أغاني مسرعه - خااااااااص جداً )
خلفية الشاشه سيارات أو وجه مرعب أو أسلحه
نكات الماسنجر /
هكرز 2012 - المرعب - واسماء تخوف البنات أو تجذبهم المحب - الحنون - الرومانسي
صورة العرض واحد ماسك سيجاره
عند ايقاف التشغيل بدون اي مقدمات يسحب المحول من الكهربا وانتهت السالفه




* الجوال *
جوال البنت
لونه أبيض أوردي أو أحمر
اكسسواره روعه والوان تفتح النفس
كل يوم بكفر جديد وحركات
ع طول بطاريته تمام ومحافظه عليه
النغمه ميوزك أو صوت عصافير
الخلفيه قلوب او دبدوب
او بنت دلوعه
الاسماء /
ريما
سوسو
ميمو
حياتي
ست الحبايب
بابا
الغالي < الاخ طبعا
الكوافير
المسجات /
دلع اما نكت او رومانس
ماتحصلون شطحات ابد
المنبه /
مضبوط عالساعه 6 الصبح خصوصا اذا وراها دوام
مدة بقاء الجهاز معاها 6 شهور بالكثير بعدين تغيره
مكان وضعه / دايما بيدها ووقت النوم تحت الخده


أما الولد //
اللون اما رمادي أو أسود
كله رضوض وتكسير
والشاشه يمقن تشتغل ويمقن لا
وان اشتغلت تكون ضبابيه
الخلفيه عالاغلب مافيه خلفيه
النغمه العاديه أو صوت رشاش أو دوريه
الأسماء /
محمد < البوفيه
الغسال موسى
مطعم ..
مطعم ...
مطعم .. الخ
النشبه
الدلخ
الشاكوش < الاب
الدوريه < الام
ساهر < الزوجه لو متزوج
المسجات كلها من الاتصالات أو المرور
واذا مره تطور اشترك بخدمه من خدمات الرسايل الاخباريه
المنبه / مايدري اصلا ان في الجوال اختراع اسمه المنبه
مدة بقاء الموبايل /
تتراوح مابين سنتين الى ثلاث واذا الجهاز فيه حيل يواصل باقي العمر عادي ماعنده مشكله
مكان وضعه /
في جيبه دائما أو مع المفاتيح بجنبه
ووقت النوم يقفله ويحطه عالتلفزيون او بجنب الرسيفر

[خلف الجابري ●]

..
ههههههههههه

اللي يشوفك يقول انك مطبقه ذا الشي

كم مرره حطيتي دياتك اثنتين وماتشوفين الا حبات الرز تطامر تقول منتحره من دوور عشر طعش

وكم مرره تعلقت الملعقه بضرس العقل تدفين الاكل بها دف

وكم زر بجهاازك طايحن له سنه ونص وكم كسر بالشاشه ويمقن جوالك بدون غطا خلفي احووووول

وباقي وباقي ماني بمطلع فضاايح بسسس

لعلكم ماتفيدوون ياذا البنيات مسويات فيها دلوعاات منزينكم عااد

سلميلي عليينا اللي ليامنا شفنا الاكل صرنا نطاامر ايه ذول الناس اللي تبي تنفع انفسها ادبسها واتوكل


بس عاد ترا جهاازي طايحن منه مفتاح واحد بس ولوونه اسووداحيان يصير به غبار بس اوديه المغسله ويطلع ذا زينه خخخخ

امممممم

فديتنا ولد ولد رجل رجل شايب شايب

[عطر الحروف ●]

وهـ بس فديت البنات ودلعهن يهبلن >>> تبي تقهر الاخ خلف ^_^
كل شيء حلو فيهن
يسلموو غلاي على هيك طرح رووعه
عواافي,,,

[عبدالله 12 ●]

مشكورة أختي رحيل على هذي المقارنة اللي "مش ولا بد" واللي فيها تحيّز كبير للبنات.

عندي – لو سمحتِ – بعض التوضيحات عن هذي المقارنة بفرض إنها صحيحة.
أولاً: بالنسبة للأكل:
غسيل اليد قبل الأكل وبعده ما يساعد في تطبيق سياسة ترشيد المياه اللي تدعو لها الدولة حفظها الله، ولهذا فإن الولد "الأمور" اللي "يمقن" يغسل أيده مرة وحدة أو ما يغسل بالمرة يكون ساعد "بقصد" بترشيد استهلاك المياه، وهذا يعني أنه مواطن صالح يحرص على عدم تبديد ثروات الوطن.

طبعاً الأكل باليد أكثر رومانسية من الأكل بالشوكة والملعقة، وخاصة لما يحط على الرز خلطة عجيبة مختلفة الألوان نلاحظها بين الأصابع وأحياناً على الوجه.

من المعروف بأن إظهار الصوت "الغريب" أثناء الأكل هو دلالة على أن الطعام الذي تم "بلعه" لذيذ الطعم، وفي هذا ثناء غير مباشر لمن طبخ الطعام بعكس البنت التي لا تُظهر أي تعبيرات "مؤثرات صوتية" فيها ثناء للطابخ.

ثانياً: بالنسبة لمقارنات اللاب توب ففيها برضه بعض التجني على الشباب، ولا أريد أن أتحدث عنها نظراً لضيق الوقت وليس لأنه كان عندي لاب توب يشبه اللي حطيتي صورته.

ثالثاً: بالنسبة للجوالات فكل ما ذكرتي يدل على أن الشباب اقتصاديين ويحافظون على جوالاتهم لعدة سنوات بعكس بعض الناس اللي ما يسمعون بأي موديل جديد إلا ويتسابقون علشان يشترونه،
بخصوص المنبه، فالشباب ما يحتاجونه لأنهم يصحون لحالهم قبل أذان الفجر وأحياناً يكونون مواصلين بخلاف بعض البنات اللي يحتاجون خمس منبهات تصحيهم.

عموماً ما ودي أطول أكثر من كذا بتفنيد هذي المقارنة، خليني أعطي فرصة لغيري،

ختاماً، اسمحي لي بأن أقول لك الله يعطيك العافية على هذي المقارنة والتقطيع في الشباب اللي خلاني أضحك من جد.

دمتِ بحفظ الله.

[غـــلا ●]

هههههههههه ايه حيلك فيهم طلعي فضايحهم
فديت عمرنا يالبنات كلنا رقه ونعومه
رحوله طرحك جميل يعطيك الف عافيه

[مياسم ●]

ههههههههههههههههههههههههه

صادقه البنات احلا في كل شي

[رحـــــــــيل ●]

المشاركة الأصلية كتبت بواسطة خلف الجابري

..
ههههههههههه

اللي يشوفك يقول انك مطبقه ذا الشي

كم مرره حطيتي دياتك اثنتين وماتشوفين الا حبات الرز تطامر تقول منتحره من دوور عشر طعش

وكم مرره تعلقت الملعقه بضرس العقل تدفين الاكل بها دف

وكم زر بجهاازك طايحن له سنه ونص وكم كسر بالشاشه ويمقن جوالك بدون غطا خلفي احووووول

وباقي وباقي ماني بمطلع فضاايح بسسس

لعلكم ماتفيدوون ياذا البنيات مسويات فيها دلوعاات منزينكم عااد

سلميلي عليينا اللي ليامنا شفنا الاكل صرنا نطاامر ايه ذول الناس اللي تبي تنفع انفسها ادبسها واتوكل


بس عاد ترا جهاازي طايحن منه مفتاح واحد بس ولوونه اسووداحيان يصير به غبار بس اوديه المغسله ويطلع ذا زينه خخخخ

امممممم

فديتنا ولد ولد رجل رجل شايب شايب

يؤ يؤ يؤ

أنا أحط دياتي الثنتين ؟؟



متى ؟



كيف ؟



ليه ؟



من قال ؟



ومن قال ان فيه أزار طايحه من جهازي ؟؟


أحس انك ملخبط شويتين
خلف فيك شئ ؟؟

[رحـــــــــيل ●]

المشاركة الأصلية كتبت بواسطة غربة مشآآعر

يسلموو غلاي على هيك طرح رووعه
عواافي,,,

ربي يسلمك ويعافيك

ياهلا بك

[رحـــــــــيل ●]

المشاركة الأصلية كتبت بواسطة عبدالله 12

مشكورة أختي رحيل على هذي المقارنة اللي "مش ولا بد" واللي فيها تحيّز كبير للبنات.

عندي – لو سمحتِ – بعض التوضيحات عن هذي المقارنة بفرض إنها صحيحة.
أولاً: بالنسبة للأكل:
غسيل اليد قبل الأكل وبعده ما يساعد في تطبيق سياسة ترشيد المياه اللي تدعو لها الدولة حفظها الله، ولهذا فإن الولد "الأمور" اللي "يمقن" يغسل أيده مرة وحدة أو ما يغسل بالمرة يكون ساعد "بقصد" بترشيد استهلاك المياه، وهذا يعني أنه مواطن صالح يحرص على عدم تبديد ثروات الوطن.

طبعاً الأكل باليد أكثر رومانسية من الأكل بالشوكة والملعقة، وخاصة لما يحط على الرز خلطة عجيبة مختلفة الألوان نلاحظها بين الأصابع وأحياناً على الوجه.

من المعروف بأن إظهار الصوت "الغريب" أثناء الأكل هو دلالة على أن الطعام الذي تم "بلعه" لذيذ الطعم، وفي هذا ثناء غير مباشر لمن طبخ الطعام بعكس البنت التي لا تُظهر أي تعبيرات "مؤثرات صوتية" فيها ثناء للطابخ.

ثانياً: بالنسبة لمقارنات اللاب توب ففيها برضه بعض التجني على الشباب، ولا أريد أن أتحدث عنها نظراً لضيق الوقت وليس لأنه كان عندي لاب توب يشبه اللي حطيتي صورته.

ثالثاً: بالنسبة للجوالات فكل ما ذكرتي يدل على أن الشباب اقتصاديين ويحافظون على جوالاتهم لعدة سنوات بعكس بعض الناس اللي ما يسمعون بأي موديل جديد إلا ويتسابقون علشان يشترونه،
بخصوص المنبه، فالشباب ما يحتاجونه لأنهم يصحون لحالهم قبل أذان الفجر وأحياناً يكونون مواصلين بخلاف بعض البنات اللي يحتاجون خمس منبهات تصحيهم.

عموماً ما ودي أطول أكثر من كذا بتفنيد هذي المقارنة، خليني أعطي فرصة لغيري،

ختاماً، اسمحي لي بأن أقول لك الله يعطيك العافية على هذي المقارنة والتقطيع في الشباب اللي خلاني أضحك من جد.

دمتِ بحفظ الله.

هلا بك أخوي عبدالله12

" مش ولابد " أدري قصدك لابد منها عشان نبين حقيقة الواقع المرير الي احنا عايشينه معاكم

أولاً : عندما لايغسل الولد الامور يديه قبل الاكل وبعده نعم هو بذالك يوفر المياه ويساعد في ترشيد الاستهلاك
ولكنه يسبب لدوله خسائر وخيمه في المنتجات الطبيه فهو بتصرفه هذا قد يضر نفسه أولا ( ما أظن ) وقد يضرنا نحن البنوتات فقد نتحسس من هذا الشئ و نتأثر نفسيا من منظر ألوان الخلطه العجيبه
ونحتاج بذالك لجلسات علاجيه متعدده حتى نتمكن من تجاوز الأزمه النفسيه التي سببها لنا ذالك الولد الأمور
أما بالنسبة للصوت الغريب نعلم أنه بمثابة شكر لطابخ الطعام ولكن ( شوفوا لكم أسلوب ثناء غيره ) لأني أنا شخصياً يخوفني و أحلم به بالليل وأنا نايمه

ثانياً : اللابتوب ترى أبد ما أقصد اللابتوب اللي كان عندك انما هي مجرد صدفه

ثالثاً : نعم كلام سليم ان الشباب اقتصاديين في حفاظهم على الجوالات لدرجة أنه عند الاتصال بهم نسمع صدى أصواتنا تتكرر وعندما نطلب منهم احضار شئ للمنزل يكرر صدى الصوت الطلب ويضنون أننا طلبنا مرتين فيحضرون شيئين من كل صنف
مثال ذالك /
الصوت الأصلي << جيب معاك سكر
الصدى << جيب معاك سكر
ويعتقد ( اللبيب ) انني طلب كيسين سكر فيحضر اثنين
وهكذا مع بقية الطلبات .....
-المنبه - فأنا أجزم أنه لاخمسه ولاغيره يصحيهم
فقد استخدمنا جميع الوسائل لايقاضهم ولكن لاحياة لمن تنادي
فمن باب اختصار السالفه من اولها مايسوون منبه أصلا

أخوي عبدالله 12 ربي يسعدك ويعافيك دووووم
أسعدني حضورك
دمت بكل خير

[رحـــــــــيل ●]

المشاركة الأصلية كتبت بواسطة غـــلا

هههههههههه ايه حيلك فيهم طلعي فضايحهم

فديت عمرنا يالبنات كلنا رقه ونعومه

رحوله طرحك جميل يعطيك الف عافيه

دوووم الضحكه يارب
صدقيني أحاول أسترهم قد ما اقدر


ربي يعافيك غلووو نورتي