من ارشيف الوئام ..

ياذا المفتاح اللي مناشبيني عليه

اصبرو الصبر زين


يسلمك ربي .. الليدي عمشا ..

ان شاء الله ماراح اتاخر مره ثانيه

الله يعطيك العافيه سديم

الموضوع هذا أعتبره أفضل موضوع مر على منتدى الشعر

وحلوه سالفة المفتاح

اعتقد المفتاح مايبي غير سديم :D

تحياااتي

محمد السبيعي

الله يعافيك .. محمد السبيعي ..

احرجتني باطرائك


اشوا ماطالبت بالمفتاح

هههههههههههههه سديم

انا معطي الخبز لـ خبازه

في انتظار ماتقدمينه لنا من جمال

تحياااتي

محمد السبيعي

اهم شي ان الخبز عند خبازه عشان مايحترق

لا يفـيـض الصـبـر وتـبـيـح الـســدود = يــدري الـلــي بالـخـوافـي مـــا درا
لا توصلـهـا مـعـي لاقـصـى الـحــدود = يكـفـي انــي عـفـت لـــذات الـكــرا
لا تبـاهـا فـــي عـذابــك والـصــدود = اذكــر انــي كـنـت سـتـرك والـــذرا
يشـهـد الله مــا نـبـي غـيـره شـهــود = ربــي الـوهـاب عــارف مــا جـــرا
كــم سـهـرت الـيـل والعـالـم رقـــود = ليـيـن بــان الصـبـح والـنـور اظـهـرا
كــم قـعـدت اخـيـل هـذيـك الـرعـود = كــم قـعـدت اعــد حـبــات الـثــرا
كـم قـعـدت اصـيـح باسـمـك يالعـنـود = احسبنـي الـحـال مــا حـولـي اقـصـرا
والله انــي صـنـت هـذيــك الـعـهـود = يــوم غـيـري بــاع حـبـه واشـتــرا
بـس انـا هالحيـيـن مــا ابغـاهـا تـعـود = يــوم فــي حـبــه تـجـنـا وافـتــرا
والله ان انـسـاه وانــا اخـــو حـمــود = والـرجــل قـــدام مـــا يـرجــع ورا

العمده

قصة هالقصيده حزيــــــنه

اليا ذكرت الميت في حضرة الحي = شبت على قلب المعنى لهاايب
همسات ليل الوصل شبت بي الضي = وثارت علي جراح مبطي صوايب
ماغير اعض شفاي وافرك يدي = واضحك لو ان الضحك ماهو بطايب
اطرد سراب اللال في غيبة المي = اللي لقلبي مثل غيث السحايب
غديت وسط الناس كني ولاشي = معهم بقايا انسااان والعقل غايب
حاولت اداري دمع تخفيه عيني = ونبضات قلبٍ من عنى الوقت شايب
مع ان كلٍ عارف اليوم وش في = حاولت اخبي هالجروح العطايب
مثل الغريق اليا مسك حفة الطي = تومي به يدينه على غير ثايب
يصيح باعلى الصوت ياخي ياخي = وخلووه صدقانه وكل القرايب
وتذكر اللي كاان له دايمٍ في = وناداه باعلى الصوت (يا اغلى الحبايب)
وعم السكون ارجاه ثم زادته كي = عبرات عينٍ فوق خده سكايب
وتذكر اللي غاب في حضرة الحي = وزادت على نفس المعنى لهاااايب

حسن المحمدي

على كثر الطعون اللي غزتني من ثلاث سنين = أبد ماصابني طعنه تشابه طعنتك فيني
تحمّلت الطعون اللي غدت منها الضلوع طحين = أكابر واخفي جروحي ولابه من يسليني
تعلمتي الوفا مني واحسب إنك معي توفين = ولافكرت في لحظه يجي يوم وتخونيني
عطيتك كل ماأملك من إحساس ومحبه لين = سمعتك وإنتي تقولي أبد مامثلك إثنيني
وصدقتك وحسّبتك تحبيني ولي تغلين = عشاني كنت احبك موت احسب إنك تحبيني
كذب كذبه وصدقها مثل يمشي علي تدرين = ولكن عن مدى حبي ابد ماكنتي تدريني
انا كنت أحكي لحالي واقول أم الحلا والزين = غلاها بالحشى ساكن ويجري في شراييني
واقول الله يحفظها ويكفيها الحسد والعين = ويطوّل عمرها ربي ويرضيها ويرضيني
بحبٍ خالدٍ صامد ولو طال الجفا والبين = يظل باقي ولايعكّر مزاجه قول واشيني
وأقول اليوم مادامك عرفتي يالغلا تخونين = تناسي حبي الأول ومع حبي تناسيني
أبد روحي وخليني أعرفك باكر بتنسين = أبد عيشي حياتك بس طلبتك لاتخليني
أناقض نفسي بنفسي واحسب إن الجروح تلين = وجرحي قاسي وخايف قساوة جرحي تنهيني

محمد السبيعي

عامين بالشط الآخر ... واقـف قبالـك = اصرخ وانادي والوح واصفـق يدينـي
وعامين ماتسمع الا قـول وش حالـك = معقول !! لا.. ليش لا .. معقول ياعيني
معقول مـادام غيـري شاغـل بالـك = ومعقول حتـى لـو النسيـان تنسينـي
ولاني بمستغـرب الا صـوت موالـك = اللـي تعـود مـن الغفـوة يصحينـي
جاني بوجه العـذاب المظلـم الحالـك = كنـه مسلـط علـى مجمـع شرايينـي
بالاولـه قلـت فـال الله ولا فـالـك = وبالثانيـه قلـت بالمقسـوم راضينـي
واليـوم انـا لامحالـة هالـك هالـك = ونبضات قلبـي تكـاد اليـوم تنهينـي
وش عاد خليت بيدينـي مـن حبالـك = لاشي لو كـان منـك شـوي يكفينـي
ياساكن القلب غيـث القلـب بوصالـك = وازرع بصحراء الضما زهر البساتينـي
اولى عنايتك بـي وببيتـك اولـى لـك = وان كنت ماعنيك بيتك حيـل يعنينـي
عسى سحابـك يحـن ويـرزم خيالـك = ويسقي غصون روت من هجرك سنيني
الين تروى وتـورف و اسكـن ظلالـك = واعطيك عمر الفـرح كلـه وتعطينـي
وان ماحصل قول عفواً ماتـت آمالـك = ومعذور حتى العـزاء فيهـا تعزينـي
ويكفيني ابقى اخوك او خـال لعيالـك = ويكفيك تبقين كل النـاس فـي عينـي

وافي

ياسلام عليك ياسديم

في إنتظار ماتقدمينه لنا من جمال

تحياااتي

محمد السبيعي