((//)) خربشاااااااااااات ((//))

مساء الخير للجميع

هذه الزواية عبارة عن تعليقات ساخرة وسنتطرق إلى عدة مواضيع من حياة المجتمع

وجميع مايذكر عبارة أن أفكار وآراء كاتبها فقد تصيب وقد تخطأ فإن اصاب فقولوا أحسنت

وإن اخطأ فقولوا احسن برضه <<<< هيه طيب وش الفرق ؟

طيب ان أخطأ لا تقولون شي 00كذا كويس ؟

جميع المواضيع ستكون مفتوحه أي قابلة للنقاش والتعليق وللجميع الحق في

إبداء الرأي سواء بالسلب أو بالإيجاب

بداية سأبدا بموضوع وحادثة

الموضوع موضوع الزواج بين الإختيار والقرار

ام محمد حرمة كبيرة في السن ولدها محمد متأخر عن الزواج سنين وصل عمره 41 سنه وماتزوج

امه متعبها هالشي وابوه فقد اليأس منه والتزم الصمت يقول ابو محمد ليش ارفع

ضغطي واحرق اعصابي على واحد ماله نظر في الزواج

ابو محمد استشار رفيقه ابو فهد وشرح له قصة ولده محمد وكيف ان هالموضوع مضيقن صدره

ابو محمد يبي يشوف عيال ولده قبل يموت 00الرجال معه حق اذا تبون الصراحه

ابو محمد ماعنده الا هالولد وثلاث بنات ومحمد مسوي فيها ابو العريف

قال ايه قال مابي اتزوج الا لما اصير ناضج والله لو انك دجاج الطازج المهم

ماعلينا ابو فهد مسك ابو محمد على جنب وقال له :

يابو محمد وش هالثواره فيك ؟ يؤ

( يمون عليه تدرون اقرب واحد له يعني احنا مالنا دخل انشالله يتذابحون

بعدين مدام ابو محمد ساكت وش حارق رزنا )

ابو فهد :كم مرة اقول لك اذا بغيت تكلمني لا تكلمني قدام الناس

هاذي أمور ماتنقال في أي مكان 00افرض بغيت تخطب من واحد منهم

وش وجهك قدامه بعدين

ابو محمد : يابو فهد انا اتكلم من ضيقة الخلق اللي فيني 00محمد يبو فهد مايبي

يتزوج ونا وامه عجزنا عنه 00هالحين شف كم عمره ؟ والله يابو فهد اني بعض

المرات مدري انا ابوه ولا ولده 00يبو فهد الشيب طلع فيه وهو ماتزوج

ابو فهد : اسمعني زين 00امسك ولدك على جنب واسأله 00يمكن فيه شي ونتو ماتدرون عنه 00

يمكن مريض لاسمح الله 00اذا فيه شي عالجوه

ابو محمد : يابو فهد مافيه الا العافية 00محمد يابو فهد زي الثور وانت شايفه

ابو فهد : انت مافهمتني 00وش زي الثور ؟ قصدي 00قصدي 00عطني اذنك الله يرجك

ابو محمد قام واقف

ابو محمد : انت متأكد من هالشي يابو فهد

ابو فهد : وش متأكد منه 00انا قلت لك يمكن 00صراحه انك نشبه

وراح ابو محمد لبيته ونادى محمد 00جا محمد وامه جت وراه 00الظاهر يحسبون فيه تقسيم فلوس

ابو محمد : اجلس يامحمد 00ونتي روحي سوي لنا شي ناكله

ام محمد : شي تاكلونه ؟ والعصر؟ ( صعبه تصرفها )

تونا متغدين ؟

ابو محمد : طيب جيبي لنا شي نشربه

ام محمد : ايه شي تشربه معقول 00انا مسويه شاي ومجهزته من ساعه 00رح يامحمد هاته

ابو محمد :يوووووووووه اقول ؟ بالعربي اطلعي وخليني اكلم ولدي شوي

اعوذ بالله ماينفع معها التصريف

///// وللحديث بقية \\\\\

1
راح
.
عاوزين
2

واصل

حياك سيفوي

شرفنا تواجدك ولا تنسى ترى ثلاثين جزء


نكمل حديثنا السابق ،،،،، الحلقة (2)

كنا قد تكلمنا عن ابو محمد وانفراده بولده محمد 00كان الهدف من ذلك مناقشة موضوع

زواجه لأن الموضوع زاد عن حده 00

ابو محمد : شوف يامحمد 00انت عارف ليش انا ناديتك

محمد : الصراحه 00لا

ابو محمد : انت عارف كم عمرك ؟

محمد : اكيد عارف 00فيه احد مايعرف عمره ؟00بس وش تقصد من سؤالك ؟

ابو محمد : طيب يومك عارف 00وش تنتظر 00 متى ناوي ان شالله تتزوج

محمد : وش جاب طاري الزواج الحين ؟

ابو محمد : ومتى الوقت اللي يناسبك 00اذا صار عمرك ستين ؟

محمد : يؤ 00ستين ؟

ابو محمد : والستين بعيده عليك 00انت الحين عمرك تعدى الأربعين وتقول ماهو وقته

محمد : شف يبوي انتو عارفين رايي في هالموضوع وقلته لك ولوالدتي ولخواتي

ابو محمد : رايك ماهو مقنع 00اذا عندك مشكلة ولا شي علمنا 00كل شي له حل ونا ابوك

محمد : مشكلة ؟ وش قصدك ؟

ابو محمد : قصدي انت فاهمه 00اذا عندك مشكلة صحية عالج ونا ابوك 00

هالحين الطب تطورماهو زي اول لكن الإستسلام واليأس مايجوز

محمد : يبوي والله مافيني شي 00 جبتو لي المرض ونا بخير ؟

ابو محمد : دام انك بخير لازم تتزوج ونا سمعتك كثير لكن الحين مالك أي عذر

يامحمد ياولدي ابي اشوف عيالك قبل اموت وامك بعد ونت حارمنا من هالشي وبدون

سبب واضح 00ماسمعت منك سبب يقنعني

محمد : بعد عمر طويل يبوي 00انا مستعد احقق رغبتكم بس لازم

تفهمون طلباتي 00انا مابي اي وحده 00سمعت من القصص والزيجات وماودي

يصير لي زي ماصار لغيري 0

ابو محمد : هاذي بسيطه 00شف امك وخواتك وقل لهم طلباتك والبنات واجد ونا ابوك

أهم شي نبيك تتزوج وماتتأخر راح من العمر ماكفى

محمد : خلاص اللي تشوفونه ولو اني كنت ابي انتظر شوي بس ماودي اكسر بخاطركم

ابو محمد : يامحمد ياولدي راح مع الشوي شويات 00خلاص يكفي

00رح ناد خواتك وامك خير البر عاجله

محمد : يؤ 00اليوم 00كل شي اليوم ؟ عطوني فرصة أفكر

ابو محمد : الموضوع مايحتاج تفكير 00والله لو انك بنت 00قال بيفكر ؟

رح ناد خواتك وامك بسرعه

محمد : بنت ؟ زين زين 00بروح اناديهم لايجيني شي ثاني

وللحديث بقية ،،،،، مع الحلقة <3>

1
.

2
.

وين
3

انت ليه قاعد تقصد علينا

------------------> كسر خاطره محمد..
لووووووووووووول

هلاوين سوفيو

مشرفنا


ونكمل حديثنا السابق

مثل ماقلت اول ابو محمد ماعنده الا هالولد وثلاث بنات

الكبيره ساره 00عاقلة ورزينه 00تأخر عليها الزواج شوي وهالموضوع مسوي لها قلق نفسي

صديقاتها اللي في سنها اكثرهم تزوجوا باقي وحده لو تزوجت يمكن يجيها شي

اختها أمل انخطبت مرتين وهي ترفض وخوفها يجي يوم وتوافق

اما اختها الوسطى أمل مشكلتها مشكلة 00مدمنة تلفونات وجوالات

0كل وقتها نوم و مكالمات وشوية مذاكرة 00حتى المذاكرة بالتلفونات 0

الصغيرة سمر ماتدري وش الناس فيه 00لو ينحرق البيت ماعليها من أحد 00أهم شي تنفيذ طلباتها

ابو محمد جمع البنات وامهم وخالد طبعا بجانبه وقال لهم :

شوفوا 00اخوكم نوى على الزواج

أمل : وأخيرا محمد 00شلون اقنعتوه ؟

ابو محمد : أمل ؟

أمل : سم ؟

ابو محمد : اذا صرت اتكلم اسكتي لما اخلص كلامي 00الظاهر امك ماعلمتك أدب الحديث

أمل : أنا آسفة يبوي 00بس من فرحتي لما قلت محمد نوى على الزواج

ام محمد : ونت كل ماطق عود حصاة قلت امكم وامكم 00ليه ونت مالك دور في تربيتهم

علمني وش سويت معهم 00طول وقتك يافي الإستراحه مع ربعك ولا في العمل والوقت الباقي لنا نوم

ابو محمد : يوووووووووووه 00حرك تنشب 00خلصنا 00خلوني اقول هالكلمتين اللي

في راسي ولا طلعت وخليت البيت لكم

ام محمد : هذا شغلك كل يوم 00اذا بغيت تطلع دورت لك اي عذر

ساره: ياجماعه تعوذوا من ابليس 00ترى مو وقته 00خلوا ابوي يكمل كلامه

أمل :كمل يبوي

ابو محمد : اللي بغيت اقوله ان اخوكم هداه الله ونوى على الزواج ومحتاج فزعتكم

ام محمد : الله يوفقك ياولدي يامحمد ويرزقك بنت الحلال اللي تسعدك 00شف يامحمد

00وش رايك في بنت خالتك 00بنت راعية مطبخ من تقوم وهي في المطبخ ومافيه

أكلة الا وتعرف لها ماشالله عليها 00خلنا نحجزها لك قبل ماتروح عليك

محمد :يؤ 00 طول يومها في المطبخ ؟ يعني بتزوج طباخه ؟ لا لا افهموني زين

الزواج ماهو طبخ ونفخ الزواج علاقات وترابط وحب 00الزواج حياة جديده

الزواج استقرار وامان وثقة

ام محمد : وبنت اختي وش ناقصها من هالكلام اللي قلته 00كل شي تبيه تلقاه فيها

محمد : القاه فيها ؟ 00قصدك المواصفات 00حشى ماصارت عروس 00ذي سيارة

ابو محمد : خلوه يختار زوجته بنفسه واللي تعجبه نخطبها له وماهو شرط بنت ختك

ام محمد : كنت منتظره منك هالكلام 00غريبه ساكت الين هالوقت 00انا عارفه انك

ماتبيه ياخذ بنت اختي 00اصلا انت ماتبي ربعي وقرايبي 00

طيب وش فيها بنت اختي اذا فيها عيب واحد قل

ابو محمد : يابنت الحلال بنت اختك على العين والراس 00بس اللي بيتزوج ولدك 00

لازم ياخذ اللي تناسبه 00بكرة يرميها على اهلها وتصير مشكله مالها أول ولا آخر

سارة: صدقت يابوي

ام محمد : اجل اسمعوا انا مالي دخل فيكم 00تبون تخطبون له بكيفكم

ابو محمد : يعني اما ناخذ بنت اختك ولا يتسحبين نفسك من الموضوع

شوفي ولدك اذا هو يبيها انا ماعندي مانع 00من بكرة اروح واخطبها له

محمد : لا والله مابيها 00 الله يوفقها ويرزقها الزوج الصالح

بس هالبنت ماهي اللي أطمح تكون شريكة حياتي

ام محمد : عشتو 00مايبيها 00وش شايف نفسك على بنت اختي ؟

رح شف وجهك في المراية قبل تتكلم ؟

محمد : لاحول الله 00انا من اول قايل لكم مابي الزواج الحين ونتو غصبتوني ومابغيت اردكم

سارة: طيب يامحمد في بالك أحد معين

محمد : أحد معين ؟ وش يعني ؟

سارة: قصدي فيه بنت في بالك ؟

محمد : لا والله 00بس بقول لكم مواصفاتي ونتو دوروا على راحتكم

سارة: طيب وش مواصفاتك عشان من اليوم ندور لك

وللحديث بقية مع الحلقة (4)

ونتابع حديثنا

في سياق حديثنا السابق كان محمد يملي على اخواته شروطه للعروسة المنتظرة

اخته سارة قالت يامحمد وش طلباتك للعروسه وش تبي اوصافها عشان نعرف ندور لك

ابو محمد رد عليها وقال :

ياسارة اهم شي شوفي البنت العاقلة والرزينة 00ترى الجمال يابنتي يزول لكن الأخلاق هي الباقية

رد عليه محمد 00يبوي هالكلام من وين نصرفه 00وشو اخلاقه ورزانته00

انا عندي الجمال اهم شي وبعده تجي الأمور اللي قلتها 00تعال يبوي شف اللي سويته انت

ابو محمد : وش سويت ؟

محمد : انت دورت الأخلاق والرزانه 00صح ؟

ابو محمد : صح

محمد : والنتيجة ؟

ابو محمد : وش قصدك 00النتيجة ونا ابوك اخذت زوجة عاقلة أثق فيها اذا رحت أو رجعت

محمد : هالشي ماختلفنا عليه بس فيه نتيجة ثانية

ابو محمد : وشي ؟

محمد : شف اشكالنا مافينا فاتحة العين

ابو محمد : تعوذ من الشيطان يامحمد 00تعترض على خلقة الرحمن

ام محمد : محمد ؟

محمد : سمي 00ترى والله امزح معكم ههههههههههههههه

ابو محمد :المهم وش مواصفاتك 00قل وخلصنا

سارة : محمد انا بسألك ونت جاوب

محمد : طيب

سارة : تبيها طويلة ولا قصيرة

محمد : مابيها طويلة تصير اطول مني 00ولا ابيها قصيرة يحسبونها بنتي

سارة : طيب تبيها تخينه ولا نحيفة

محمد : نحيفة لا 00تخينة لااااااااااااااا خليها وسط يعني يكون وزنها بين 40 الى 50

ابو محمد : لا تنسين ياساره تاخذين معك ميزان اذا رحتي تخطبين

ساره : هههههههههههههههههه اصبروا عليه نشوف وش عنده بعد

محمد : انا اكلمكم بصراحه ونتو تتريقون

ابو محمد : لأن كلامك يامحمد مايدخل العقل 00وش يعني تبينا نخطب لك بالميزان 00من سواها قبلنا

محمد : انا ماقلت خذوا ميزان ولا شي 00قلت تقريبا

سارة : خلاص محمد الوزن وفهمناه 00طيب لونها تبيها بيضا ولا سمرا

محمد : امممممممممم انتي وذوقك 00بس انا نفسي في البيضا المسمرة

سارة : قصدك حنطية

محمد : مش عارف 00اذا شفتها قلت لك

سارة : وش يعني اذا شفتها 00ناوي تشوفها ؟

محمد : طبعا لازم اشوفها 00اجل تبوني اتزوج زيجة شختك بختك

لايختي لازم اشوفها والشرع حلل الشي هذا

سارة : ايه بس ترى اكثر الناس مايرضون

محمد : وليش مايرضون 00هالشي من صالحي ومن صالحها 00ولا وش رايكم ؟

وللحديث بقية مع الحلقة الخامسة تعتمد على تفاعلكم ... او سوف يتم الايقاف

...
يالبا قلب حمووووووودي
عيني عليه بارده .... بس تتوقع يحصل هالمواصفات؟
خاصه ان شكله ما يؤهل مثل ماقالت امه...
الزبــــده بشرني يالشفاء هــــو تزوّج ... ولا خربت الحسبه..
تكفى عجل علينا... بالخبر.

ادعسسسس متابعين

فيه واحد اسمه خالد دخل فى الموضوع وش يصير (ولد الجيران)

الرد رقم خمسه

هلاوين ___________ خالد هذا طال عمرك

اخو محمد من الرضاع

ههههههههههههههههه

يسلم قلبك على المتابعه والخامس بالطريق ان شاء الله

نريح شوي

جعل قلبك سالم وغانم يابعدي

ونحن بالانتظار

والتعليقات لما يكمل الفريق الفكاهي