عفــواً حبيبي .!!. لاغدى سر الالهام = بالله عليك الشعر من وين اجيبه !!
وتلومني وتقول جفن الاقلام !! = ياهوووه .. مو كافي دفعت الضريبة !!
!!!
!
لكن
ماهو خسارة لاجلك الحرف ينضام = خله يولي بعدكم وش نبي به
ان مانقشته فوق صدرك لي وسام = الين صدرك يشتكي من لهيبه
حتى يحس بما بصدري من آلام= وحتى اذا قلت آآه صدرك تصيبه
وحتى تقاسمني خيالي والاحلام = وتشوف دمع الحلم يبكي نصيبه
وخلك تعيش صراع حلمك والاوهام = لااوجست في قلبك من الخل ريبة
هذي فقط لو عشتها قلت مانلام = وناهيك عن بعض الجروح العطيبة
والله ماارضى بالشقا لك والاسقام = لكن ابيك تعرف حجم المصيبة
لامشكلة .. نصبر من العام للعام = وماقدر المعبود عبده رضيبه
حظي صدر حكمه لعمري بالاعدام = عزي لعمر مثل حظي صحيبه
لاقام والعمر ابتسم عوّد ونام = وان نام قام صويحبه ينتخي به
لادمت حظ ان كان ذا الطبع لك دام = ولادام عمر مثلكم يعتزي به
ياحلوتي دربي ومفروش بالغام = ومشيته ولاقلت ماينمشي به
حتى تفجر بالسماء غيم وعسام = وصمت المقابر زلزل ارضي نحيبه
وموج البحر ناداني الدرب قدام = وقلبي على قدام ماحد يهيبه
وسريت ظامي شوف مرويني هيام = في ليل اظلم جاوب القلب ذيبه
على العروق اعزف له احزاني انغام = حتى بكاني قلت دنيا غريبة !
ونظر بعينه قلت جلد على عظام = حالي ذهب ياذيب ادور ذهيبة
شوف الحزن في داخلي شيد خيام = وفي كل يوم يزيد جيشه كتيبة
وعيني تهل الدمع والطرف مانام = وكحل السهر خطر البصر ينعمي به
ياقشرها حالة عسى الحب للسام = واللي ببالي ياعسى ينبلي به
جف القلم قالت
!
وانا اقول لك ان جف القام اليك كحلي ومكحلتي .. تاليك دمع عيني من اجل ان تمزجه بالكحل وتكمل .. استاذي اراني محلقا عندما اكون بدوح كلماتك فلااعلم بماذا اجيب .. سيدي الف شكر على ابداعك الرائع دائما ...
هاك كحلي ودمعي هاك دمها عروقـــــي
وامزج الالوان كلها واكتب على صدر الورق