قصص وأشعار + تراث آداب = سلسلة ( 3 )

[c]


ماهقاه السحالي ....
انتشرت هذي العباره بين الناس وصارت مثل دارج .. وكثير من الناس مايعرفون معناها واليوم نبي نسولف لكم عن المقصود بهذي الكلمه ومناسبتها ,,,,,

توفي (السحالي) وهو شيخ قبيلة المطارفه من عنزه وكان أكبر عياله صغيراً على تولي شئون القبيله ..
اجتمع كبار القبيله وتشاروا في الموضوع واختلفوا بعضهم يقول انه صغير ولا يقدر يتولى (الشيخه) ولازم ندور بديل له ، بينما البعض الاخر يقول ان (الشيخه) حق له ولو تولاها واحد ثاني ماعاد ترجع له وبالتالي تضيع عن اهلها ..
بعد اختلاف ونقاش اقترح عليهم شايب من الشيبان انهم يختبرون الولد ان نجح في الاختبار عطوه (الشيخه) وان مانجح شافوا احد ثاني من اقاربه يكون هو الشيخ ..
كان راي الشايب انهم يسيرون على الولد (السحالي) ويجلسون عنده أول الليل ثم يغادرون فان نام فهو يعتبر رسب في الامتحان وخالف عادة ابوه وبالتالي لايستحق (الشيخه) وان سوى سواة ابوه وشب ناره وقعد عندها يحتري الخطار فهو مثل ابوه ويستاهل انه يكون (شيخ) ..
وبالفعل نفذو الي اتفقوا عليه ونصرفوا عن مجلس الولد (السحالي) مبكرين فماكان منه الا انه امر القهوجي انه يزيد في النار وينظف الفناجيل ويولم القهوه تحسباً لقدوم خطار في تالي الليل ... وقعد عند ناره وقال هذي القصيده :

[/c]



[poet font="Simplified Arabic,16,blue,bold ,normal" bkcolor="" bkimage="http://www.mahroom.net//backgrounds/17.gif" border="double,4,gray" type=0 line=200% align=center use=sp char="" num="0,black"]
المراجل هقوتي وانا السحالي=هقوة بعض الاوادم ماهقوها
سيف ومنسف ورده عند التوالي=كان بعض الناس بلشوا مالقوها
هقوتي يعدها الاول لتالي=وسط عكفان الشوارب رددوها
هقوتي تاريخ تحكيه الرجالي=لو يطول الوقت تبقى مانسوها
لا مضى جيل تسولفه التوالي=وهرجتي وسط المجالس ماانقدوها
لاتحنكر راي ذربين الفعالي=وباهت الاريا ويمي سندوها
هقوتي معروفه مابه جدالي=ارسم الخطه برأيي واتبعوها
[/poet]



[c]


تحياتي الحسام [/c]

.........

...



هلا بالحسام


الحمد لله على السلامة


يقول يالحسام


الله من قلب غدى في اسطانبول * يابدر ضيعته نهار الوداعي

دورت له في تركيا العرض والطول * لابالسما يذكر ولاهو بقاعي

غدى به اللي زارني باسم مجهول * ثلاث مرات يجي دون داعي

غدى فوات الحرص ياويش باقول * اخذت عنوانه ورقمه وضاعي


ماتعرف مين قائلها ؟


خطرت ببالي لما ضاع علينا الحسام ودور عليه المندوب ولا لقا له لاحس ولا خبر

خير ان شاء الله

عسى ماشر ؟


افتقدناك يالحسام

ليت قبل تغيب تعطينا خبر * ماتخلينا بنار الانتظار
الفكر مشغول واشغلت الفكر * وودي اطالبك رد الاعتبار

والف شكر للمشاركة الراائعة

والابداع المعهود منك حتى في اختياراتك



سلمت ودمت ياذوق



كلك ذوق ...

يا هلا فيك اخوي الوافي


والله انا ماضعت مريت من عند باب بيتكم ما شفت الشبح

قلت اكيد إنه رايح مشوار وأنا كنت مستعجل وما قدرت اسلم

عليك لأنك ما عطيتني رقم جوالك وإلا كان كلمتك وقلت نلتقي

في على طريق الملك عبد العزيز عند الدوار الثاني @@

وثاني شي أنا ما رحت تركيا ومثل ما قلت لك انا ما اخذت لا

رقمك ولا عنوانك وإلا كان ما ضيعته !!


وثالث شيء : الله يسلمك ويعافيك وعسى ما تفقد ولا تضيع عزيز ولا غالي


وإن كان ودك برد اعتبار انا حاضر وابشر باللي ودك فيه

وترى قبل ما اروح كتبت خرابيط لكن اعتقد انك ما شفتها

ودي اخذ رايك فيها (( دردشه )) المهم ابشرك

انا رحت مشوار قريب مثل ما يقولوا البدو حذقة عصى

ورديت بحمد الله وسلامته

وها انا طليت على المنتدى ورغم غيابي اللي يمكن ما تعدى خمسة

أيام منتدى الوئام وأهل الوئام كلهم في فكري وفي خاطري

لم انساهم أو أتناسهم لحظه واحده ..

وسلامتك

اخوي


تحياتي


الحسام

تسلم يدينك يا الحسام
والف شكر على هـ الجهد المتواصل ..
الله يعطيك العافيه

........


....


طريق الملك عبدالعزيز عند الدوار الثاني !!!



ياهوووه
مو معقول والله


شوي وتقول واحد كابتشينو

والا واحد بليلة


والله كذا تزعلني يامفتري

اذا كنت فعلاً وصلت الديرة هذي اقسم بالله مالك عذر

ولايطهرك المطر عشرين عام يالحسام


بس لاتدور اعذار

يا هلا فيك اخت سديم


الله يعطيك العافيه ويسلمك


مشكوره اختي على المرور الطيب والرائع من لدن حضرتكم


تحياتي وتقديري


الحسام

الوافي


الله يعطيك العافيه اخوي


عذري معي اخوي الله يسلمك وإن كان ودك نتحاكم عند السيف

وإلا عند أي واحد من رجالات المنتدى الحكماء أنا ما عندي مانع

...........................

وبعدين تقول ما يطهرني المطر عشرين عام


الله يسامحك اخوي ...


مثل ما قلت في الأول هذا اللي صار وكنت على عجلة من أمري

ولم اجلس في تلك المدينه إلا ساعه واحده ...

لكن اعدك إذا ارسلت لي جوالك على إيميلي إني لأزورك زياره خاصه

لكن بشرط ...


انا رجل ما احب إزهاق الأنفس وأنت تعرف هذا ...


لنا لقاء إنشاء الله على المحبه والخير ....




تحياتي


الحسام

ياهلا الحسام

وكالعاده .. تمتعنا دوما

يعطيك العافيه

تحياتي

يا هلا فيك اخت سراب



اشكرك على الحضور



تحياتي



الحسام