[بو عبد العزيز ●]

يافنانين الشعر هل احدمنكم يقدر ويبدع في تأليف شعر لزواج

[الســــيف ●]

..
مش فاهم عليك يابو عبد العزيز
توضيح اكثر في ماتقصده لو سمحت..

وياهلا فيك...

[بو عبد العزيز ●]

اول شس مشكور على المرور والرد السريع
عندي زواج لااحد الاقارب هذا الاسبوع هل لك قدرة على تاليف شعر ( شيلة ) على المعرس والعروسة والحمولة بعد

[الســــيف ●]

ههههههههه
كم تدفـــع
الدعوى اليوم بزنس

[وسيم بس مالي حظ ●]

انا اسعاري غاليه بو عبد العزيز
عندك هنا مجموعه شعراء كبار
حسن المحمدي = هذا سعره بالليله يؤؤؤؤ اقصد بالحفله 3000 ريال هذا ان حضر وان ماحضر واحياها غيابي سعره 2000 ريال
عندك السيف= وهذا سعره في الحظور 2600 وفي الغياب 1800
وعندك وافي وسعره في الحظور 5000 وفي الغياب 4000
اما محاكيك غالي شوي في الحظور 10000 وفي الغياب 8500
عاد انت وميزانيتك

[بو عبد العزيز ●]

انتو تكلمون جد ولا :vb_gedo2: ياخوان انا اريد قصيدة وانا بنفسي راح القية فقط اذا تكلمون جد والدعوى فية فلوس اجل سكرو منتدى الشعر وخلاص وانا ضيف عليكم المفروض تؤدون الواجب وزود وانتم شعراء يعني مارح تكلف كتابة قصيدة كلها قلم وورقة

[الســــيف ●]

..

وش دعوى اخوي عبد العزيز... ليه نسكر المنتدى؟

انت ضيف لك الدلّه المهيّله والخروف النعيمي .. والعود الازرق..
اما قصيده .... مثل منت شايف انشأت من اجلها المكاتب..
وهناك اناس صاروا شعار وهم مايعرفون يركبون بيت
بسبب البزنس .... اذا تبي على ذوقك ادفع اكثر :monkey2:

والمثل قال مايخدم بخيل..
هاه وش قلت .... ؟

[بو عبد العزيز ●]

مشكور على الكلمات الطيبة لا شكلكم جادين في البزنس لا خاص اخوي راح ادور منتدى ثاني اصرف لي لكن ماتوقعت مشرفي المنتدى يتكلمون بلغة البزنس انتم الان مشرفين والمشرف يقوم بخدمة كل عضو في المنتدى بقدر مايملكة خلاص ثبتو موضوع قائمة الاسعار للشعر حتى الواحد مايتعب يقول ودي في تاليف شعر اما اذا انتم واضعين منتدى لكل واحد يقدم الي عندة وخلاص بدون خدمة الاعضاء هذا اعتقد مايسمى منتدى لو تذهب الى اي منتدى تحصل مساعدة تعجز الشكر عليها وهذا يؤدي تواصل واستمرار الاعضاء بخدمة العضو بقد مايقد اجل انتو وينكم عن مساعدة منتدى المشاغب او منتديات الستلايت والله تعب يقدمونة للاعضاء لأجل المواصلة والاستمرار وحب المساعدة على العموم ماريد اطول اكثر اسف في على الكتابة الصريحة لكن تذكرة دئما خدما الاعضاء هي فوق كل شي ولن يستمر وينجح المنتدى بذلك وشكرا :monkey2:

[الســــيف ●]

..

خدمة الاعضاء فوق كل شي .... اوكي
ولكن وش تقول في خدمة خدمة المشرفين ... :monkey2: ؟

اخي الفا ضل ابو عبد العزيز .. اذا جينا للجد .. والكلام اللي ثمرته فيه..
انت اخو عزيز وتستاهل كل خيــــر والاخوان فيهم البركه .. واتمنى من لديه
القدره في هذا المجال ان لايبخل عليـــــك... بالنسبه لي ياخوي ... لا اجيد
هذا اللون من الشعر ... ولو كنت استطيع صدقني لن اتأخر في خدمتك...
ولكن لي قصيده ( بعنوان يازين العرس) مر عليها لعلها تفيدك.. ولو اني اعرف انها مو على قد المقام .. لكن الجود من الموجود ... واهم شي وسع خاطرك وتراني
في البدايه كنت اتغشمر معك
فلا تاخذ الامر جــــــــــــــد ... تحياتي وتقديري لشخصك...
السيف