[[ لعبة التكشير ]]

تعبت اطرد (الهاجوس) من سرمد التفكير=واكفّر عن ذنوبه ( هدايا ) من اتعابي
تعبت اعطي الآهآت واجزل له (التكفير)=ثنايا الهموم ان ( كشّرت ) نابها نابي
مع الواقع المؤلم حسب (لعبة التكشير)=يغيب الالم لاغابت الشمس (بثيابي)
(تحركني) اصباع الندم لحظة التعبير=(وتطيح) الحروف اللي جمعته من غيابي
على (هامش الأحلام) في عالم التفسير=مال للأمل (معنى ؟)اذا صار مرتابي
وانا حلم عمري صنفته الليالي (غير؟)=عابر سبيل آمال (ضاعت) من احبابي
يمر العطش ريقي على ( طاري) التذكير=ويشرب (خطاي) اللي ذكرته من اسبابي
يكفخ من اغصان (التعب) كل شيء يطير=وتعانقه دوحت (همومي) على بابي
من اول بدايات الهوى (يوم كنت صغير)=مامر يومٍ صار بعضه من (اصحابي)
اقدّر كثير احباب (واعرف) وش التقدير=وأكثر خطاياهم ( كانت ) على حسابي

...............

...

الله الله الله

ياعبدالله ارحمنا رحمك الله
يااااهوووووووووووووه
والله ماعاد خليت ولابقيت لنا شيء
يااخي الزكاة مافرضت من فراغ
وانت الله يهديك يوم ربنا اعطاك بالكريك اعطنا بالملعقة
يااارااجل
!!

عبدالله
اقسم بالله انك مبدع
وتبدع فيما يلامس المشاعر
وهذا هو الشاعر والشعر الحقيقي


الف شكر لهذا الابداع يامبدع

...

شاعرنا المبدع الرائع عبد الله العتيبي.

صدقني تطربنا وتمتعنا دائم لاعدمنا ذا الابداع وراعيه

انت شاعر ومتمكن ونفتخر فيك وفي حضورك.

ابا يوسف كلماتك رائعه وانت رائع.

صح الله لسانك والاعدمنا تميزك .

حبيب قلبي تقبل مروري المتواضع .

ودمت ودامت ايامك بعـــــز

مشكوور شاعرنا عبدالله العتيبي وماقصرت ربي يقويك ويعاافيك

ماشاء الله عليك

دائما تتحفنا بقصائدك المميزه وابياتك التي هي في قمة الجماال

فكلمة شكرا لاتوفيكم حقكم

مبدع حقا انت شااعر عظيم سلمت يدااك

ولك اجمل تحيه على هذا الابدااااع

بسم الله الرحمن الرحيم


عبدالله العتيبي


السلام عليكم ورحمة الله وبركاته



بيض الله وجهك
وصح الله لســــــــــــــــــــــــــانك
قصيده جزله وعادتك الجزاااااااااااله يا عبدالله

دائماً مبدع ما شاء الله تبارك الله







اخوك
الحســــــــام

	المشاركة الأصلية كتبت بواسطة wafei

	............... ... الله الله الله ياعبدالله ارحمنا رحمك الله يااااهوووووووووووووه والله ماعاد خليت ولابقيت لنا شيء يااخي الزكاة مافرضت من فراغ وانت الله يهديك يوم ربنا اعطاك بالكريك اعطنا بالملعقة يااارااجل !! عبدالله اقسم بالله انك مبدع وتبدع فيما يلامس المشاعر وهذا هو الشاعر والشعر الحقيقي الف شكر لهذا الابداع يامبدع ...

اخي القدير

والعذب


// ... وافي

رحم الله الجميع

كلماتك وسام على صدري ما حييت

وعلى فكرة ترى خلف علمني انك نحوت بس انا ما صدقته .؟؟

لأني اعرف انك شاعر من الطراز الأول وما انا إلا نقطه في بحر شعرك الجزيل ..

أغدق عليك المولى من فضله ورعاك

اكاليل من ورد لقلبك الرائع