وين اروح .. !؟

وين أروح ..
بعد ماضاقت بي الدنيا بدونك ..
وين باهرب من عيونك
علميني ..
أي أرض بتحتضني بكل مابي من جروح !!
صدقيني ..
كل حزن الكون وأكثر صار فيني ..
كل هموم الناس وأكثر تعتريني ..
هاه .. ظنـّـك في أرض بتحتويني !!
ما أبي منك إجابة ..
كثر ما أحتاج لسؤال
إسألي نفسك وقولي ...
(( لية أنا أصلاً تركته !
دامه أطيب قلب شفته !
لاجحود .. ولا أناني ..
أو وصولي ))
وجاوبي نفسك بنفسك
وإعذريني ع السؤال

//

في غيابك ..
مجمل أحلامي تهاوت
الحياه والموت بعيوني تساوت
صرت أنا إنسان عادي
بعد ماني كنت غير
إي نعم وياك كنت إنسان ثاني ..
كنت طير
ليه حطمتي كياني !!
الله لايجزاك خير
آه لو تدرين وش صار بغيابك ..
صرت ماني إللي على خبرك ..
وخبري
قمت أهذري
صرت أشوفك في وجية الناس ..
وأتكلم معاك
أرتمي بأصغر تفاصيل الملامح ..
فيهم أبحث عن بهاك
وإن سألني أي واحد منهم وقال :
وش بلاك ؟؟
أمتلي حيرة ولا أدري ويش أقول !!
أسألك بالله قولي ..
ويش أقول ؟
خايف أشكي ..
أنفجر بوجيههم وأبكي عليك
خايف أبكي ..
أنصهر بعيونهم وأحرق يديك
وش تبين أقول طيب عن جفاك !!
قولي يرحم والديك

//

إنتي وينك ؟؟
وش خذيتي من صدودك ؟؟
وين صارت بك حدودك ؟؟
عاجبك ماصار فيني ..
يابروووودك !!
رحتي ماخلّيتي فيني ..
غير حاجة
شخص هالك ..
مرتمي من تحت جلده
مختبي من واقعه بعدك ..
وخايف لا يواجه
صرت بعدك ..
لا أهل .. لا ناس .. لا جيرة .. وبلده
والله إنك كنتي ..
كل أهلي وناسي
ليه صرتي ..
مصدر جراح ومآسي !
آه منك ..
ليه ياروحي قسيتي ..
وإنتي أدرى الناس إيش يصير فيني ..
لو دقيقة غبتي عني
أو شغلني ظرف عنك ..
أو نسيتي !!
هذا كل إللي تركتي لي ورحتي ..
قلب ميّت بس مشكلته يكابر
رغم كل إللي جرى له ظل صابر
بس هذا مو عشاني
هذا لأنك تسكنينه .. إسترحتي !
وعين مليانه بطيوفك
همّها بس التسكع ..
في دهاليز المدينة
وتتسوّل في عيون الناس ..
حفنة من وصوفك
غالباً تصرخ بدون إحساس ..
( وينك .. بس أشوفك )
والمصيبة ..
دمعها لو سال بعضه ..
ينتثر قطرات فضة ..
ويتلاشى الفقر عنها ..
بس ماتبغى اللعينه !!

//

ماعلينا ..
إتركي عنك كلامي ..
وإسمعيني
كل ماجيتي تنامي ..
أبغى منك تذكريني
وإسألي نفسك بدالي ..
كم سؤال ..
(( يستحق إللي جرى له ..
من صدودي ؟
ليه خليته يعيش بوهم ..
وأخلفت بوعودي ؟
ليه ضيّعته وهو إللي ..
منتشلني من ضياعي ؟
لية ما أوفيته حقوقه ؟
دوم يمنحني خفوقه ..
لية طيب مامنحته حتى فرصة في وداعي ! ))
وإلا أقولك ..
أنا عندي حل ثاني ..
باتركك إنتي وضميرك
بس قولي لي عشاني ..
إنصحيني وين أروح
وكثر الله ألف خيرك

//

محمد عويضه

\\

.

............

...

وين اروح

وين اسافر من عذابك وين اروح



ايوالله ياسديم


كلمات راائعه
جميلة ومعبرة

لامست شغاف الأقشر
ونكشت ونبشت وقربعت مواجع ومواجع



ذوق رفيع عهدناه من صاحبة الذوق الرفيع


شكراً لذوقك الرفيع


كلك ذوق


...

\\


في غيابك ..
مجمل أحلامي تهاوت
الحياه والموت بعيوني تساوت
صرت أنا إنسان عادي
بعد ماني كنت غير
إي نعم وياك كنت إنسان ثاني ..
كنت طير
ليه حطمتي كياني !!
الله لايجزاك خير



,,

محمد عويضه .. شآعر آمي آلمفضل

من جد آمي عندهآ ذوووق

سديم .. ذووق .. آنتي يآ ذووق

\\

	المشاركة الأصلية كتبت بواسطة wafei

	لامست شغاف الأقشر ونكشت ونبشت وقربعت مواجع ومواجع

سلاااامت الاقشر

اسعدني حضورك .. وافينا ..

شكرااا لك
.
.
.

حي الله عطوف و ام عطوف

دامه شاعرها المفضل بخاويها

الله يعطيك العافيه .. متعاطفه بحدود

سلامي للماما
.
.
.

رووووووعه ,, ماتوفي حق الحرووف اللي نثرهآآ


مبدع بكل مافيه

-----

يسلملي ذوووقكـ سديم ..

مآآ ننحرم

أرووووح لمين ؟

ههههههههههههههه

.
.
يسلمو ياسديم

في غيابك ..
مجمل أحلامي تهاوت
الحياه والموت بعيوني تساوت ,,
خاطرة جميلة برغم حرووووووووفها الأليمة ..

اختيار موفق وذوق سديم الذووووق ,,

سديم..
كثّر الله ألف خيره..محمد عويضه.
وكثر الله ألف خيرك.. سديم.
قصيده رائعه وأكثر..
بتركك أنتي وضميرك..
فقط أتعجب.!!
أي ترك يامحمد بعد هذا الكم من الألم..
أخشى أنه -ضميرها- في مئزق..

	هذا كل إللي تركتي لي ورحتي .. قلب ميّت بس مشكلته يكابر رغم كل إللي جرى له ظل صابر بس هذا مو عشاني هذا لأنك تسكنينه .. إسترحتي !

يكابر بس لأنك تسكنينه..
ياعلها ماتستريح..
أدمت القلب..

سديم..
أشكرك على نقلك الذوق
لاهنت..

أمنياتي..

	المشاركة الأصلية كتبت بواسطة ~{{ هجرته

	رووووووعه ,, ماتوفي حق الحرووف اللي نثرهآآ مبدع بكل مافيه ----- يسلملي ذوووقكـ سديم .. مآآ ننحرم

يسلمك ربي .. هجرتهـ ..



.
.
.