صدمني الكل .. و مو ناقص .. بعد منك تجي صدمه

تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!


//

//

تقول : آسف؟! يخلف الله !! بقى بـ ( وجه ) التسامح / دم ...؟
أسامح كِل شي إلا الخيانــه , ونشوة إعجابك

أنا .. يا لِكْ أجـي واحد يساوي في عيونك كم
وإلا ما أجـي عنـدك وأغيِّـر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجـع لِك .. بلاش تفكِّر وتحلم
لأنـي مُـو مثـل أوَّل أحقق , رغبـة أهدابك

قديمه لعبتك هذي .. وكفايـه .. ما أبي أفهم
[ رجاءاً ] .. إبتعِد عنَّي أنا مُـو ناقص ألعابك


//

//

بقّيت لي بغياب روحك ... مساكين !
...... عيني .. وقلبي .. والأمل ... والأماني !!؟
كنّ الثواني ... في غيابك سكاكين !
...... ليتك تذوق شوي .... / طعم الثواني !
القلب ماهو قلب والعين .. مو عين !
...... حتى مكاني ... ماأحسّه ... / مكاني !
شفني على جال السهر أنطرك لين !
...... حسيت بان الجال .. / يصفق عشاني !
مديت قلبي ! قبل لاآمدّ ...... يدّين !
...... وطلبت كلي ! . قلت : جالك .. هذاني !
والحين شفنا وين !؟ .. واحلامنا وين !
...... ضعنا اندوّر ... للسعادة ....../ مواني !
وش بيننا !؟ إلا التعب واسود البين !؟
...... وشي ٍ لعب في حسبتي .. واحتواني !
كل شي بكاني من غيابك إلى اللحين !
...... حتى عدوي ! .. من غيابك ../ بكاني !!
ماعاد تفرق جرح واحد ! ... وجرحين !
...... الموت واحد .. له عذابك .... / خذاني !
ياصاحبي .. يكفي غيابك .. وبعدين !؟
...... ماخفت ربك بس ... " أنت و زماني " !؟

//

//

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

خطوتي الأولى غيابك , راح أطبّقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه

//

//

ما أبي من زود حُبي .../ أربكك !
لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
أدري إنِّك واقع / وتطري البيوت ..

يا عيون الريم وشلون أشبكك ؟!
من يشوفك قال : ما شا الله توت ..!

إنت فكره و ماني قادر أحبكك
فوت في قلبي .. بلا إستئذان فوت !

في حياتي ,, صرت دايم ( أدركك ) !
أشبعك وأجوع لك وأعطيك " قوت "

لو طريقك يتعِب القلب أسلكك
بعد صوتك ما يعوِّض أيّ صوت !!

أدري يا قلبي .. غيابه / يهلكك ..
داخلك عايش .... وفي حالة ثبوت !

كيف أعبِّر عن شعوري و " أملكك " ؟!
خايف أتكلَّم .. يداهمني .. السكوت !

لو يقولوا .. [ يا أموت أو أتركك ] ....؟!
والله إنِّي من غلاتك .. راح أموت !!


//

//

[align=right]


كِذَبْ .. من قال : مـا أحبك .! , وفيني ( ما أظنَّه ) حس ......
كأنه حْبَّنا : جيشٍ كبير : وحضرته / جاسوس !!

حبيبي . . طالبك لقِّن عذولي , و , حاسدي كم درس .....
أبي ترجع و تقراني من " عيوني " بلا قاموس ,

يا غالي . . وش تبي أكثر ؟ يا (( سادس )) هـ الحواس الخمس !
فراقك حلم أزعجني ويجيني دوووم هـ الكابوس ,

غيابك : ليل : يا وجه القمر , وإلا , يا طهر الشمس .....
سواد / وظلمةٍ عيَّى يفيد ..... ويضوي الفانوس

كِسَرني البُعد , و , أشواقي !! رغم إنِّي " عزيز النفـس "
حبيبي . . كل ما أنسى ! يذكرني بك الطاووس

//

//

عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!


//

//

أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !

قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!

معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !

حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!

//

//

.
.

اممممممممممممممممممم

ذووق وربي

تسـلــم يميـنكـــ إنتقـاء رائـــع
::

حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!

مسجات رووعه

سديم

جزاك الله خيرر

يسلمك ربي .. المتهور ..
.
.
.

الاروع مرورك .. ملكة الاحساس ..

تسلمين يا الغلا
.
.
.

الله يعافيك .. مجنون خله ..
.
.
.

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

خطوتي الأولى غيابك , راح أطبّقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه

لا تنتهي الحياة بغيابهم ولكن تبدأ حياة جديدة بها خبرة التجربة

سلمت يداك اختي سديم ابداع كما تعودنا منك

لا عدمناك

خالص تحياتي
اسطورة الخريف

مسجات ذوق ممن يمتلك الذوق

اشكرك سديم

وتسلم اناملك سيدتي

اسطورة الخريف & ابو خالد

يسلمكم ربي

شكراااا للمتابعه
.
.
.

كووووووووووووووووووووووووووووووولهم حلووات

يالحلوه انتي ياسديما

الف شكر لك قلبووو

عيونك الحلوين .. دلوع ..

يسلمك ربي
.
.
.