|
بوحْ الشعِر والنثر .. للشعر الفصيح والشعبي والنثر " المنقول " |
|
أدوات الموضوع |
21 / 12 / 2002, 33 : 02 AM | #1 | |||||||
ينتظر تأكيد البريد
شكراً: 0
تم شكره 0 مرة في 0 مشاركة
|
.........قصيده اوجبتها قصتها المؤلمه ......
مراحب جميعااا
اعجبتنى هذه السالفه رغم معاناة هذا الرجل الكبير فى السن وظلم عياله له 0 وقد قرأتها فى احد المنتديات وكتبها فتى الوادى واحببت المشاركه بها لنأخد العبر والعظه ونتجنب دعوة الوالدين لان دعوتهم مجابه 0 تقــــــــــــــول القصه وهذي قصة رجل وله ثلاث عيال ماتت امهم وهم صغار وعيا الاب يتزوج ثانيه خائف على عياله من الحرمه الثانيه تعذبهم وتشقيهم و المهم الرجال رباهم وتعب عليهم وكان يطلع من الصبح ولا يرجع الى بالليل ونوبات يتاخر كله هذا على شأن يوفر لهم الاكل وكان كل ماطلع خلاهم عند جاره يلعبون مع عياله وواذا جاء من المقناص سوالهم العشى وعشاهم وكان ما يتعشى الا اذا شبعوا عياله وياكل من بقايا اكلهم. ودار الزمن وكبروا العيال وزوجهم ابوهم وشاب الاب الطيب ولا عاد يقدر على القومه والطلعه الا بالمساعده المهم قامن حريم عياله يتشكن منه لا زواجهن الين اجتمعوا العيال وكل يقول للثاني خله عندك حتى اجتمعوا على راي واحد انهم يطردونه الاب مالقا غير جاره وعياله الاولين الطيبين ورعوه وكرموه وطيبوا مكانه كأنهم عياله وقال الاب القصيده المذكوره ودعوته المشهوره فيها المهم عياله ماتوا كلهم ولا واحد منهم خلف له ولدوانقطع ذكرهم ونسلهم فحسبي الله عليهم ناكرين الجميل والمعروف والعشره وعاقين الوالدين . وهذه القصيده:- قال الذي يقرا بليا مكاتيــــــــــــب = ياللي تقرون العمى من عنـاكم يا عيالي اللي تشرفون المــــراقيب = تريضوا لي واقصروا من خطاكم خذو كلام الصدق مابه تكـــــــاذيب = مثل السند مضموم للي وراكم يا عيال لا صرتوا ضيوف ومعـــــازيب = ترى الكلام الزين ملحة قراكم وتروا السبابه من كبار العــــــذاريب = وهرج البلايس ما يطول لحاكم المذهب الطيب فهو مذهب الطــيب = والمذهب الخايب يبور نساكم يا عيال ما سرحتكم باللواهـــــــيب = يا عيال ما عمر المعزب ولاكم ياما توليت القبايل تقـــــــل ذيب = من خوف لا ينقص عليكم عشاكم وياما شريت السمن من عرض ما جيب = يفزقلبي يوم يبكي حداكم وياما قطعت من الفيافي العباعيب = ندور من صيد البراري غذاكم يا عيال دوكم لحيتي كلها شــيب = هذا زمان قعودنا في ذراكم قمت اتوكا عوج المصالـــــــــــــيب = قصرت خطانا يوم طالت خطاكم عطوني القرضه عليكم مطالــــيب = عطوني القرضة جزى من جزاكم لابد يوم عاوي دوني الــــــــــذيب = بالقبر ما افرق طيبكم من رداكم ماني بفاضحكم بوسط الاجــــــانيب = با عمالكم يدرون كل اقرباكم لو كان تدرون الردي والمعـــــــاييب = صرتوا مع المخلوق مثل خوياكم خوالكم بالطيب تروي المغالــــــــيب = ولو تتبعون الجد محد شناكم وش علمكم يا تاركين المواجـــيب = حسبي عليكم هالردى وين جاكم يالله عسى اعماركم شمسها تغيب = يعتم قمركم ثم تظلم سماكم يا علكم في حاميات اللواهيب = ياللي على الوالد خبيث لغاكم شفت الجفا والحيف والغلب والريب = بضلوعكم لا بيض الله قراكم اطلب عسى نساكم ماتحمل ولا تجيب = ولا احدمن الوغدان يمشي وراكم اخسوا خسيتوا يا كبار اللغابيب = اهبوا هبيتوا يقطع الله نماكم اتمنى ان تعجبكم السالفه والقصيده وسلامتكم اختكم بلسم الوجود .... |
|||||||
|
||||||||
21 / 12 / 2002, 40 : 02 AM | #2 | |||||||
ينتظر تأكيد البريد
شكراً: 0
تم شكره 0 مرة في 0 مشاركة
|
عرب أوليدك عربه..والنار من مقباسها...
جزاء الوالدين الجنه.. نسئل الله رضـاهم.. ونسئل الله السلامه من سـر القطاعه.. مايفعله الأبن بوالده..يفعله به أولاده.. نسئل الله السلامـه.. نقل موفق وقصـه مؤلمـه تحكي نكران الجميل لأغلى بشر على وجه الأرض.. رضاهم..هو السعاده.. نسئل الله السلامه. شكراً.. تحيااتي |
|||||||
|
||||||||
21 / 12 / 2002, 08 : 04 AM | #3 | |||||||
عضو شرف
شكراً: 0
تم شكره 0 مرة في 0 مشاركة
|
الوجود اختي الكريمه
رضا الله من رضا الوالدين فعلا قصه وقصيده مؤثوه ورااااااااااااائعه واكثر من ذلك جزاك الله الف خير على النقل الطيب والاختيار الموفق اخت الجميع رعبوووبه |
|||||||
وهذي الثلاثين دقت باب لحظاتي طويت الايام واثر العمر يطويني جيت الثلاثين وازدادت طموحاتي وتغيرت نظرتي عن كل مافيني خليت مع كبر سني بعض عاداتي الا جموح الصبا عيا يخليني والطفل في داخلي متمرد عاتي ماهو براضي معي يوصل ثلاثيني . . . . راحت ثلاثين واللي راح ماياتي يالله على الجاي من عمري تقويني
|
||||||||
21 / 12 / 2002, 54 : 04 AM | #4 | |||||||
مدير عام المنتديات
شكراً: 264
تم شكره 101 مرة في 98 مشاركة
|
..........
... مشاركة جميلة ومعبرة ومؤثرة ايضاً شكراً لذوقك الرفيع كلك ذوق ... |
|||||||
...
|
||||||||
21 / 12 / 2002, 18 : 06 AM | #5 | |||||||
عضو شرف
شكراً: 0
تم شكره 0 مرة في 0 مشاركة
|
سلامي على الوجود
اسطر جميله حقيقه كلها نورق وقصه الله يعين وجزاء الوالدين الاحسان تحياتي |
|||||||
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
بدأت الحفظ وعمرها74 وأتمت حفظه وعمرها 84 (تمتع بقراءة قصتها) | حبيبكم | نفَحَآت إيمَآنِية | 1 | 23 / 07 / 2010 20 : 03 AM |
قصيده بها حكم | LoOoly | بوحْ الشعِر والنثر .. | 7 | 18 / 07 / 2009 57 : 01 AM |
للي زهق من قصة سندريلا..اليكم قصتها الجديدة.... | اسطورة الخريف | ||ترفيه وَمسآبقآت | 16 | 26 / 04 / 2008 41 : 05 PM |
لغز في قصيده | خاطفة العبرات | بوحْ الشعِر والنثر .. | 9 | 17 / 09 / 2002 15 : 12 AM |
قصيده | Miso | نفَحَآت إيمَآنِية | 7 | 04 / 01 / 2002 04 : 08 PM |