تحدي السعراء

اخواني واخواتي الوئاميين .
السلام عليكم ورحمة الله وبركاته
اثناء مرروري بأحد المنتديات وجدت قصيدة تحدي الشعراء لشاعر عياد الرشيدي
وضعها على سبيل التحدي لشعراء واسماها بقصيدة التحدي
وانا احببت ان اجاري هذه القصيده
ولكن ليس على سبيل التحدي وانما لا هداف اخرى ربما يعرفها الكثير
ولكم نص ماقاله عياد الرشيدي



قصيدة التحدي بين ايديكم ياشعراء المنتدى (عياد الرشيدي)
السلام عليكم ورحمة الله وبركاته


اخواني اهداف التحدي كثيره ومنها خلق روح التنافس الشريف بين اعضاء المنتدى وليس هناك خاسر بل الجميع رابح في هذا التحدي ويحق لكل عضو ان يقوم بعمل تحدي اخر على مايريده


الليكم هذه القصيده



ياراكب اللي كل مادستله فز
------------------------------------ فزت شياهينٍ بفك الحجازي

بي ام دبليو جيب توه محفز
------------------------------------ امن الوكاله في غبرة القزازي

انوار زينهم يوم يقدح ولك قز
------------------------------------ كنه قمر خمسة عشر بالتوازي

حتى المراتب جلد ريمٍ مطرز
------------------------------------ماورده افطس وعباه قازي

والبدي كنه جسم بنتٍ تهزز
------------------------------------ يغريك لامنه على الخط هازي

دق الاشاره تقل بنتٍ تغمز
------------------------------------ تبي المواعد مير ضاق المجازي

ماركبه المصري ابو هشام معتز
------------------------------------ اللي لصرات الجنيهات عازي

مركاب من هو لرجاجيل عنز
------------------------------------ رجلٍ كريم ولطويلات حازي

ماحدته دنياه للي تطنز
------------------------------------ خبلٍ وفي درب الردى دوم فازي

سجه لبنتٍ تقدح النار وتعز
------------------------------------ بنتٍ عليها يسهج الخط غازي

شعره بسلك الليل حنى وطرز
------------------------------------ وكن النجوم بخدها بالمغازي

حتى العسل في شفته دوم يفرز
------------------------------------ ياما حلى شف العسل بانفرازي

ابو نهودٍ تقل بيضات للوز
------------------------------------ماشده الستيان دوم ارتكازي

فيها الرشاقه ماتبي من يهمز
------------------------------------ لاطبت الميدان هتلر ونازي

حبه بوسط القلب وان لز به لز
------------------------------------ بين الضلوع العوج حبه ولازي

من الشمال لشرق واللي تمركز
------------------------------------ بيني وبينه حد ختم الجوازي

اللي على السيفين نخله وله رمز
------------------------------------ وانا جوازي اخضرٍ بمتيازي

مصيبتي من هو على الباب بوبز
------------------------------------ كنه على البيبان بير ارتوازي

واليا عطيته عذر سرعه تنرفز
------------------------------------ هيه انت وش عندك علينا متوزاي

هذا اخوه ياعرب دوم مشمز
------------------------------------ لاسين لاجيمٍ ولا شي جازي

مدري اكز الحظ والا بعد كز
------------------------------------ ليلي فرح والا بعد بالتعازي

واليوم ياشعار كلٍ يعزز
------------------------------------ الصدر واضح عجز في قاف ازي

وليا بغينا القاف قافٍ وله عز
------------------------------------ اسمع عبادي شوي والا عزازي

واليا ابتعدتم لا تقولون مبتز
------------------------------------ فتوى النميمه في كتاب بن بازي

والملح لا قللت سمج لك الرز
------------------------------------ وان زدت زاد الظغط زاد انتهازي

مدري وش اللي صار مع از في از
------------------------------------ قافٍ عسرته عسر ماهو ابتزازي

واليوم ابي حلٍ على الوقت يركز
------------------------------------ حلٍ كما كنزٍ يصير اكتنازي

وسلامتكم

واعذروني عن الاطاله

ومن لم يستطيع الرد يكفيني منه صح لسانك

ولا داعي او مبرر لتحليلات او الارى

عياد الرشيدي

واليكم ردي على هذه القصيده
[poet font="Simplified Arabic,16,black,normal,normal" bkcolor="" bkimage="http://www.mahroom.net//backgrounds/16.gif" border="double,4,gray" type=2 line=200% align=center use=sp char="" num="0,black"]
قريت قاف(ن) للرشيدي مبروز = بالذوق والحكمه وبعد المرازي
قاف(ن) جميل وبالمعاني ملغز = تله وعرضني دروب الغرازي
دز القصيده ياهل المعرفه دز = لين استوت والبيت بنيه عزازي
انشهد انك صرت كاتب وبارز = فالعلم رازي وانت فالشعر رازي
قولك وجيه وكل علمك مركز= وخطك يزيد اللي قراه اعتزازي
ويجلي كدر غل القلوب المنحز = ويزيح هم داخل القلب وازي
وان كان قصدك يالشيدي تعجز = يصعب عليكم بالقصيد احتجازي
انا غطست البحر ماني بعاجز = واخذ منه حسب الطلب لعتيازي
الشعر جندي حر ماهو محجز = يمشي على الطبله وصوت الايعازي
يبغى الامر من شان يقدم ويجهز = وياطا على الطامن ويرقا النوازي
وانا تراني ثابت(ن) ماتهزهز = مثل الجبل في وقفته مايهازي
وانته تحاول بالقصايد تميز = وانا على الله فالقصيد اعتنازي
قدمت لشعار قاف(ن) مغمز = وارسلت جيب(ن) من حديث الطرازي
لكن انا بقول للي تحيز = مايشفي المغلوث دم البرازي
ومادام ياعياد قلبك محزز = من بعد خلك صار وسطه حزازي
ترى الهوى دربه صعيب(ن) ملعوز = ما ينحرز لو كنت شخص احترازي
عينت للي مجنون ليلى تنجز = من حب ليلى صار موته نجازي
لاقامت تسلهم بطرف(ن) وتغمز = قلب المولع صار فيه اهتزازي
نظراتها ريموت قلب(ن) مجهز = وبعيونها تقدر تفر الجهازي
وتجز قلب اللي وقف قدمها جز = جزة غزل شاة(ن) نهار الجزازي
وفي مشيها مثل الشروده تخزخز= وان هزت الوركين قامت تنازي
تقصر خطاويها وتسرع وتقفز= مثل الأصيله وقت حل اللزازي
مسكين منهو حبها ثم تملز = قلبه يصيبه من بعدها النحازي
وبرق بقولي زين وافهم وميز= ذيب الحفر يقنب لذيب الحجازي
وياذيب ياللي ترفع الصوت وتخز= صيدك سمين ولا تصيد الخنازي
ودرب المعزه عز ياطالب العز= ودرب السعه ماهوب مثل الموازي
ودرب الردى يمشيه ناس(ن) مخنز = تلقا الخزى في وجه راع المخازي
وانت البخيص وكل ماقلت جايز = وانا معك بالراي صرت انحيازي
وارسلت لك ردي موضح وموجز = وعن سردة الموضوع يكف الايجازي

[/poet]

اخوي ابو سعود

صح السان الشاعر عياد الرشيدي

وصح السانك ........

فقد ظهر لنا بعض المستخبي .....

ما شاء الله تبارك الله .......... رائع اخوي ابو سعود

الله يعطيك العافيه .........

تحياتي


الحسام

[c]ابوسعووووووووووود لا هنت لا هنت
ولا هان الرشيدي
ابو سعود شاعر مغوار لا تقيده حدود القوافي
مهما استهلكت او اشتدت صعوبتها
انسان يعشق التحدي
ويجتازه بدرجة امتياااز دائما
اشكرك شكر يليق بمقامك ايها العملاق
اخوك السيف[/c]

..........

...


ابو سعود

الرشيدي داهية
وانت ادهى

ابدع
وابدعت


وكما هو الابداع معهود منك



سلمت يداك



كلك ذوق ...

اخوي الحسام شكرا على الا طراء الجميل
وصح بدنك









اخوي السيف انا اشكرك على الكلام الجميل اللي انت كتبته


واقول الله يسلمك وهذا من ذوقك








اخوي وحبيب قلبي وافي صح بدنك
وماقصرت








تقبلو تحيات اخوكم ابو سعود

الابداع الجميل دايم يفرض نفسه..
انني ارشحك والقبك بالشاعر الاول.ابو اسعود صح السانك
قصيده ولا اروع كفيت ووفيت وابدعت.
اتمنى لك التوفيق في الرد على كل من يرغب التحدي.
وكلي ثقه فيك والله يوفقك



اخوك حب2003يب

شكرا اخوي حبيب الله يعطيك العافيه



انا اشكرك على الاطراء الجميل






تقبل تحياتي اخوك ابو سعود

[c]ماشاء الله ... لاقوة الا بالله

.. هذا الشعر اللي عليه العلم ..

أخي بوسعود .. هل وصل ردك الى الرشيدي أم لا ؟!

جميل جدا ما خطته اناملك الرائعه..

..احساسك رائع بالكلمة...تقبل مني اعذب تحية.... [/c]

شكرا ساحة كرم



اما عن الرد فقد وصل له





اشكرك على مرورك على المشاركه وتعليقك
تقبل تحيات اخوك ابو سعود

هلا و غلا / أبوســـــــعود ...

صح لسانك ولسان عياد الرشيدي .. والحقيقة إنك كفيت ووفيت وإن كان تبقى الحقيقة ردك فاق قصيدة الرشيدي بدون قصور في راعيها ..
ومثل وشرواك يعسف صعب القوافي وهذا اللي شفتها في هذه القصيدة وقصائدك الأخرى ...

تقبل تحياتي ..

اخوك / نديم الماضي