ألاجواد واجد والمراجل لها كساب

من روائع الشاعر عبد الله ابن شايق رحمة الله عليه

هذه القصيدة وهي مليئة بالحكم والأمثال



الأجواد واجد والمراجل لها كساب

... لكن واعد العشرة ليا صرت جمالي

يطير الشرار وكل نارٍ لها شباب

... ومن ولع النيران يصبر على الصالي

تجارب حياتي معجزة والدروب أصعاب

... ولقيت الرجال انواع والوان وأشكالي

صديق الشدايد ما خذا منك علم وجاب

... وسيع الصدر يضحك ولا هو بزعالي

صديق الشدايد لا ينافق ولا يغتاب

... يدله غريب الدار ويزين الجالي

وصديق الرخى عقاب ومصادقه عقاب

... شجاع الحكي والمدح بالقيل والقالي

وصديق الرخى ما غير صورة ولبس ثياب

... ياليته يبرقع ماله شماغ وعقالي

وعندي نصيحة جد ماقلتها لعاب

... وأقول الصحيح ونايم القلب يصحالي

ترى خوة أهل الطيب يالطيبين أطباب

... يطيب السقيم وخوة الاش سلالي

تغانم شبابك يا أبيض الوجه دامك شاب

... ترى البدر لو يطلع قمر عود أهلالي

فلا تهجر المسجد وخلك ورى المحراب

... ترى روضة المسجد لها منزلٍ عالي

ولا تترك اللي يزهمك خايفٍ مرتاب

... ترى الذل ما نجى الثعل با لتحيالي

ولا للندى غير الفدى لو تروح أرقاب

... ومن ضاع شوره يا خذ الشور وإيمالي

ومن با شرك بالعذر لاتلحقه بعتاب

... ولا تشوف نفسك شيخ والناس عمالي

ولا تهين نفسك لو تجي بين ضرس وناب

... وهيبتك لا تنقص ولو ربع مثقالي

وبنت الردي لا يعجبك زينها الجذاب

... تراها كما المخيال خيل وتخيالي

ولو شفت حمر خدودها والثمان أعذاب

... لا بدك تمنى ليت ما جالك أعيالي

ولدها لياشاف النقى والملاقى هاب

... ذليلٍ بخيلٍ فيه خفخاف وجفالي

أخذ بنت قرمٍ طيبٍ ساسها ما عاب

... تـنـومسك بنت الشبل ويجيلك أشبالي

أعيال الذياب تصير مثل الذياب أذياب

... وعيال الثعالب مثلها زهر الاذيالي

وفرخ الصقر مثله وفرخ الغراب غراب

... وبوم الخراب ايقابل العش ويلالي

ليا صار راسك فوق يا طيب الا نساب

... فلا ينحني قدام رجلين ونعالي

لكن الله اللي يكتب الرزق يا خطاب

... هو اللي يفك الباب ويقص الا قفالي

ولا يهمل الا واحدٍِ عايف الاشباب

... ولا ضيع أحقوق البشر غير الا همالي

وترى للقصايد كيف والكيف له شراب

... وانا ما أشرب الا كيف راسي بفنجالي

ولا أطاوع الجاهل ولا أجامل النصاب

... أقدم يمين الحق واحط معـدالي

ولا ني بو الله طيبن له مع من طاب

... ومن طاب لي برخص له الحال والمالي

أكذب وانا خابر واجامل وانا كذاب

... سنينً مضت هي صدق والا يورالي

تلخبط جهاز المخ وانهارت الاعصاب

... وفورت دمي وارتفع ضغطه العالي


لكن في رجى اللي من رجى رحمته ماخاب

... هو الواحد العالي وهو ربناالوالي

وهو الخالق الرازق وهو المعطي الوهاب

... له الملك كله والكمايل والاكمالي

رئوفٍ رئيفٍ رحمته تنقذ المنصاب

... يغيث الديار الممحله عقب الأمحالي

شديد العقاب ويعتق المذنب اللي تاب

... عسى ما يوخذنا بسيات الاعمالي

كما قاله الله فأصبروا يأولي الألباب

... ترى الصبر زين وكلمة الحق تنقالي

واصلي واسلم عد ما تنبت الأعشاب

... وما لاح براقٍ سرى يشعل أشعالي


على المصطفى اللي وحد الدين والأحزاب

... شفيع أمته يوم الهوايل والأهوالي

........

...


ابيات. رائعه كلها حكم

رحم الله بن شايق واسكنه فسيح جناته

شكرآ لاختيارك الموفق وذوقك الرفيع


...

	المشاركة الأصلية كتبت بواسطة wafei

	........ ... ابيات. رائعه كلها حكم رحم الله بن شايق واسكنه فسيح جناته شكرآ لاختيارك الموفق وذوقك الرفيع ...

حياااك الله ياوافينا الغالي والعزيز



وشكراً جزيلاً لسعادتك على تشريفك الرائع والجميل


وطيب الأختيار والذووووق وجمال المنطوووووق


في كريم مرورك وطيب شعورك وأنا شاكر ومقدر لك


جهودك الرائعه والجميله حفظك الله ورعاك أستاذي


ودمت في أحسن حال وراحة بال

،
/

صح لسانك اخي فتى الجميزه
ورحم الله الشاعر وجميع موتى المسلمين
تسلم يمينك على النقل الجميل للابيات
يعطيك العافيه .،،،
ــ

	المشاركة الأصلية كتبت بواسطة عطر القصيد

	، / صح لسانك اخي فتى الجميزه ورحم الله الشاعر وجميع موتى المسلمين تسلم يمينك على النقل الجميل للابيات يعطيك العافيه .،،، ــ

حي الله أختنا العزيزه والغاليه عطر القصيد


وشكراً جزيلاً لك على كريم مرورك الرائع والعطر


وصــح الله بدنك وروحك والله يسلمك ويعافيك



والجمال كله يأتي في طيب مرورك وصادق شعورك


ودمتي أختي في خير وصحه وسعاده

..
الله يرحمه ويغفر له..

جزل يافتى وماتختاره جزل وهذا ماعودتنا عليه

دمت جزل

	المشاركة الأصلية كتبت بواسطة خلف الجابري

	.. الله يرحمه ويغفر له.. جزل يافتى وماتختاره جزل وهذا ماعودتنا عليه دمت جزل

حي الله أستاذي الكريم وشاعرنا


المتألق والمبدع خلف الجابري


وأهلاً وسهلاً بـك وأنورت وأسفرت


بمرورك العطر على متصفحي المتواضع

أستاذي الفاضل شاكر ومقدر لك أطرائك


وتواضعك الرائع والعلوم الجزيله والجميله


منكم نكتسبها وناخذها وأنتم خير من نقتدي بهم


وسلمت ودمت في أحسن حال وراحة بال


ولك خالص شكري وتقديري

الله يرحمه ويغفر له
ويسكنه الفردوس الأعلى من الجنة يارب
سلمت يمنااااااااااك استاذنا فتى انتقاء مميز
لقصيدة جميلة ومعبره حوت حكم ووصايا قيمة

	المشاركة الأصلية كتبت بواسطة شموع الغربية

	الله يرحمه ويغفر له ويسكنه الفردوس الأعلى من الجنة يارب سلمت يمنااااااااااك استاذنا فتى انتقاء مميز لقصيدة جميلة ومعبره حوت حكم ووصايا قيمة

حي الله الأستاذه المبدعه والقديره والمميزه


شموع الغربيه وشكراً جزيلاً لكريم مرورك العطر


والذي شرفني وأسعدني والله يسلمك ويعافيك أستاذتي


حفظك الله ورعاك ودمتي في خير وصحه وسعاده

بيض الله وجهك على ما اكرمتنا به من سمان الهرج وجزال الشعر

رحم الله ابن شايق واسكنه فسيح جناته

لا هنت يالقرم