ياسلام الله سلامي

وليدة اللحظه

اهداء الى اجمل ذكرياتي

من كتاباتي

اتمنى ان تلامس احساسكم







ياسلام الله سلامي مع رياحك يالشمالي

___________________ ياعساها تاصل اللي تل قلبي ياعساها


ياعساها تاصل اللي مادرى وشلون حالي

__________________ مادرى يومه رحل عني خذا قلبي خذاها


بحفظ ربي يابعدهم روح لايشغلك بالي

__________________ روح لو عيني حبيبي من بعدكم جف ماها


والله انك لو بعدتي مابعدتي عن خيالي

_________________ وين انا مالد طيفك عانق جروحي لفاها


ادري دائم طقتي عوجا بدربك ياآمالي

________________ عاشقن من حر مابه جاء يكحلها عماها


شاعرن حده زمانه مع تصاريف الليالي

________________ تاه في صحراء غرامك وابتدا همه مشاها


ليلتن كانت جروحي يالغضي تاقف قبالي

_______________ ساقني حظي وجيتك ديرتن قلبي نخاها


نوخت كل الجروح ويوم قلت يزين فالي

______________ غافلتني منك طعنه ليله ماقلبي حساها


كم سقيتك من غلاي وكم رجيتك ماتبالي

_____________ ياهداك الله حبيبي لاتوصلها مداها


كم تحملتك عذاب وكم رفعتك نجم عالي

________________ وكم هنوفن لاجل عينك طافها قلبي نساها


يوم عديتك حبيبي بالهوى لي راس مالي

______________ يوم قلبي غير عينك مابغاها مابغاها


يوم قيدني غرامك رحتي دورتي بدالي

_______________ والطريق اللي مشيته سكته قلبك محاها


يابعدعمري طلبتك جيتك الليله الحالي

______________ مامعايه غير روحن تنشدك وش هو خطاها


قبل ماامشي بربك يالغضي جاوب سؤالي

______________ اتعبتني هالجروح اللي تدور منتهاها


يوم قلبك ماعشقني... انت وش مالك ومالي

_____________ ليه تدمي لي جروحن دام ماتعرف دواها

""

"""""""""""
الشاعر العذب
عبد الله الجهني
كالعااااااده مميز بقصااايدك
وخواطرك

صح لسانك بلا حدود
والله لايهينك

""
اخوك السيف

قصيده رائعه ..

صح لسانك .. وتسلم يمناك ..



.





.

........

...


قصيدة رائعة يااخ عبدالله

كلمات جميلة ومعبرة


سلمت يداك



كلك ذوق


...

بسم الله الرحمن الرحيم

عبد الله الجهني

السلام عليكم ورحمة الله وبركاته

يا هلا والله وغلا فيك شاعرنا الكبير
قصيده جزله من شاعر جزل
سجل اعجابي إلى ما لا نهايه
ما شاء الله تبارك الله

كل التقدير والاحترام

الحسام

السلام عليكم ورحمة الله وبركاته
وصلاة وسلام على أشرف خلق الله
محمد بن عبد الله وعلى آله وصحبه
وسلم ومن والآه
بسم الله الرحمن الرحيم

صح السااااااااااااانك عبدالله


ولا هنت


زهرة بنفسج.

السلام عليكم ورحمة الله وبركاته

أخوي عبدالله الجهني

أبيات راااااااائعة

وصياغة للكلمات أروع

سلمت أناملك وصح لسانك

تحياتي لك

صح لسانك مليون اخوي عبدالله

يعطيك الف عافيه

تحياتي

الرائع.....المتميز.......المبدع...........شاعر الحب

عبدالله الجهني

اسعد الله ايامك اخي الحبيب بطاعته

قصيدة رائعه بكل ما تعنيه الكلمه من معنى

تقبل تحياتي اخي الحبيب

وكل عام وانت بخير

لك مني كل الحب

اخوي عبدالله

صح الله لسانك على هذه القصيده الرائعه

معاني وألفاظ ولاأجمل

عسى الله ان يديم عليك الصحه والعافيه

وتقبل تحياتي واعجابي

اخوك / الجهني