ياسعود تكفى لايفكون الاطناب.......

**شموع الغربية** ● · 12 / 02 / 2011, 39 : 09 PM

ياسعود تكفـى لايفكـون الاطنـاب
ياسعود تكفـى قلهـم بـس ليلـه
نفسي تشلع كـل ماشلـع منسـاب
طـواري الفرقـا عليـنـا ثقيـلـه
يومٍ طويتـوا فرشكـم خافقـي ذاب
كن الضمايـر وسـط حـر المليلـه
ياسعود شفي من هوى البر ماطـاب
خلوا حبيـس الـدار يبـرد غليلـه
يكفيه من طول السنه صكت البـاب
ويكفيه من طول السنيـن المحيلـه
خلوه يسلى عن همومـه والاتعـاب
ويسـج رجلـه بالفيـاض الظليلـه
والصبح يشرف له على راس مرقاب
ويشم ريح الشيح وسـط الخميلـه
خميلةٍ خضـرا تقـل مابهـا تـراب
فيها الزبيـدي مثـل روس النثيلـه
وريح البختري والنفل وسط الاعشاب
يشفـي قلـوبٍ بالحنايـا عليـلـه
وبالليل حول النار تلتـم الاصحـاب
وتبدا السوالـف والعلـوم الجميلـه
وكن الكواكب فوقنا والقمـر غـاب
جمـرٍ تنثـر فـي مهـب المسيلـه
بالبر نسلى عن هوى تلع الارقـاب
اللي على شوفـه نسـوق الجليلـه
ونسلى عن هموم المدينه والانشـاب
ونرتاح من بعض النفوس الرزيلـه
يالله طلبتـك يالولـي رب الاربـاب
تديـم انـعـامٍ عليـنـا جزيـلـه
وتغفر ذنوب اللي من الذنب قد تـاب
يـارب وفقنـا لـدرب الفضيـلـه
والخاتمه صلوا على سيد الاحبـاب
رسول رب البيت راعـي الوسيلـه
:
للشاعر أحمد العريفي(نديم المجره)
:
رااقت لي وبالأصح وصفت الحال
اتمنى ان ترتقي لذائقتكم

**أبو خـ البجادي ـالد** ● · 12 / 02 / 2011, 57 : 09 PM

ياسعود شفي من هوى البر ماطـاب
خلوا حبيـس الـدار يبـرد غليلـه

يكفيه من طول السنه صكت البـاب
ويكفيه من طول السنيـن المحيلـه

صحيح .. يكفيه من طول السنة صكّت الباب
الشاعر يسعده بقاء الأطناب مشدودة في المناسيب

كلمات روعة ونقل أروع شموووووعه ,,

**كل الحكااااايه** ● · 12 / 02 / 2011, 31 : 10 PM

قصيده رائعه ...

شموووع سلمتي ع النقل الرائع ....

**شموع الغربية** ● · 12 / 02 / 2011, 43 : 11 PM

اقتباس:

المشاركة الأصلية كتبت بواسطة أبو خـ البجادي ـالد

ياسعود شفي من هوى البر ماطـاب
خلوا حبيـس الـدار يبـرد غليلـه

يكفيه من طول السنه صكت البـاب
ويكفيه من طول السنيـن المحيلـه

صحيح .. يكفيه من طول السنة صكّت الباب
الشاعر يسعده بقاء الأطناب مشدودة في المناسيب

كلمات روعة ونقل أروع شموووووعه ,,

حياك الله شيخنا وشاعرنا ابو خالد
اي والله يكفيه ويكفيه ...
ودامها بالبر وبذاك الجو مايسعد الشاعر يسعدنا
واكيد البقاء فيه مرهون ببقاء الاطناب مشدودة في المناسيب
ودام الاطناب شلعت من المناسيب <<طابت نقره لعرض الصورة في صفحة مستقلة

والاروع منهما تشريفك سيدي
شكرا لك على المرور الرائع
لاحرمنا الله وجوودك

**الطرقي** ● · 13 / 02 / 2011, 56 : 12 AM

ياسلام ياشموع على نقلك للقصيده

جدآ رائعه
وصف جميل ورائع للشاعر

سلمت يمينك على النقل
تحياااتي لك,,,

**خلف الجابري** ● · 13 / 02 / 2011, 51 : 01 AM

صح لسان الشاعر..

وسلم لنا ذوقك الرفيع شمووع.

مميزه حتى بنقلك دمتي مبدعه ودمتي متألقه .ودمتي شموع الوئام.

سلم بنانك وسلم فكرك وسلم حالك ..

وسلامي عليك ..