البارحة

مبطي ونا ابحث يا سعد عن شيّ من حولي مثير=يهزّ فيني للشعر غصنٍ تخشّب من سنين
البارحة مرّت يا ابو بندر وما مرّت بخير=فيها ثقالة دمّ . عيّت لاتعان ولا تعين
مرّت عليّ وكممتني لا شهيق ولا زفير=وتشرّبت دمّ الكلام وصيّرتني مستكين
ما بين خاطر منكسر واحلام طفل وحبّ غير=خيّرتها . اختاري . ولا مدّت يسار ولا يمين
البارحة من حقدها أروت ظمى قاع الغدير=وتجاذبت عصفورتين احلام ناسٍ ميّتين
والنّزع الاوّل ياسعد يشبه له النزع الأخير=والبيت الأوّل مثل آخر بيت في الشعر السمين
بين ابتهالات الكلام وونّة الحرف الكسير=شاعر حزين وغايته يفزع له الشعر الحزين

قصيده راااائعه يالسعيد

بجد مره حلوه


ان شاء الله المره الجايه تمر بشكل افضل من هالمره ونشوف شعر ههههههههههه


صح لسانك مليون

ولا هنت