قصيده كتبتها على لسان أحد الأخوه
وهي تعبر عن نفسها
نسيتوني ودب الياس فيني = وصار الفكر فيه منازعاتي
انا لو كنت مخطي كان عادي = لكم حق الجفاء بمعاملاتي
ولا كن الوفاء طبع وسجيه = عرفته والزمن يقرأ صفاتي
قربت وكل ما اقرب تبعدوني = ولا ادري لا متى هذا الشتاتي
اقدركم وفي قلبي محبـــــه = كبر سلمى مع اجبال السراتي
ولكن شفت منكم ما بغـــــيته = كرهتوني وانا اهديكم حياتي
مع الحاجة تجون بلا عزيمه = ولاني من يدور للشماتي
لكن الحال متغير علينا = كشفت اللي كشفته في صلاتي
ادوركم واردد بإتصــالي = يضيع الوقت احاتي ثم احاتي
ليا من غبت عنكم ما رحمتم = خلطتو نهر دجله بالفراتي
صحيح إني الغلا بالقلب ثابت = ولا يمكن تزعزعه الرواتي
لكن اصل الكرامه ما نسيته = ومن يزرع جفاء يحصد شقاتي
أنا والله ما عندي مصالح = ولا عندي سوى زرع الثقاتي
اعاملكم بطيب وكل ما املك = وهبته والليالي مقبـــلاتي
تعلمت وفهمت الدرس كامل = خبزت وما بقا غير الفتاتي
انا با اعلن لكم يا اللي عرفتوا = كلامٍ صادرٍ من وسط ذاتي
ما دام ان الجفاء منكم وفيكم = ابا انساكم اليا وقت المماتي
كذا طبع الليالي بالصداقه = ليا صارت بوسط المهملاتي
يموت الود في مهد الاصاله = ويبقى الغدر في كم العباتي
نسيتوني خلاص اليوم دوري = ابا انساكم وابيع الذكرياتي