(( اللي نهايــتها تصيـر إصطفاقه ...... )) أبيات متواضعة ....

السلام عليكم ورحمة الله وبركاته


قبل البدء آمل من الإخوة الإداريين أو أحد المشرفين الكرام تعديل مسمى معرفي إلى (( أبن القبيله ))

وإسمي الصريح أسفل هذا المتصفح ..



إليكم المشاركة


في أحد الأيام وجدت أحد الأعضاء الكرام قد كتب موضوعا ً عن الصداقة

وكتب إستفسارا ً حول ذلك بآخر مقاله وهو :

((000 الصداقة )) هل هي غاية أم تكميل ..؟

وقد جذبني عنوان الموضوع

وكذلك الإستفسار فكانت إجابتي حول الصداقة بهذه الأبيات التي كلي أمل بأن تحضى

بالقبول والرضى لديك أيها القارىء الكريم وأن ترقى إلى مستوى ذوقك

الرفيع 00 أقـــــــول :

صديقي اللي ما يبيّـن خطايـه=هذا مثل ماقيل:[موس الحلاقـه]
لاصار ما هو لي مثـل المرايـه=المعتبـر مـن بيننـا لا عَلاقـه
وصديقي اللـي مايقـدّر وفايـه=أصد رغبه وأنتحي عـن نفاقـه
لو كان يتبع رغبتـي والهوايـه=كنه على حملي يحـط الوساقـه
وصديقي اللي ما يلبـي ندايـه=أخير من لامـاه عنـدي فراقـه
هذا ترى عندي من أكبر عدايـه=يبعد ولا ياسـع نطاقـي نطاقـه
صداقته تشبـه سريـر العنايـه=اللـي معاليقـه سلـوك ٍ دقاقـه
إما عتق راعيـه وإلا النهايـه=بيته عليه مـن الرّدايـم طباقـه
وصداقة ٍ فيها الثّقـه والحمايـه=منهاجها مامون ما بـه دراقـه
غاياتها من كل جانـب حجايـه=درع ٍ حصين ومحكمات ٍ حِلاقِـه
اللي عليه أوصى نزيه الروايـه=سور ٍ يذرّي والثّقه هي رواقـه
وصداقة ٍ بسم المصالـح جنايـه=أبعتبرهـا بـاب شـر وحماقـه
تحرف وتمشي بالهواء والدّعايه=اللي نهايتها تصيـر إصطفاقـه
على النهايه ختم مثـل البدايـه=فيها الطمع يستاق مبدى الرفاقه
ولا اشوفها تكميـل وإلا كفايـه=نحتاج في بعض المواقف لباقـه
لكن على ما قيل : ما هي بغايـه=أحيان من بعد العلاقـه صداقـه
كد قيل : أخير من العلاج الوقايه=والناس كل ٍ له تحمِّـل وطاقـه
ولا به على حقل التعارف وصايه=لكن رفيع الذوق دايـم شفاقـه
نوب الصداقه باب لأجل الوشايه=منها وفيها بعض الأوقات عاقـه
ترفع بها رايـه وتنـزال رايـه=فيها الظلام إن حل ماله إشراقـه
المنتظـر بخلولهـا لـه دلايـه=بفتوقها له مـدرق ٍ وإنسراقـه
حرَّاسهـا نفعـه يهِـدّ البنايـه=يجيك شِهدِه علقم ٍ فـي مذاقـه
أشوفها من باب ساس (الحكايه)=وأشوفها من باب تسعين طاقـه
صداقة ٍ منها أرتوي عن ضمايه=وصداقة ٍ في كل منكـب عِلاقـه

وسلامتــــــــــــــــكم


صالح بن عبيد البشري الحربي

اللــــــــــه يعطيك العافيه يا


ذيب حوما

وشكرا على الطرح الجميل


وتقبل مروري

ياهلا وغـلا

بولـد القبيلــــه

ونعــم فيـــكـ يالحربـــي

قصيــدهـ رائــعـه

سلمـت يـدااكـ

هلا والله ومليون هلا بابن العم


وحياك الله بين احبتك في منتداك

وعوده موفقه من خلال هذه القصيده

الاكثر من رااااائعه

جزالة وتمكن

وقدرة على التصوير اكثر من رااائعه


سجل اعجاااابي اللامحدود

وتقبل حبي بلاحدود

واحيل طلبك الى اصحاب الصلاحيه

تقبل تحياااتي

بسم الله الرحمن الرحيم

صالح الحربي

السلام عليكم ورحمة الله وبركاته


صح الله لســــــــــــــــــــــــــــــانك وعلا شانك
قصيده جزله من شاعرٍ جــــــــــــــــــــــــــزل

لله درك على كل حـــــــــــــــــــــــرف
امتعت وابدعت شاعرنا الكبير

بيض الله وجهك على كل حرف



تقديري واحترامي


اخــــــوك
حسام الشعر

الحربي
قصيدة رائعة تستحق الثناء
تحياتي

	المشاركة الأصلية كتبت بواسطة ملك بلا مملكه

	اللــــــــــه يعطيك العافيه يا ذيب حوما وشكرا على الطرح الجميل وتقبل مروري

الأخ والكاتب الرائع :

(( ملك بلا مملكة ))

ياهلا بك وابرك الحزات مرورك , وما كتبته دليلا ً على حسن ذاتك وذوقك

لاهنت الله يوفقك

رعاك الله تعالى وحفظك

	المشاركة الأصلية كتبت بواسطة المتهور

	ياهلا وغـلا بولـد القبيلــــه ونعــم فيـــكـ يالحربـــي قصيــدهـ رائــعـه سلمـت يـدااكـ

أررررررررحب يامودير المنتدى الترفيهي

الأخ الفاضل :

(( المتهوّر ))

وللتصحيح أبن القبيله وليس كما ذكرت , ولا عليك زود يالطيب , شاكرا ً ومقدرا ً

لك إطلالتك , والأروع هو تواجدك بهذا المتصفح تألق وتوهج بمرورك وردّك الممتع

وسلمت طال عمرك على طاعة الله تعالى , تقبل أجمل تحية

حفظك الله تعالى ورعاك

	المشاركة الأصلية كتبت بواسطة حسن المحمدي

	هلا والله ومليون هلا بابن العم وحياك الله بين احبتك في منتداك وعوده موفقه من خلال هذه القصيده الاكثر من رااااائعه جزالة وتمكن وقدرة على التصوير اكثر من رااائعه سجل اعجاااابي اللامحدود وتقبل حبي بلاحدود واحيل طلبك الى اصحاب الصلاحيه تقبل تحياااتي

الأخ العزيز المشرف والكاتب الرائع :

(( حسن المحمدي ))

المهلــّـي ما يولــّــي , فيك البقاء طال عمرك على طاعة الله وياعلـــّــك ذخر

لاخلا ولا أعدم من مثلك وشرواك يابن العم , لقد سطع وإستضاء متصفحي بمرورك

وردّك , وفيت لا هفيت , راجيا ً من الله تعالى أن أكون عند حسن ظن الجميع وأن

أوفــّـق إلى ما يحوز على رضاكم جميعا ً , أسعدني وسررت بتواجدك .. الله لايهينك

ويكثر على طاعة الله ما بقى من سنينك ..

راجيا ً متابعة ما إحيل لأصحاب الصلاحية , لأنني أرى أن الوضع كما كان ...

حفظك الله تعالى بحفظه ورعاك برعايته أينما كنت

	المشاركة الأصلية كتبت بواسطة الحسـام

	بسم الله الرحمن الرحيم صالح الحربي السلام عليكم ورحمة الله وبركاته صح الله لســــــــــــــــــــــــــــــانك وعلا شانك قصيده جزله من شاعرٍ جــــــــــــــــــــــــــزل لله درك على كل حـــــــــــــــــــــــرف امتعت وابدعت شاعرنا الكبير بيض الله وجهك على كل حرف تقديري واحترامي اخــــــوك حسام الشعر

بسم الله الرحمن الرحيم

الأخ الفاضل المشرف :

(( حسام الشعر ))

وعليكم السلام ورحمة الله وبركاته

صــــــــــــــــــــــــــــح بدنــــــــــــــــــــــــــــــــك , ولاهنت يالنشمي وهذا من حسن ذاتك

لاعدمتك , ووجهك يالغالي أبيض من غير ســــــــوء , شاكرا ً ومقدرا ً لك كل حرف ٍ خطته أناملك بهذا

المتصفح , وما كتبته أعتبره وساما ً تتوّجت به هذه الأبيات , والإبداع هو مرور وتواجد مثلك وشرواك

رعاك الله تعالى برعايته وحفظك أينما كنت