كف الملام

أرجوك كف الملام ولا تعاتبني = ما عدت أباعاتبك أدري أنا ويني
أدري لك الحق يوم إنك تطالبني = بأدنى حقوق المحبة بينك وبيني
وأدري لك الحق يوم إنك تحاسبني = شرع المحبين أسمع لك وتشكي لي
غريب أنا صرت وأطباعي تعذبني = احترت أنا قبل تبدي حيرتك فيني
أبدي لك الشوق واحروفي تكذبني = وإن حدني ناظري لك خانته عيني
وين الوله ؟ ماقدر قلبي يجاوبني = تعثرت كلمته بمواجه اسنيني
هذا إنت قربك ودربك أمس يعجبني = فيك الوفاء وين ماوجهت يرضيني
هذا إنت لليوم في حبك ترغبني = هذا إنت عينك علي دايم تراعيني
لك أنا اللي أحس بشيء يجذبني = لبعيد عنك ويجبرني ويغريني
أسعى لفقدك وهمك حيل تكسبن = واخطي ولازلت بالغفران تطويني
شف لي معك حل حتى لو تحاربني = رس المشاعر على حل يهديني
أغليك لكن شعوري فيك يتعبني = ضاعت على سكة الحيرة عناويني
ماعاد أنا الشوق يلهبني وينهيني = لا أحلام فيها كفوف الود ترويني
ماعاد طيفك على الغربة يصاحبني = حب مضى وأرجوك تعفيني
لا ترسم أحلام ولا تهدم ولا تبني = لك وجه أبيض وأنا اللي راح يكفيني

صح لسان الهاجري ..

وتسلم يمناك .. مرهم ..

.







.

أخوي الفاضل ( مـــراهـــم )

هــلا والله وغــــلا ومرااااحب فيـــك

قصـيدة جمــيله وراااائعه كـ روعــة أختيــارك الراقــي لهــا

أختيار موفق وجميل يدل على رقي ذوقك الشعري المميز فلا تحرمنا من المزيد

صح لسان الهاجري ......... وسلمت يمينك المبدعه أخوي

وحــياك الله ياغالي

الاخ الغااااالي مرهم


حيااااااك الله وبياااااك

وجعل الجنة مثوانا ومثواااااك

اختياااار اكثر من رااائع

لقصيدة راااقية كرقيك اخي الكريم

سلمت يداااك اخي الحبيب

لك مني

كل الحب