ألا يالله عفوك مامعي بيجرولاجوال *** ولا عندي وظيفه والتجارة فاشل فيها

**ابوماجد** ● · 28 / 05 / 2005, 59 : 12 AM

ولا عندي شهادات ولا حرفة تسد الحـــــــال = ولا حظ كبير لأخطت الجره يقديهــــــــــــا
مخابي الثوب تومي مادخلها من زمان اريال = بها فاتورة الكهرب ولا يمديني اقضيهــــا
على ذيك العراوي تتعب الحادي مع الجمال = ثلاث شهور بالورشه وشهرين مغطيهــــــا
أبيها لو تجمل يوم وأجلبها على الـــــدلال = يجيها واحد حظه مثل حظي ويشريهــــــــا
تنصيت الوظيفه يوم قالوا للنظام رجــــــال = وقدمت الملف مع صورة مشخص فيهــــــــا
خذ الاوراق مني واحد ياجعله الســــــــلال = سلوم الناس وأهل المعرفه والطيب مخطيها
قراها في دقيقة والتفت عجل علي وقال = شهادتك العظيمه ياولد واين انت مخفيهـــــا
هززت الراس ما عندي تقال إني من البنقال = وقمت احب خشمه واطلبه بالله تمشيهــــــــا
حذفها من يده شين الطبايع والنبا والفال = وقال أزين تعود صوب نويقاتط تعشيهــــــا
تناوشته من الكرسي وعفت الحل والترحال = وضربته بالبياله عقب ما بيحت شاهيهــــــــا
خذوني للسجن لاني بلا ظالم ولا محتـــــال = مجرد واحد جا يكحل عيونه ويعميهـــــــــــا
ويوم أني خرجت أقفيت لارض الله عظيم الجال = على بر هواه يداوي العله ويبريهــــــــــا
بلا كهرب ولا بيجر ولا غاز ولا نقــــــــــــــــال = قوانين الحضارة لا تبي شوفي ولا ابيهــا

منقول

**عازف الناي** ● · 28 / 05 / 2005, 36 : 01 AM

السلام عليكم ورحمة الله وبركاته
حياك الله أخوي ( أبو ماجد )
وياهلا وغلا فيك بين أخوانك في منتديات الوئام
منقول راااائع وله هدف جميل وسامي بس ياليت الخط أصغر شوي ولكن ملحوقه بالمره القادمه
يعطيك ربي العافية وتسلم يالغالي وننتظر الجميل والقادم من مشاركاتك الراقيه.
تحياتي وتقديري؛؛

**حسن المحمدي** ● · 28 / 05 / 2005, 59 : 01 AM

الاخ الغاااالي ابو مااااجد

هلا والله فيك

ومن طول الغيبااات جاب الغنااايم

منقووول اكثر من رااائع

سلمت يداااك اخي الحبيب

وصح لسااان قايلها

لك مني استاااذي

كل الحب

**wafei** ● · 28 / 05 / 2005, 12 : 04 PM

...........

...

ابو ماجد
!!!

تقصد مين يعني !!
والا مين
نقره لعرض الصورة في صفحة مستقلة

اختيار جميل وموفق
لكلمات جميلة ومعبرة

شكراً لذوقك الرفيع

كلك ذوق

...

**ابوماجد** ● · 28 / 05 / 2005, 44 : 09 PM

شكرا للجميع مع خالص تحياتي