*.* .... نكت ... *.*

>زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله


>سباك راح فرح حلف ماحدش ينقط


>مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا

>دكتورة اسنان راحة ترفع قضيه على جوزها فالقاضى قال لها نخلعه؟ قلتلوا لأ لخلخه الاول لما نشوف هيعمل ايه


>مرة 10 اغبياء بيلعبه على الطريق الصحراوى واللي تخبطة العربية مرتين يطلع برة اللعبة


>محشش يسأل محشش تتوقع الجمعة يوافق آخر الشهر ؟ رد لو ضغطنا عليه يمكن يوافق


واحد اشترى موبايل فحب يعملها لمراته مفاجأة راح داخل البيت في السر واستخبى في الحمام واتصل بيها من الموبايل ولما ردت عليه قال لها ازيك يا حياتي أنا جاي في السكة قالت له :لأ اوعى تيجي دلوقت أحسن أبو سيد مستخبي في الحمام




>تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع





>واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح و ....



>إتنين طرش واقفين على محطة الأوتوبيس فدار بينهم هذا الحوار الأوتوبيس ده رايح مصر الجديدة ؟؟ - إيه ؟ على الحديدة ؟؟ ليه إنت طالب إحسان ؟؟- بذرة الكتان ؟ تلاقيها عند العطار - الجزار ! إنت عاوز لحمة ؟؟ - زحمة ؟! معلش أصل ده معاد خروج الموظفين - نور الدين ؟! معرفوش - متشربوش ؟؟ ليه كفا الله الشر - راس البر ! دا مصيف هادى - المعادى ؟؟ دى ضاحية جميلة - بليلة !!! إنت جعان ؟؟ - عيان ؟؟ متروح للدكتور - حنطور ؟! دى مواصلة جميلة توصلك لحاد الباب - هباب ! و أنا إلى كنت فاكرك محترم - إتخرم ؟؟ هو مين ؟؟ - أسبرين ؟؟ ليه إنت عنك صداع ؟؟ - قراع ؟ دا مرض خطير- فطير ؟؟ د تقيل على المعدة و تمنه غالى - خالى ؟؟ إنت تعرفه ؟؟ دا كبير فى السن - جن ؟! إنت راكبك عفريت !!!! - كبريت ؟ عاوز تولع ؟؟ - أتدلع ؟؟؟؟! مفيش حد غيرك أتدلع عليه ؟؟ ...................... ، فمر بيهم راجل شرطة لقاهم بيتخانقوا فقالهم : واقفين هنا بتعملوا إيه ؟؟ قالولوا : مستنيين الإوتوبيس فقالهم : يانهاركم إسود .. جواسيس ؟؟ طب تعالوا معايا على القسم



>اتنين حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى



>مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى و رجع بعد ساعتين لقى اخوه بيعيط وبيقوله القطه ماتت قاله مش قولتلك لو غسلتها هاتموت قاله ماماتتش و انا بغسلها ماتت و انا بعصرها.....................



>ثلاثة قاعدين بيحششوا طب عليهم البوليس الاول جري والثاني طلع فوق السطح والثالث استخبه في البوكس .



>مره واحد مستعجل اتجوز واحده متسربعه خلفه ولد في الوقت الضايع


>بخيل على فراش الموت ، قبل ما يموت بيسأل عن اولاده ... فين محمد ؟ قال محمد : نعم يا بابا ...وفين محمود ؟...رد محمود باكيا، انا هنا يا بابا ...........الأب : ايه ده .. انتم الاثنين هنا ، امال مين يقف فى المصنع


>واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور


>بلديات فتح محل انابيب غاز .. فجّر اسطوانتين فى وسط البلد .. دعاية

>بخيل اتجوز بخيلة ... جابوا بنت سموها حصالة

	محشش يسأل محشش تتوقع الجمعة يوافق آخر الشهر ؟ رد لو ضغطنا عليه يمكن يوافق

هههههههههههههههههههه
ههههه

الأخت العزيزة ( وئامية )

الله يعطيك الصحه والعافية

وجعلك تسلمين وتسلم يمناك على هذه النكت التي رسمت على شفاهنا ضحكة وأبتسامه

لا هنتي ولا عدمناك ولا عدمنا تواجدك وبإنتظار القادم والأجمل

تقبلي مني كل الود والتقدير

عازف
مشكووور عالمرور ودوم الضحكه

بسم الله الرحمن الرحيم

وئاميه

السلام عليكم ورحمة الله وبركاته


يعطيك العافيه على هذه المشاركه
وعلى هذه النكـــــــــــــــــــــــــــت

بارك الله فيك وفي جهووووووووووودك


تقديري واحترامي


اخوك
حسام الشعر

الحسام
الله يعافيك

هههههههههههههه


الله يوسع صدرك

ويعطيك العافيه نكت حلوه وطريفه



تسلمين

تقديري لك

فيولتا
شكرا لمرورك
ودوم سعة الصدر