كنه عقابا فقد جنحان

وارد اليابان

سلم على وارد اليابان===اللي طويلا مساميره

سلام مني وانا زعـــلان===وش في يدي يالله الخيره

راعيه عزم على الهجران=== شام وتعدى على طيره

ارخى له الحبل والعمدان===حرا شهر من مواكيره

لو هو تعذر برى غلطان ===وش عاد تنفع معاذيره

لو قال تايوتا وذا نيسان===ما يختلف كود تسعيره

لو زاد ومركبه وعفشه زان===وكمل على ذاك بالميره

من طير عوران الى كحيلان ===باع وشراء من فواتيره

ثم انتهى به عليه شكمان===مع واحدا نافخا كيره

عقب النشاما غدى زمان ===لزة بوسطه مواطيره

كنه عقابا فقد جنحان ===حبل الرسن حد من سيره

في ما مضى دوخ الخدان===ما مل منكثر مشاويره

ذيك المكاشيت بالبران===تشهد على طيب السيره

الليل والصبح على ميزان=== ياما حلى شبت النيره

وقلص القميري مع الضبان===وكبسات مع خلطة =====

عقب المطاريش والغدران===ما عاد يظهر عن الديره

لو هو تركنا وراح بشان===نحفظ له الحق والجيره

صحيح هو خرده وانا عجزان===لكني اغليه من غيره

والحمد لله على ما كان ==== ذي دبرة الله وتدبيره

ابو الريم

....

..

ياعيني عليك ياعابر الشوق

اليوم
فاااايق
ورااايق

الله يزيدك
وتتحفنا بهذه الروائع

بس
الكبسه
مع ايه ؟

تسلم والله

قصيدة رائعه
وذوق رفيع منك


كلك ذوق

عزيزي الوافي

هلا وغلا

تحياتي واشواقي


ابو الريم

عابر الشوق صح لسانك
ذكرتنا قصايد نسيناها من الوقت

الا وا حن قلبي حن جمسن لا ولاه سعود
.......................يطوطي بالجرس و ان عد اقصى ما بطبلونه

اخي ساهر الليل

حياك الله

والقصيدة مطلوبه منك

اذا ما فيه كلافه

اللي مطلعها

الا وا حن قلبي حن جمسن لا ولاه سعود
.......................يطوطي بالجرس و ان عد اقصى ما بطبلونه

اخوكم

ابو الريم

الاخ العزيز // عابر الشوق ..

أبيات رااائعة ..

وأسلوب أكثر من رااائع ..


صح لسانك ..

وسلمت يداك ..


تحياتي لك ,,

هلا وغلا

مهب الريح

شكرا لتواصلك

وانتم الخير والبركه


اخوك

عابر الشوق