القوانين المروريه لدى الشباب

القوانين المرورية لدى الشباب(مافيها زعل)


--------------------------------------------------------------------------------

السلام عليكم هاذي احلى قوانين لنا حنا يالشباب:

لأفضلية دائما للسيارة الأكبر حجما، فكلما كبر حجم سيارتك كلما كانت لك الأفضلية في فعل ما تشاء.

عند الدوارات أو التقاطعات فإن الأفضلية لمن يدخل مقدمة سيارته أولا

إستغلال الاشارات الضوئيه كنقطة أنطلاق لبدء السباقات الجماعية الشباب

استح على وجهك وخلك رجال ولا تربط حزام الأمان لا يضحكون عليك الناس ويقولون مصدق نفسه

تجاوز من اليمين ومن اليسار وماعليك من أحد.


السرعة القصوى في الشوارع، هذي ماوضعت لك هذي وضعت للي سياراتهم ما تقدر تسرع .. أما انت فادعس بنزين لين الآخر

الحين من قالك ان أعلى سرعة تقدر توصلها هي 120 ؟ يعني اليابانين والامريكين والألمان يتعبون أنفسهم ويحطون سيارات بسرعة 200 و220 ليه ؟ أنت تفهم أكثر منهم يعني؟

لا تدق إشارة قبل ماتلف .. ترا مايدق إشارة إلا الخوافين

امسك المسار الأيسر .. واللي يرفض انه يفتح لك لزق صدامك بصدامه .. لين يخاف ويفتح البقاء للأقوى على الطريق

إذا كنت مروق ذاك اليوم .. امسك المسار الأيسر وامش 80 واللي مو عاجبة يشرب من البحر واذا أحد أعترض بعد أمشي 40 مافيها شي لأن الشباب كلهم مخلين المسار الايمن للتجاوز أصلا

لمنع الازعاج من السيارات الي وراك سكر النوافذ وشغل المسجل على أصخب الاغاني بمجموعتك ورفع الصوت للحد الاقصى

ترا اللي خططوا المسارات ماعندهم سالفة.. فإنت امش في الشارع بالشكل اللي تبيه.. لو في النص بين مسارين.. أهم شيء ما يتعكر مزاجك

المراية اللي قدامك ما وضعت إلا علشان تشخص فيها.. وماله داعي انك تناظر فيها اللي وراك لأنك مو مسؤول عن أحد

أهم شي انك تكون مثقف، فما فيه أي مانع انك تقرأ جريدة أو أي ورقة وأنت تسوق.. أحسن من انك تطالع الأزفلت الأسود

أحيانا يكون الشارع ممل فالاحل الامثل علشان ما تنام أثناء القيادة أنك تسوي كم ريس ويا الي رايح والي جاي .

منقول

السلام عليكم ورحمة الله وبركاته
أخوي الفاضل ( المهند الطيب )
الله يعطيك العافية والصحة
منقول رااائع وتعليق أروع بإسلوب جميل وطبعاً الزعل ممنوع
قوانين منتشره بين الشباب وبكثره لاتظاهى وهذا هو ما جعل الإحصاءات تضعنا في قمة الدول بكثرة الحوادث
المرورية وكثرة الوفيات .
وأسمح لي أخوي بإضافة ولو اني ما راح أجيبها بأسلوب الكاتب:-
- وإذا وقفت عند الأشارة شغل المسجل وأرفع الصوت إلى للأخير وهز راسك ويدينك خليها مراويس وطبل
على الطبلون ولاتفكر فأحد وإلا أقولك أقطع الإشارة ليه تتعب نفسك وتوقف.
- وإذا كنت فايق ورايق خليك على أقل من مهلك وقف عند الإشارة وأذا صارت خضراء أمشي حبه حبه ماعليك
من البشر مزعجين ومستعجلين دايم.
ووووووو ........كثييييييييييييييير
للآسف الشديد أنها صارت لاتعد ولاتحصى هذه الظواهر وإذا خالف الشخص هذا وأستوقفه رجل المرور
يتكلم وما أحد قده وشوي وأشتغل حرف الواو !!!!!!!! وصار رجل المرور هو الغلطان .
آآآآآآآآآآيه الله يصلحنا ويصلح شبابنا ويكفينا شر أعمالنا .
خالص تحياتي وتقديري؛؛