تحقيق إلى جميع الوئامين ،، مع الضابطة غيوثة

السلام عليكم ورحمة الله وبركاته



عيد امبارك وسعيد على الجميع
وان شاء الله كانت ايام عيده حلوة وسعيدة عليكم
والله يعوده علينا وعليكم في حال احسن من هذا الحال



احم احم غيوثة تتكلم الكل يسكت لو سمحتووو


ايها الكاتب جهز الورقه والقلم راح نعمل تحقيق اليوم
الى كل الاعضاااء

والي ما يجاوب وبصراحه واجوبة كافيه راح نسجنه لمده خمسة ايام
وراح نعمل فيه كذا


شنو تعني لك أيام العيد ؟

من هو أول شخص قال لك كل عام وانت بخير ( يعني عيد عليك )؟

شنو لبست في يوم العيد ؟ وصفو لي ثياااب بالتفصيل ؟

وشنو اسم العطر والبخور الي استخدمته يوم العيد ؟

وشنو هو اول مسج وصلك يهنيك بالعيد ؟ ومن هو صاحب المسج؟<<< فضول على اصول

وشنو افطرت بالعيد ؟ وشنو تغذيت ؟ وشنو تعشيت ؟

وين رحت أول يوم في العيد ؟ وثاني يوم ؟ وثالث يوم ؟

من الشخص الي تمنيت أن يكون جنبك في هذي الايام الجميلة ؟

وشنو كان احساسك في اخر يوم العيد وانت كنت رايح تنام ؟


بس خلاااااص

ويالله الهمة كلكم تجاوبووو
والي ما يجاوب يا ويله مني
<<< تهدد البنت


<<< لا أحد يعيب على شوشتي الجميلة هذي تسريحة اخر موضه

	المشاركة الأصلية كتبت بواسطة غيث السماء

	السلام عليكم ورحمة الله وبركاته عيد امبارك وسعيد على الجميع وان شاء الله كانت ايام عيده حلوة وسعيدة عليكم والله يعوده علينا وعليكم في حال احسن من هذا الحال احم احم غيوثة تتكلم الكل يسكت لو سمحتووو ايها الكاتب جهز الورقه والقلم راح نعمل تحقيق اليوم الى كل الاعضاااء والي ما يجاوب وبصراحه واجوبة كافيه راح نسجنه لمده خمسة ايام وراح نعمل فيه كذا

هلا والله وغلا فيك أختي (غيث السماء)
وعيدك مبارك وعساك من عواده
أشوفك هالأيام صايره محققه ياكافي هههههههه عشتوا
وسكتنا وماراح نقول غير والله فكره رااائعه من رااائعه

	المشاركة الأصلية كتبت بواسطة غيث السماء

	شنو تعني لك أيام العيد ؟

أيام العيد هي أبتسامة الشمس عند شروقها في صباح أول أيام العيد التي تطرز سمائها أبتهاجات الفرح بالعيد لتلبس الأرض ثوبها الجميل لترحب بأيام الصفاء والألفه وتصفية القلوب وصل الأرحام وتبادل التهاني لتجد الطاقات البشرية مفعمة بالحب والفرح وبشاشة الوجه.
زمان كان العيد يعني الكثير والكثير والآن صار العيد موسم لألتقاء الأحبه وتبادل التهاني.

	المشاركة الأصلية كتبت بواسطة غيث السماء

	من هو أول شخص قال لك كل عام وانت بخير ( يعني عيد عليك )؟

والدتي حفظها الله لي وكذلك أختي.

	المشاركة الأصلية كتبت بواسطة غيث السماء

	شنو لبست في يوم العيد ؟ وصفو لي ثياااب بالتفصيل ؟

لبست الزي السعودي المعروف ( ثوب + غتره +عقال ) وطبعاً نظاراتي ههه.

	المشاركة الأصلية كتبت بواسطة غيث السماء

	وشنو اسم العطر والبخور الي استخدمته يوم العيد ؟

العود الكمبودي وهو أيضاً البخور المستخدم في أيام الأفراح والمناسبات السعيدة.

	المشاركة الأصلية كتبت بواسطة غيث السماء

	وشنو هو اول مسج وصلك يهنيك بالعيد ؟ ومن هو صاحب المسج؟<<< فضول على اصول

حبيت أعايدك وأهنيك يالغالــي**عيدك مبارك ومبروك الشهر كلـه
حيث أنك أغلى بشر يطري عل بالي**بعايدك قبل يأتي العيد في حلـه
أخاف يبدى بها غيري وأنا التالـي**وتجيك عيديتي ماتبري العلـه
وطبعاً صاحب هالمسج هي (أختي الله يخليها ويحفظها لي)

	المشاركة الأصلية كتبت بواسطة غيث السماء

	وشنو افطرت بالعيد ؟ وشنو تغذيت ؟ وشنو تعشيت ؟

طبعاً البداية وقبل صلاة العيد ثلاث أو خمس أو تسع تمرات وتسمى الوتر وهذا إقتداءً وإتباعاً لسنة النبي المصطفى صلى الله عليه وسلم. وبعدين تعالي شفوفي الفطير والإيدامات المتنوعه والغداء طبعاً خروف محمر والعشاء تميز وجبن وحلاوة ومقبلات وأشياء خفيفه.

	المشاركة الأصلية كتبت بواسطة غيث السماء

	وين رحت أول يوم في العيد ؟ وثاني يوم ؟ وثالث يوم ؟

بدون أي تأخير أول يوم في العيد وكالمعتاد رحت عند الوالد والوالده ومن منزلهم ذهبت لصلاة العيد وبرفقتهم
وهم أول من أعياديهم دائماً.وبعد ذلك قمت بالزيارات للأقرباء الأصدقاء والأحبه.
وثاني وثالث يوم في البيت ماطلعت نايم من كثر التعب والسهر والإرهاق.

	المشاركة الأصلية كتبت بواسطة غيث السماء

	من الشخص الي تمنيت أن يكون جنبك في هذي الايام الجميلة ؟

صديق لي عزيز وغالي على قلبي دائماً أتمنى أن تجمعنا الأفراح مع بعض.

	المشاركة الأصلية كتبت بواسطة غيث السماء

	وشنو كان احساسك في اخر يوم العيد وانت كنت رايح تنام ؟

والله إحساسي كإحساس الشخص الذي نام اليوم الثاني والثالث كلها.

	المشاركة الأصلية كتبت بواسطة غيث السماء

	بس خلاااااص ويالله الهمة كلكم تجاوبووو والي ما يجاوب يا ويله مني <<< تهدد البنت <<< لا أحد يعيب على شوشتي الجميلة هذي تسريحة اخر موضه

	المشاركة الأصلية كتبت بواسطة غيث السماء

وهذا حنا جاوبنا وعلمناك بكل شيء بس تعالي أنتي ليش ما جاوبتي أول
وإلا بس شاطره في طرح الأسئله
و وماعلينا من تهديد البنت أم شوشه منكوشه
تسريحات آخر زمن يسلموووووووا ياغيث
تحيتي وتقديري؛؛

عازف الناي :-

ياهلااااااااااااوكــــــــل الغلا فيك يا اخوي

الفضاوة الله يسلمك تعمل كل شيء
لا وراي لا شغلة ولا مشغله راح اشتغل محققة معاكم
تحملوني انتو عاد
ههههههههههههههههههه

	وهذا حنا جاوبنا وعلمناك بكل شيء بس تعالي أنتي ليش ما جاوبتي أول وإلا بس شاطره في طرح الأسئله و وماعلينا من تهديد البنت أم شوشه منكوشه تسريحات آخر زمن يسلموووووووا ياغيث تحيتي وتقديري؛؛

اااااهههههههههههههههههههه
لااااا انا راح اجاوب بس انتو جاوبو بالاول

ولله انا سعيده باجابتك ان شاء الله بعد الباقي ما يفشلوني ويجاوبو
:more61:

وبعدين ليه تعيب على شوشتي
ولله شوشتي محلاااااااهااااااااا

كل عام وانتي ياغيث السماء والاعضاء والمشاركين بالف خير
0000000000000000000000000000000000000000

	شنو تعني لك أيام العيد ؟

العيد ماهو لمة الناس الناس العيد لمت قلوبنا مع بعضها هوفرحه لكل انسان يكفي التجمع مع الاهل والاصدقاء..
00000000000000000000000000000

	من هو أول شخص قال لك كل عام وانت بخير ( يعني عيد عليك )؟

التهاني تلقيتها قبل العيد بكم يوم ....اما بالنسبه ليوم العيد تحديدا من اختي..
000000000000000000000000000000000

	شنو لبست في يوم العيد ؟ وصفو لي ثياااب بالتفصيل ؟

لبست بنطلون جينز ازرق وبلوزه اورنج طويله..وجزمه وشنطه بنفس الالوان ...

	وشنو اسم العطر والبخور الي استخدمته يوم العيد ؟

اسم العطر (فالينتينو) من قزاز.......

	وشنو هو اول مسج وصلك يهنيك بالعيد ؟ ومن هو صاحب المسج؟<<< فضول على اصول

اول مسج جاني بطاقة معايده من والدي...

	وشنو افطرت بالعيد ؟ وشنو تغذيت ؟ وشنو تعشيت ؟

ماافطرت يوم العيد ههههههههههههه

والغدا كان رز مندي

والعشا فطاير بالجبن وتبوله وشيش طاااوق بمطعم

	وين رحت أول يوم في العيد ؟ وثاني يوم ؟ وثالث يوم ؟

اول يوم رحت استراحه مع الاهل

ثاني يوم رحت مطعم ومنتزه بقرية الثمامه

ثالث يوم رحت عزيمــــــــه عند عمتي

	من الشخص الي تمنيت أن يكون جنبك في هذي الايام الجميلة ؟

اللي اتمنيت انه يكون جنبي (اخي عزوز)...

	وشنو كان احساسك في اخر يوم العيد وانت كنت رايح تنام ؟

احساسي مبسوطه و الحمد لله
..وبيني بينك تمنيت العيد ولمة الاهل تستمر على طووووووووووول

000000000000000000000000000000000000000
ياحضرة الضابط ان شاء الله اكون جاوبت كويس


خايفه من المشنقه
ههههههههههههههههههههههههههههههههههههههههه
يسلمو ياغيث .... وان شاء الله نهريك تحقيقات واسئله بكرسي الاعتراف..

00000000000000000000000

وكل عام والجميع بالف خير


ودمتم بكل ود

أختك شروق00000000000000000000000

شرووووق

يا اشراقة المنتدى أنتي
ولله موضوعي ايش حلوه وانتي فيه
يسلمك يا ربي

كـــل عـــــام وانــــتي بالــــــــف صحة وسلامة يارب

هههههههههه يا حلوك اي ولله جاوبتي كويس
برافوو عليك

انتي لا تخافي من شيء
اناااا ما بشنق حبايب القلب
الله يسلمك يارب


حراااام عليك تهريني تحقيقات واسئله وانا شو عملت لك
ههههههههه

وكل عام وانتي بمليون صحة وسعادة وسلامة يارب

اهليين غيوثة
تحقيق لذيذ
بس روحي اعترفي هناك هههههههههههههههه



بسم الله نبدأ

شنو تعني لك أيام العيد ؟

هي ايام الصفاء والنقاء وطهارة القلوب من الحقد والضغينه
وهي ايام تشتعل بها مشاعر الفرح والسعادة ليستشعر الناس حكمة الخالق في ذلك ويحاولون تصفية الخلافات فيما بينهم ليسعد الجميع دائما

والصراحه عيد مافيه دبيازه يعتبر عيد غير مميز ههههههههههههههههه لاتسألوني وش الدبيازة ترا ما اعرفها




من هو أول شخص قال لك كل عام وانت بخير ( يعني عيد عليك )؟

الوالد والوالدة حفظهم الله




شنو لبست في يوم العيد ؟ وصفو لي ثياااب بالتفصيل ؟

الوزره والعمامه ههههههههههههههههه الله يهديك هو فيه غيره الثوب والشماغ والعقال





وشنو اسم العطر والبخور الي استخدمته يوم العيد ؟

دهن العود (كمبودي)





وشنو هو اول مسج وصلك يهنيك بالعيد ؟ ومن هو صاحب المسج؟<<< فضول على اصول

بطاقة معايدة (( كل عام وانتم بالف خير)) من صديقي احمد







وشنو افطرت بالعيد ؟ وشنو تغذيت ؟ وشنو تعشيت ؟

أكلنا من كل خير ونعمه (( اجتماع عام بشارع الحي يجتمع فيه كل الجيران وكلٌ يقدم اللي تجود فيه نفسه وهو عبارة عن اكلات مختلفة رز ولحم وجريش ومرقوق وغيره ))

الغدا طبعا مافي غدا

والعشاء اكلات خفيفه






وين رحت أول يوم في العيد ؟ وثاني يوم ؟ وثالث يوم ؟

اول يوم معايدة اهل الحي والأهل
ثاني يوم اجتماع عائلي بأحدى الاستراحات
ثالث يوم نووووووم





من الشخص الي تمنيت أن يكون جنبك في هذي الايام الجميلة ؟

تمنيت صديقي أحمد




وشنو كان احساسك في اخر يوم العيد وانت كنت رايح تنام ؟

تمنيت الاجازة ماتنتهي هههههههههههههههه


تحياتي

وعليكم السلام ورحمة الباري

هلا والله بغناتي

يا ساتر أسئلة ما حصلتشي ولا حتحصلشي

بسم الله بدينا والباقي على الله توكل بحريني على الله >>معليش قرب اللقاء

شنو تعني لك أيام العيد ؟

والله العيد فرحة والفرحة فيه حلوة والحلاوة هذي ما تكتمل إلا بالزيارات وهالزيارات يا كثرها
وهذي يا كثرها معناتها جمعنا عيدية وش كبرها ووش كبرها معناتها ينعاد على الجميع بالخير والمسرّة يا سكرة



من هو أول شخص قال لك كل عام وانت بخير ( يعني عيد عليك )؟
التهاني قبل العيد بكم يوم بس يوم العيد مادري من اللي سبق أبوي لو أخوي خخخخ

شنو لبست في يوم العيد ؟ وصفو لي ثياااب بالتفصيل ؟
شوفي صبحية العيد بنطلون أسود وتي شيرت أحمر فوقه قميص طويل (هندي)
أما ظهرية العيد قميص أخضر وتنورة جينز أزرق فاتح وفي نهايتها نقش بأسود وأخضر

وشنو اسم العطر والبخور الي استخدمته يوم العيد ؟
العطر اسمه فلوّر والبخور إماراتي صاحبه هو بانافع للعود

وشنو هو اول مسج وصلك يهنيك بالعيد ؟ ومن هو صاحب المسج؟<<< فضول على اصول
أول مسج من غناتي هايدي

وشنو افطرت بالعيد ؟ وشنو تغذيت ؟ وشنو تعشيت ؟
الفطور: بيض مقلي وجبن بوك ومعاهم قطع طماط
الغذا:دجاج برياني
العشا: خفيف جداً شرائح سليس مع الجبن وقطع تشيبس

وين رحت أول يوم في العيد ؟ وثاني يوم ؟ وثالث يوم ؟
أول العيد بيت البابا العود
والثاني لوحدة من قريباتي
والثالث في البيت صاكين الباب

من الشخص الي تمنيت أن يكون جنبك في هذي الايام الجميلة ؟
هي حياتي أمي

وشنو كان احساسك في اخر يوم العيد وانت كنت رايح تنام ؟
مبسوطة الحمد لله لأن دوام الجامعة بعده ما جا

سلامي الساخن اللي ما يحرق