البارحه جتني وتنقض شعرها

البارحه جتني وتنقض شعرها = ثم طيرت ياعبيد من عيني النوم
في ليلتن ياعبيد نور قمرها = من بعد ماغطى على نجوم ونجوم
وجلست في نفس المكان انتظرها =على الوعد واحسب دقايق هذا اليوم
الين ماعيني تزايد سهرها = واصبحت لا معطى ولانيب محروم
مدري وش السبه ومنهو ذعرها = ومدري علام الصدر ضايق ومهوم
اكيد والسبه سبايب دهرها = واكيد قام يكوم هل الهم ويكوم
على الصويب اللي يدور خبرها = من عقب ماصوب من الزين بسهوم
واصبح ونفسه قام ينقص صبرها= من يوم منقطعت مراسيل وعلوم
غض النهد واللي نحيل خصرها = واليا مشت ياعبيد ياقوم ياقوم
تجرح وتذبح كل منهو سبرها = بعيون قتاله بها الموت محتوم
وايضا القصايد تنظملها باثرها= بيوت شعرن عاشقتها لها تروم
وفي ختامها بقول هذا قدرها = مكتوب من حظي ومقسوم مقسوم

صح لسانك أبو شجاع

وحياك الله معنا في منتديات الوئام

صح السانك ابوشجاع مدد


تحياتي
وتقديري

يعطيك العافيه أبا شجاع

حياك الله اخي ابو شجاع نورت الوئام وشرفت

صح لسااانك قصيدة جزله
قوة حبك وسبك من المطلع للختام
سلمت اخي وسلم قولك
دمت بخير دااائم

اولا هلابك وحياك اخوي ابو شجاع.. وصح لسانك لاهنت على هذه القصيده دمت بود لك تحيه

تجرح وتذبح كل من هو سبرها
بعيون قتاله بها الموت محـتوم

صح لسانك ملاييييييين
ابيات لا يحبكها الا مهندس كلمات ..
وتشرفنا بوجود شاعر مثلك يا ابو شجاع

وحياك الله في ربوع الوئام ,,,

صح لسانك اخوي
قصيده رائعه ,,,

صح بدنك ياعازف الايقاع

صحت ابدانكم جميعن واتشرف بوجودي بينكم كأخ صغير بينكم يتقبل منكم النقد البناء والاشاده منكم شرف لي