فضفضة.. هل من مستمع ؟؟

أحبتي وإخواني وأخواتي

والله إني أكتب لكم هذه الكلمات وأنا حزين و أشتكي من هذا الزمن الذي تغير..

فبالأمس كنت أعرف أصدقاء وزملاء كنا متواصلين ونلتقي وبالجوال مكالمات وهكذا..

والآن سهل عليهم جدا أن يقطعوا بي شهورا بل سنين لماذا ؟؟ أين المحبة أين الوفاااء ؟؟

يعني مثال فقط: عملي السابق في مستوصف القوات المسلحة في القصيم كنت موظفا عندهم متعاقد

وكان حولي في العمل موظفين يقابلوني بالإبتسامة وإظهار المحبة لي والحرص على الجلوس معي

بل إن الكثير منهم يصر على أن أزورهم في أقسامهم مثل المالية وغيرها..

وأستقلت عنهم في آخر شهر شعبان بعد أن تعينت معلم في شمال المملكة..

والله ما أتصل منهم إلا اثنين فقط والغالب لا إتصال ولا سؤال عن حالي ولا شي..

الي يقهرررني وبقوووة وين المحبة وين العلاقة ؟؟ !!

يعني يمكن لو تعرضت لمرض أو وفاة ولا واحد منهم درى عني ..

وغيرهم الكثير من الأشخاص الذين قطعواا بي ولا فكروا يتصلون ويسألون عن حالي..

والمشكلة إني أحاول أنسى وأتجاهل ما أقدر شئ جااااارحني ومتعلق بذهني..

هل من مواسي لمشكلتي ؟؟ بانتظااار تعليقكم العاااجل يااا أحبتي وأنتم والله أعتبركم إخوتي وقت الضيق

اخوي ابو عبدالعزيز انت حسبالك لوحدك في هالدنيا يعاني من هالشئ؟؟؟؟
يااخوي احياناً الناس تتعامل معك علشانك تملك مثلاً روح مرحه او وجه مريح او قدرة على الاستماع جيدة فمجرد ماان هذا الوجه يروح ماعاد يدورن وراه مو لشئ لكن يعتمدون على المقولة(دامه بخير فالحمدلله وكفى)
وبعضهم لانهم قدامك فاكيد ياخذون ويعطون معك لانك قدامهم بس لما تكون بعيد ماتدري عن مشاكلهم والانسان اذا انشغل ينسى حتى نفسه..
يعني الناس الي وياك احد امرين..
ياانهم كانوا يضحكون معك ويشوفونك زميل لاصديق وشتان بين هذا وذاك..
او اشغلتهم الحياة ولعدم تواجدك قل السوال وقل الاهتمام..
لذا يااخوي في هالزمن لاتعتمد على الكلام والحركات اعتمد على المواقف..
فالمواقف هي الي تبين معزتك عند قلوب الغير..
فان كانت مواقفهم تبيض الوجه فحافظ على اخوتهم وان كانت العكس فالبعد عنهم غنيمة..
يعني يااخوي مااقولك لاتنجرح فالموضوع اكيد يجرح وياضيق بس ياانك تدور لهم الاعذار علشان انت ترتاح او تطنشهم الا اذا كانوا ناس فعلاً عندهم اعذار..

يعطيك العااافية على تعليقك المنطقي والجميل

ماااقصرتي وبيض الله وجهك

هذي هي طبيعة الحياة مافي شي يبقى عى حاله وانا اعتقد ان مو الزمن الي تغير قلوووب الناس الي تغيرت
وامثال هؤلاء الناس خساره فيهم الصداقه واكيد راح تلقى ناس تقدر معنى الاخوه والصداقه وهذا مايعني ان كل الناس مثل بعض
ووالله ان الكلام الي تقوله هو الحاصل في الوقت الحالي والكل يشتكي من هالشي والنس كل مالها تغير للأسواء وماقول غير الله المستعان .

.
.

لي عودة للتعليق بعد الصلاه ان شاء الله ^^

أّخخخخخخخخخ
من ها دنيا يا ابو عبدالعزيز لا تجدد الجروح علي
توني صرت بس في موقف حتى تمنيت الموت فيه

بقول لك انا كنت في علاقتي في الناس كذا مثلك بعدين وقت الشدة لا ناصرو لا معين
ولو تموت من العطش ما عندك احد يعطيك قطرة ماء

اقول لك الي تعلمته في النهاية
ان في علاقاتك بالناس او اي عمل اواي شي تسويه بحياتك لا ترغب فيه غير وجه الله فقط
لا تنظر من احد انه يرد لك اي جميل وحتى يقدر لك اي معروف انت مسوية


طنش تعش تنتعش يا ابو عبدالعزيز
واتذكر الناس الزينة والي تحبك وتحبها
وعيش هذا اليوم سعيد قد ما تقدر لانه ما تدري بكرة شنو فيه من وجع و الم
اوكيه؟!

دمت في حفظ الله ورعايته

إن الناس كلها مثل بعضها فلا تحزن يا أخي أنا واحة منهم
كان لدي أصدقاء و لا أدري ما الذي جعلهم يختفون هذه حال الدنيا
كان الله في عونك.

.
.


ابو عبدالعزيز

لو احد مااهتمـ فيك لاتهتمـ فيه

وهذي آفة العصر

انا كل ماطلعت من مرحله تغيرت الاسماء بجوالي

خلاص مجرد ماتروح من عندهم كل واحد انشغل بحاله

وبعدين تصير للاخوان كيف الاصدقاء ؟

نصيحه مني لاتهتم لاحد اللي يبيك بيكلمك واللي مايبي او جاحد او ناسي ربي يحفظه

انا الحين بما اني جديده بالجامعه اول سنه لي

حاولت تكون علاقتي مع الكل سطحيه

وسطح علاقاتك مع الناس تسلم

وماحاولت ابدا اخذ رقم احد او حرصت يكلموني

النهايه معروفه ^^

اخي ابو عبدالعزيز هيا الدنيا كذا اذا صفتلك يوم ماتصفالك اليوم الثاني ,,,

بس انا اقولك انو مو كل الناس كذا يعني في ناس مستحيل تنساك لو رحت اخر الدنيا بالنسبه لي عندي صحبات كثير وبعضهم من الابتدائي وللان مع بعض حتى لو بعدنا بس نتراسل بالجوال وكذا>>>نمشي على المثل مصير الحي يتلاقى
...ولكن في بعضهم كانت صداقتهم مصلحه يعني فتره وتعدي ...وهذا اسوء شي


طيب بسالك هما تقول دائما كانو يحبوك تجلس معاهم وكذا بعد ماسافرت انت عمرك اتصلت عليهم وسالتهم عن احوالهم ولا اتصلت وبعد طنشو؟

وفالنهايه احب اقولك الصديق الوفي مستحيل ينساك مهما كان...واذا نساك هو الخسران ...

تحياتي لك ولفضفضتك ....

اخوي العزيز ابو عبد العزيز..

يسعد صباحك ..

اخوي الغالي ماهو كل من مر بحياتنا من اشخاص شاركونا العمل او صفوف الدراسه اواواو

يعتبرون اصدقاء او حتى ممكن نهمهم او يهموننا ولا تنسى ان اكثر الناس صداقتهم صداقة عمل فقط او بالاحرى تعتبر زماله ..

بالنسبه لي بحكم شغلي اختلطت بناس واجد ولكن مابيني وبينهم تواصل الا لغرض ..

ولا تعتبر اخوي ان كل من صاحبك بعمل او مر بحياتك فتره يعتبر صاحب يعني الصحبه الحقيقيه ماكل واحد يدركها ..
وانا اقول لك لو جمعت اصحابك ممكن يطلعون عشره او عشرين مثلا وجيت كل واحد منهم وطلبت منه حاجه والله ممكن يقف معك واحد من عشرين ..

لذا اقول ماكل صاحب يعتبر صاحب ..
ولاتروح بعيد ابو عبد العزيز انت مستغرب انقطاع اصحاب عمل ومارايك اجل بعيال العم والاقارب لو لاحظت ان في اقارب لك وربع ممكن لك عنهم سنه او اكثر وممكن حتى ارقام جولاتهم ماهي بمعك صح؟؟

وممكن كثير منهم مايدق جوال ولا يواصلك .بكيف نشره على صحبت عمل!!!!

وبصراااحه ان ذا الشي بذالزمن حاصل كثيير يالله المستعان ....ابا عبد العزيز حنا بزمن مصااااالح وصحبت مصالح .الحين في ناس يدق عليك ويزورك ويهتم بوضعك وللاسف هي لمصلحه
وحد اهتمامه وتواصله فيك اذا اخذ حاجته ..اقوول لابارك الله في صحبه ترتبط في مصلحه ..

ومدام انك فاقدهم بادر بالاتصال ماتدري ممكن هم بعد يفكرون بما تفكر فيه..وممكن يكونون ملتهين باشغالهم ولو واصلتهم مره او مرتين يحسون فيك ويبدون يواصلونك .

وركز على الاشخاص اللي تحس ان فيهم خيير وماودك تخسرهم وصدقني الصاحب الحقيقي لو دقيت مره او مرتين لتلقاه يواصلك دائم..

بس عندي نصيييحه...وحفظتها من كبار..يقولون لاتكثر الاصحااااااب...وانت اعرف ان من مئة صاحب يطلع واحد..

اخوي الغالي موفق بحياتك العمليه ..ان شاء الله

واتمنى انك فهمتني ...وتقبل مروووري ولك مني صاادق التحايا