|
ملتقى الأصدقاء تهانينا ، افرآحنا ، أخوتنا ، من هنآ نبدأ .. لاستقبال الأعضاء الجدد ، تكريم الأعضاء |
|
أدوات الموضوع |
04 / 10 / 2001, 30 : 10 AM | #1 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
حوار في داخل صفيح بارد ..
حوار بين البيبسي والميرندا
الموقع : ثلاجة في دكان الوقت : بالليل 11:45 البيبسي : اختي ميرندا ... قايمة والا نايمة ؟ ميرندا : هلا .. لالا قايمة ... وين تو الناس باقي ربع ساعة وبتسكر راعية الدكان هالانوار وبعدها بنام . البيبسي : هل لي بحوار جانبي معك ؟ ميرندا : ايييييه عادي وش دعوا . البيبسي : ماهي نوعية الحوارات اقصد اللي تحبينها... ميرندا : ماعندي شي معين بعدين انت ناوي تطول بالكلام ؟ تبيني اعتذر من ابوي وانام برا الصندوق ( صندوق الميرندا) . البيبسي ( فرحان ) : اييييه كلامي مايخلص ولا بكرة .... ميرندا : تدري عاد اسلوبك وطرحك حلو بس ابوي يقول لاتمشون مع السود :D البيبسي : ليه ترا والله ما نعض ... أليفين بالحيل ميرندا : بس تصدق انا معجبة بسوادك كأنه سواد ليلة مافيها قمرا سواد كالح كنه فحمة من كيس هالفحم اللي في المستودع تحت ... انا معجبة فيك بصراحة البيبسي : يووووه ... احرجتيني .. امي والله صادقة . ميرندا : ليه شو قالت امك ... البيبسي : امي تقول ان الميرندا احلى من الفراولة ... ماتدلعين زي الفراولة . ميرندا : ياحظي .. قال فراولة قال ... وش يخليني اتدلع البيبسي : لا يعني لون الفراولة .. احلى من لونك (الرجال بدا يخور ) لونها احمر يشق الجبهة . ميرندا : نعم نعم نعم .... عد بالله شو قلت ... انا وشفيه لوني البيبسي : لا والله مو قصدي بس لونك كنه لون هالهندي اللي بالدكان اذا صار محسور ... برتقالي . ميرندا : والله حبيبي اذا مو عاجبك ... خلني اروح لصندوقنا بس البيبسي : يوووه ... يالزعولة ليه زعلتي عاد من كلامي . وفي هاللحظة فتحت راعية الدكان الثلاجة وحطت فيها فراولة البيبسي : هلا والله وغلا بالفراولة ... يوووووووه يازينها زيناااااه .... تو مانورت الثلاجة . ميرندا : هااااوو والله شي ... وقدامي تغزل فيها وانا من الصبح معك يالعبد الاسود يالمحترق فراولة : يوووه ... وشفيها هذي معصبة كنها طقاقة ما نقطوها بحفلة زواج ههههههههه :D البيبسي : لالا ماعليك منها انتي شو هالحلاوة شو هاللون الحلو . ميرندا : اقول يالدبا يالحمرا ء اللي لونك ماله داعي كنه روج :p فراولة : هئق ... هئق ..( تشهق ) يالغيارة يالبرتقالية روحي بس ما احد شراك لك اسبوع هنا مرزوعة ما احد يبيك . ميرندا : والله ... ياشيخة تعالي دغدغيني احسن . البيبسي : ياجماعة كل وحده فيكم لها مميزات ولها صفات مستقلة خلونا بس في المفيد . وفي هاللحظة قاربت الساعة على 12 بالليل وجت راعية الدكان وخذت البيبسي والميرندا والفراولة بكيس واحد بتوديها معها للبيت وهذا الحوار اللي بالكيس : البيبسي : هذي الساعة المباركة يوم صرنا بكيس واحد متلاصقين . ميرندا : اقول وراك لازق بالفراولة خلها تتنفس طيب حاشرها ( بدت الغيرة ) فراولة : يوووه ... من سألك انتي الثانية بعد وش عليك!! خليك بحالك!! :p بيبسي : لاتحرجوني !! انا اخجل من ظلي !! يووه....وخري ياميرندا شوي . ميرندا : هذي بعد راعية الدكان ماجابت كيس كبير ... حشرتنا بهالكيس هالبخيلة :D في هاللحظة راعية الدكان أخذت الفراولة وفتحتها وشربتها وما بقي بالكيس الا البيبسي والميرندا !! البيبسي : الحمد لله كانت مضايقتنا الفراولة !! ( منافق وماله خاتمة البيبسي ) ميرندا : يووه ... توني صرت غالية عندك .!! اقلب وجهك بس يالعبد مالك خاتمة البيبسي : يووه ... ضاعت على الفراولة والحين ضاعت الميرندا .... شو سويت انا ووجهي . ميرندا : اذلف بس ووخر عني ولا عاد تكلمني !! البيبسي : يووووه .... والله احتريتي ( ارتفعت درجة حرارتها ) ميرندا : ايه عارفه من يوم راحت عنك الفراولة وانت متجه علي وتعبتني وكسرت قلبي وأمرضتني . البيبسي : اييييييييه والله مريضة .... لا أكون انا السبب وفي هذه الاثناء اصبحت حرارة الميرندا مرتفعة وانشد البيبسي بهذه القصيدة يصف حال الميرندا موجه كلامه لراعية الدكان اللي اخذت الميرندا وفتحتها وشربت منها جزء بسيط وألقت بها في سلة المهملات لأن حرارتها مرتفعة ( ساخنة ) وبكى البيبسي في هذه الاثناء وقال : قالوا حبيبك محموم فقلت لهم .... انا الذي كنت في حمائه السبب عانقته ولهيب النار في كبدي ... فأثرت فيه تلك النار فالتهب يئطع الحب وسنينه شو بيعمل ..... وخذت راعية الدكان البيبسي وفتحته وشربته وهو ينشد القصيد من حرة البطن ياشيخة حراااااام عليكي !! وبصراحة ماسمعت كامل القصيدة لان البيبسي شربته راعية الدكان ببطنها قبل لا نكمل القصيدة ... إن شاء الله تكون عجبتكم! .. وسامحونا على الاطاله .. |
|||||||
حَسْبـِي .. أنِّي أُنْثـَى ..
|
||||||||
04 / 10 / 2001, 57 : 10 AM | #2 | |||||||
عضو شرف
شكراً: 0
تم شكره 0 مرة في 0 مشاركة
|
هلا اردينا ... الله يجازي ابليسك .. والله يا ضحكت ضحك ..:D :D .. اشوى بس ما كان معهم سفن اب ( الفرنسي ) ... ولا كان اخذ الجو على الببسي .. كله كوم والكيس كوم ... :D :D .. الله يسعدك اختي مثل ما وسعتي صدورنا ... وانا اقول ليه دايم يحطون فاصل بين الببسي والميرندا في الثلاجات ... اثره علشان لا يحترون ...:D :D .. سلام ... |
|||||||
الكِبر لله ودوم إبن ادم صغير ~~~~~ مهما تعلى مكانه يرجع لاصله
|
||||||||
04 / 10 / 2001, 27 : 11 AM | #3 | |||||||
سفير الوئام
شكراً: 0
تم شكره 0 مرة في 0 مشاركة
|
اقول أردينا
ما كنك غلطتي على خوالي ابه خوالي موزع المرطبات في السعوديه وبالخص في الرياض شركة الجميح أوريك بخليهم يرفعون عليك قضية أنا أتصور إن المحكمه تحكم عليك 4 سنوات سجن مو خلف القضبان بيسجنونك في الكيسه نفسها مع المعلبات:D وتدفعين غرامه يمكن 400000000 دولار ترا ما عندي سلف دوري غيري أنا ممكن أسلفك المبلغ بس شيلي الأصفار :D |
|||||||
|
||||||||
04 / 10 / 2001, 44 : 12 PM | #4 | |||||||
عضو شرف
شكراً: 0
تم شكره 0 مرة في 0 مشاركة
|
صباح الورد
هههههههههههههههههههههههههههههههههههههههههه
ككههههههههههههههههههكح.........كح ............طشهههههه الله يقطع بليسك ارديناااااااااااااا والله ظحكة من قلبي بعدين.......انتي رائعه من يومك ارديناااااااا وظعتي الفكاهه.......مع موظوع جداااااا مهم وهو النفاق..... وتغغير الوجوه.......فلك خالص الشكر اردينااااااااااا .......فلكي مني فائق الاحترام والتقدير |
|||||||
|
||||||||
04 / 10 / 2001, 35 : 05 PM | #5 | |||||||
عضو شرف
شكراً: 0
تم شكره 0 مرة في 0 مشاركة
|
هلاااااااااا اردينا .......
حلوة المحاورة هذي جدا ....... شفت وشلون البيبسي ما له امان .......... كل شوي براي ..... راعي مصالح ..... بس الله يعينك على لمسات و اخواله ...... شكرا اردينا ....... جدا جميلة ...... ذكرتيمي بعضوة فاقدينها من زمان... الله يذكرها بالخير ....... دائما تقول : يقطع الحــــــــب شـو بــيزل .... |
|||||||
|
||||||||
04 / 10 / 2001, 03 : 06 PM | #6 | |||||||
عضو شرف
شكراً: 0
تم شكره 0 مرة في 0 مشاركة
|
.........:D:D:D:D:
مسكين الببسى راح ....فى خبر كان.... احد يعرف مصنع الاكياس وينه... بروح اقول لهم يوسعون..الاكياس شوى.... وش الاحراج هذا.........:D لهيب ونار..وين المطافى عنهم......... مشكوره اردينا......قصه تموت من الضحك... ... |
|||||||
[c]
|
||||||||
05 / 10 / 2001, 53 : 07 AM | #7 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
عاشق الحجاز
تسلم اخوي على دخولك ..
شفت انه ربك ستر مادخل عليهم السفن آب عاد هالابيض المملوح وش يفكهم منه :D |
|||||||
حَسْبـِي .. أنِّي أُنْثـَى ..
|
||||||||
05 / 10 / 2001, 57 : 07 AM | #8 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
هشااام
لا بلييييييييز الا خوالك انا مو قدهم يااخوي ولا قد توزيعهم :D
عالعموم دام السجن بيكون في الكيس ماعندي مانع بس كبروا الكيس عشان البيبسي خايفه منه انا مااضمنه صراحه .. :D نجي عاد لسالفة السلف .. مايخالف انت سلفني الاربعه .. اما الاصفار على كل عضو من اعضاء المنتدى تحالفا مع خويتهم :D |
|||||||
حَسْبـِي .. أنِّي أُنْثـَى ..
|
||||||||
05 / 10 / 2001, 59 : 07 AM | #9 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
مشمش
هلا اخوي بل انا التي ابعث اليك وافر احتراماتي لشخصك الرائع مشكور
|
|||||||
حَسْبـِي .. أنِّي أُنْثـَى ..
|
||||||||
05 / 10 / 2001, 01 : 08 AM | #10 | |||||||
من مؤسسي الوئام
شكراً: 0
تم شكره 0 مرة في 0 مشاركة
|
د. ملجلج
شفت اي والله صادق البيبسي ماله امان .. عاد الحمدلله اني مااشربه انا متضامنه مع الشاني ..
علشانك وعلشاني :D |
|||||||
حَسْبـِي .. أنِّي أُنْثـَى ..
|
||||||||
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
صـدى الأحلام ..! | wafei | عزْفٌ مُنفرِد | 46 | 01 / 08 / 2009 09 : 10 AM |
×?° صـدى الآهـــاتـ بـيـنـنـا ×?° | ,؛, جـنـــان ,؛, | ملتقى الأصدقاء | 15 | 12 / 04 / 2007 58 : 09 PM |
صـدى الاحلام ..!! | wafei | عزْفٌ مُنفرِد | 25 | 06 / 07 / 2006 53 : 02 PM |
النوم فوق صفيح ساخن | وسيل | ملتقى الأصدقاء | 4 | 29 / 01 / 2003 22 : 07 PM |
لاه بارد ولا حار | الرئيس المهاجرالجوكرالأول | بوحْ الشعِر والنثر .. | 4 | 23 / 04 / 2001 38 : 03 PM |