أنت غير مسجل في منتديات الوئام . للتسجيل الرجاء إضغط هنـا

 
عدد الضغطات  : 17609
رامان للحاسبا والاتصالات 
عدد الضغطات  : 12639


العودة   منتديات الوئام > المنتديات الادبية >  بوحْ الشعِر والنثر ..

 بوحْ الشعِر والنثر .. للشعر الفصيح والشعبي والنثر " المنقول "

إضافة رد
 
أدوات الموضوع
قديم 08 / 02 / 2019, 50 : 06 PM   #1
فتى الجميزه 
" شاعر "

 


+ رقم العضوية » 53052
+ تاريخ التسجيل » 21 / 05 / 2011

+ الجنسْ »

+ الإقآمـہ »

+ مَجموع المشَارگات » 4,902
+ معَدل التقييمْ » 10022
شكراً: 2
تم شكره 63 مرة في 56 مشاركة

فتى الجميزه متواجد حالياً

افتراضي ياديب لاتغتر في بعض الأزوال

يقول الشاعر عبدالله بن صقيه
:
ياديب لا تغتر في بعض الأزوال = خطو العرب ياديب ما من تكانه

ما ينفعك لا من حداك أشهب اللال = اللي على الجدَّان ماكَر خيانه

ساس الردى لابد مبناه ينهال = ولد الردى أصحى تحطه بطانه

ترى الذهب من صافي جنيه وريال = ما يختلف ياديب طيلة زمانه

تلقاه وقت الضيق لا صكك الجال = الصفر لا يغريك زين المعانه

نعرف دغايل بايع الدين بالمال = فراسةً ياديب ماهي كهانه

بستان غيرك لو به الوان واشكال = ما تنتفع من خوخه وبردقانه

ما ينفعك ما فيه لو بالثمر مال = لا صار بالغدرا جداره مخانه

لياك من بيض الغرانيق تهتال = أبا الدبر لا يشحنك وهدرانه

ان جاء نهارٍ فيه للجيش زرفال = الله يخلي للعماني عمانه

ترى الجمال اللي يشيلن الاثقال = خطو الزمل بالشيل فيها حرانه

اسلك دروب الطيب مع كل رجال = واهرف هريف الذيب واعد عديانه

طرق النمايم لا تجى لك على بال = يشقى بها متهورين الديانه

الحر ميقاعه على راس ما طال = حاشاه ما يرضي لنفسه طمانه

ربعك تميم اللي لها دسم الأفعال = الخاين البَّوار ربعك عرانه

عقَّال في حالٍ وفي حال جهَّال = فيهم على راع المتانه متانه

مفضخة ياديب لعيون الأفيال = انشد جموع الفرس وانشد إيرانه

ياما وياما من جديدات واسمال = لا عَن صيَّاد الفوارس حصانه

ما هي سوالف من يزيف بالأقوال = اللي علومه عند جالي ثمانه

والناس كلً دون حقه بالاشكال = يوجد بهم بالضيق مروي سنانه

ما تصلح الجهال من دون عقال = العقل لا جاء له برجَّال زانه

الكل منا ما غدا له ولا خلال = يكفي عن الهندي بها خيزرانه

الذيب من طليان هكر الغنم ذال = اكمن لراع الصيد واحب حبيانه

ذيبً في تال الليل بالمرقب العال = نكد على النيام كثر عويانه

الله يا شيخ النحل يرحم الحال = ما عاد في راع الفطانه فطانه

لو للرعد في مظلم النوَّ زلزال = كلٍ عرف والخابر الله مكانه

لا يأمن الدنيا مرابي ومحتال = لابد من قبرٍ هيالٍ دفانه

لا مخبر عنهم ولا سايلُ سال = يعلم بهم خلاقهم جل شانه

دنيا تغر الناس لرحيها اثفال = ما هيب تركد دايماً شقلبانه

ما فات عده مات يا معرَّب الخال = ما عاد في تذكير ما فات خانه

أصفح عن اللي ما يساوي بها عقال = لابد ما نبديه سر وعلانه

وقت على الوافين بالحيل ميال = دار الفلك للدون والأمَّعانه

الرزق عند اللي نعبده والآجال = عن المقدر ما تفيد الذهانه

احد لباسه من ردا الحظ دسمال = واحد يفصل من ثمانين خانه

للرسل مادامت ولا الصحب والآل = اصبر على جور الدهر وامتحانه

المرجله ما هي سهل طرقها طوال = تتعب قليل الفود راع العفانه

من دونها عيطٍ اماليط وتلال = وسنْدا تشيَّب راس من بالحضانه

تبغي عريب معتبى نجر ودلال = اللي يشرع بالمساغب جفانه

الشكر للمعبود عصر الجهل زال = هذا زمان تفرس الذيب ضانه

نيّ البصل تلقاه مع كل زبال = العود الازرق صار شوفه ذنانه

افطن لبو دبله ترى النذل ختال = متغرض للناس مرخى لذانه

احرص عن الزلات في كل الاحوال = لا تنخدع باللي يعلج اللبانه

ما يفتري ويشين الناس رجال = راع الحكي بالناس خله وشانه

عليك باللي بالمهمات سردال = ليثٍ مثل من حط قوسه رهانه

انته وانا نبعد عن القيل والقال = كم واحدٍ ياديب ضره لسانه

احسن نصون السين بالصمت والدال = ونتبع طريق محاربين الجبانه

الهندي المصقول سوي لمن عال = الذل للأحرار ساس الاهانه

من نم في شعبان قافيه شوال = اعني خفيف ساذجٍ ببَّغانه

العقل ما من عقل والجرم توال = امسلي الأطفال كالقرقعانه

اللي تمس أعراض الاجواد الانذال = الصمت للرجال درع الصيانه

الواجب ان العبد يجهد بالاعمال = ارواحنا للي خلقنا مدانه

من عصر ابونا آدم إلى نشر الاجيال = قليل من لايشتكي من زمانه

للكرب من رب المخاليق حلاَّل = عسى حصان الظلم يقصر عنانه

ما للكفر في حوزة الدين مدخال = ما دام بيت الله يزار بْمكانه

لا شك وَصْ هلال من شان هلال = يقصر لسانه عن كثير هذيانه

ذا قول من يحرص على دسم الأمثال = القيل يكفي عن هزاله سمانه

ابيات من بين المهاديف تجتال = ما هي سوالف يا لداني لدانه

ركاب تفكيري من اللح نحال = عقب الصعاله عودت مرجعانه

ما تردم العيرات بسنين الامحال = الوادي المسني يبس ديدحَانه

يا بدو يالِّلي صوب الارياف حوَّال = الطرش ما يتبع جياعه بدانه

واسلم ودم ما هلَّت المزن همَّال = وما زاف وانور بالزهر قحويانه

وبلغ سلامي من سكن ذيك الاطلال = اجا وسلمى اللي بهلها مصانه

بني تميم وشمَّر الشمَّ الابطال = واولاد عبس اهل الظفر والرزانه

واللي سكن حايل جبلها والاسهال = ترى السلام لمن بها معك امانه

هيف السمان اهل الوفا مزبن الذال = طودٍ اشمٍ ما يحايل كيانه

من كان رحالٍ ومن كان نزال = الكل منهم باخنينه بخانه

ما ناض براق وما زايلً زال = صلوا على المختار راع الامانه


اللهم صل وسلم على نبينا وسيدنا محمد عبد الله ورسوله

سبحان الله وبحمده

سبحان الله العظيم

 

  رد مع اقتباس
الأعضاء الذين قالوا شكراً لـ فتى الجميزه على المشاركة المفيدة:
wafei   (09 / 02 / 2019)
قديم 09 / 02 / 2019, 43 : 05 AM   #2
wafei 
مدير عام المنتديات

 


+ رقم العضوية » 1
+ تاريخ التسجيل » 16 / 04 / 2001

+ الجنسْ »

+ الإقآمـہ »

+ مَجموع المشَارگات » 36,376
+ معَدل التقييمْ » 8979
شكراً: 165
تم شكره 41 مرة في 39 مشاركة

wafei غير متواجد حالياً

افتراضي رد: ياديب لاتغتر في بعض الأزوال

المشاركة الأصلية كتبت بواسطة فتى الجميزه نقره لعرض الصورة في صفحة مستقلة
يقول الشاعر عبدالله بن صقيه
:
ياديب لا تغتر في بعض الأزوال = خطو العرب ياديب ما من تكانه

ما ينفعك لا من حداك أشهب اللال = اللي على الجدَّان ماكَر خيانه

ساس الردى لابد مبناه ينهال = ولد الردى أصحى تحطه بطانه

ترى الذهب من صافي جنيه وريال = ما يختلف ياديب طيلة زمانه

تلقاه وقت الضيق لا صكك الجال = الصفر لا يغريك زين المعانه

نعرف دغايل بايع الدين بالمال = فراسةً ياديب ماهي كهانه

بستان غيرك لو به الوان واشكال = ما تنتفع من خوخه وبردقانه

ما ينفعك ما فيه لو بالثمر مال = لا صار بالغدرا جداره مخانه

لياك من بيض الغرانيق تهتال = أبا الدبر لا يشحنك وهدرانه

ان جاء نهارٍ فيه للجيش زرفال = الله يخلي للعماني عمانه

ترى الجمال اللي يشيلن الاثقال = خطو الزمل بالشيل فيها حرانه

اسلك دروب الطيب مع كل رجال = واهرف هريف الذيب واعد عديانه

طرق النمايم لا تجى لك على بال = يشقى بها متهورين الديانه

الحر ميقاعه على راس ما طال = حاشاه ما يرضي لنفسه طمانه

ربعك تميم اللي لها دسم الأفعال = الخاين البَّوار ربعك عرانه

عقَّال في حالٍ وفي حال جهَّال = فيهم على راع المتانه متانه

مفضخة ياديب لعيون الأفيال = انشد جموع الفرس وانشد إيرانه

ياما وياما من جديدات واسمال = لا عَن صيَّاد الفوارس حصانه

ما هي سوالف من يزيف بالأقوال = اللي علومه عند جالي ثمانه

والناس كلً دون حقه بالاشكال = يوجد بهم بالضيق مروي سنانه

ما تصلح الجهال من دون عقال = العقل لا جاء له برجَّال زانه

الكل منا ما غدا له ولا خلال = يكفي عن الهندي بها خيزرانه

الذيب من طليان هكر الغنم ذال = اكمن لراع الصيد واحب حبيانه

ذيبً في تال الليل بالمرقب العال = نكد على النيام كثر عويانه

الله يا شيخ النحل يرحم الحال = ما عاد في راع الفطانه فطانه

لو للرعد في مظلم النوَّ زلزال = كلٍ عرف والخابر الله مكانه

لا يأمن الدنيا مرابي ومحتال = لابد من قبرٍ هيالٍ دفانه

لا مخبر عنهم ولا سايلُ سال = يعلم بهم خلاقهم جل شانه

دنيا تغر الناس لرحيها اثفال = ما هيب تركد دايماً شقلبانه

ما فات عده مات يا معرَّب الخال = ما عاد في تذكير ما فات خانه

أصفح عن اللي ما يساوي بها عقال = لابد ما نبديه سر وعلانه

وقت على الوافين بالحيل ميال = دار الفلك للدون والأمَّعانه

الرزق عند اللي نعبده والآجال = عن المقدر ما تفيد الذهانه

احد لباسه من ردا الحظ دسمال = واحد يفصل من ثمانين خانه

للرسل مادامت ولا الصحب والآل = اصبر على جور الدهر وامتحانه

المرجله ما هي سهل طرقها طوال = تتعب قليل الفود راع العفانه

من دونها عيطٍ اماليط وتلال = وسنْدا تشيَّب راس من بالحضانه

تبغي عريب معتبى نجر ودلال = اللي يشرع بالمساغب جفانه

الشكر للمعبود عصر الجهل زال = هذا زمان تفرس الذيب ضانه

نيّ البصل تلقاه مع كل زبال = العود الازرق صار شوفه ذنانه

افطن لبو دبله ترى النذل ختال = متغرض للناس مرخى لذانه

احرص عن الزلات في كل الاحوال = لا تنخدع باللي يعلج اللبانه

ما يفتري ويشين الناس رجال = راع الحكي بالناس خله وشانه

عليك باللي بالمهمات سردال = ليثٍ مثل من حط قوسه رهانه

انته وانا نبعد عن القيل والقال = كم واحدٍ ياديب ضره لسانه

احسن نصون السين بالصمت والدال = ونتبع طريق محاربين الجبانه

الهندي المصقول سوي لمن عال = الذل للأحرار ساس الاهانه

من نم في شعبان قافيه شوال = اعني خفيف ساذجٍ ببَّغانه

العقل ما من عقل والجرم توال = امسلي الأطفال كالقرقعانه

اللي تمس أعراض الاجواد الانذال = الصمت للرجال درع الصيانه

الواجب ان العبد يجهد بالاعمال = ارواحنا للي خلقنا مدانه

من عصر ابونا آدم إلى نشر الاجيال = قليل من لايشتكي من زمانه

للكرب من رب المخاليق حلاَّل = عسى حصان الظلم يقصر عنانه

ما للكفر في حوزة الدين مدخال = ما دام بيت الله يزار بْمكانه

لا شك وَصْ هلال من شان هلال = يقصر لسانه عن كثير هذيانه

ذا قول من يحرص على دسم الأمثال = القيل يكفي عن هزاله سمانه

ابيات من بين المهاديف تجتال = ما هي سوالف يا لداني لدانه

ركاب تفكيري من اللح نحال = عقب الصعاله عودت مرجعانه

ما تردم العيرات بسنين الامحال = الوادي المسني يبس ديدحَانه

يا بدو يالِّلي صوب الارياف حوَّال = الطرش ما يتبع جياعه بدانه

واسلم ودم ما هلَّت المزن همَّال = وما زاف وانور بالزهر قحويانه

وبلغ سلامي من سكن ذيك الاطلال = اجا وسلمى اللي بهلها مصانه

بني تميم وشمَّر الشمَّ الابطال = واولاد عبس اهل الظفر والرزانه

واللي سكن حايل جبلها والاسهال = ترى السلام لمن بها معك امانه

هيف السمان اهل الوفا مزبن الذال = طودٍ اشمٍ ما يحايل كيانه

من كان رحالٍ ومن كان نزال = الكل منهم باخنينه بخانه

ما ناض براق وما زايلً زال = صلوا على المختار راع الامانه


اللهم صل وسلم على نبينا وسيدنا محمد عبد الله ورسوله



الله الله الله

انا اشهد انها من نوادر القصيد

وانت نادر وعادتك ماتجيب الا النوادر


الف شكر لهذه النادرة الرائعة

ولذوقك الرفيع



كلك ذوق


...

...

 

  رد مع اقتباس
قديم 10 / 02 / 2019, 37 : 12 AM   #3
فتى الجميزه 
" شاعر "

 


+ رقم العضوية » 53052
+ تاريخ التسجيل » 21 / 05 / 2011

+ الجنسْ »

+ الإقآمـہ »

+ مَجموع المشَارگات » 4,902
+ معَدل التقييمْ » 10022
شكراً: 2
تم شكره 63 مرة في 56 مشاركة

فتى الجميزه متواجد حالياً

افتراضي رد: ياديب لاتغتر في بعض الأزوال

المشاركة الأصلية كتبت بواسطة wafei نقره لعرض الصورة في صفحة مستقلة
الله الله الله

انا اشهد انها من نوادر القصيد

وانت نادر وعادتك ماتجيب الا النوادر


الف شكر لهذه النادرة الرائعة

ولذوقك الرفيع



كلك ذوق


...
هلا والله وغلا بوافينا وغالينا

وأشكرك أستاذي الكريم مليون في مليون ولايسدون

على كريم مرورك العطر وطيب ذوووقك

وجمال منطوقك وثنائك الرائع والجميل

وتسلم وبيض الله وجهك على روعة حضورك

وأهمية وجودك ودورك أسأل الله العلي العظيم

لك التوفيق والسداد والصحة والعافية والسعادة في الدنيا والأخرة

سبحان الله وبحمده

سبحان الله العظيم

 

  رد مع اقتباس
إضافة رد

مواقع النشر (المفضلة)

الكلمات الدلالية (Tags)
لاتغتر, الأزوال, ياديب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 54 : 02 PM بتوقيت السعودية


Powered by vBulletin® Copyright ©2000 - 2019, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]