[النهر الخالد ●]

المطر حنّت رعوده والتعج برّآقه
صدّق وهذا أوله فوق الثراء دفآقي
***
جاء سحآبه حآدرِ مملي تدلّا أعنآقه
وانتثر هملوله وسآق وسقى وانسآقي

***
مرحبا به عد عينِ للحيا مشتآقه !
مرحبا يامفرّج الضيقه على من ضآقي

***
ياهمآليه تسآقي.. وأرفقي بإدفآقه ..
اسقي الأرض المحيله والثرا مشتآقي

***
قآلوا ان الوسم قفّا والوسوم إشفآقه
قلت ربي ياعرب هو كآفل الأرزآقي

***
الكريم اللي يجود ولا بخل بأرزآقه
بأمره إتلمّ المزون ويلمع البرّآقي

***
هذي مزونه تهآمل والحيا بإشرآقه
كل وآدي سآل حتى القآع صآرت سآقي

***
وامتلت كل الخبآري من زلال أودآقه
لين عقب اسبوع بيّن بآذره وادقآقي

***
أبشرو يـ أهل الموآشي لا أكتسى بإرنآقه
ليتني مابعت في هآك السنين.. إنيآقي !!

***
جت منآة اللي شفوفه من شفوف انيآقه
إبدوّيً للفيآض المخضره ..عشّآقي

***
يوم شآف الوسم صدّق زآل عنه ارهآقه
من يلومه غير خبلٍ خآفقه ما تآقي

***
ميتٍ قلبه وعآيش في زمآنه عآقه
شف بآله لبسه وتسكّع الأسوآقي

***
جعل جنسه في تنآقض قآطعين السآقه
لين مايبقى لهم بين الخلآيق بآقي !!

***
الحيا نبته لقلبي سجّته وأشوآقه
شوفته تبهجني وتبعد هموم اشوآقي

***
والدلال وشب نآرِ بالدجا شعّآقه
وسط روضٍ ريح نبته ينعش الخفّآقي

***
سجّةٍ تبعد هموم المشتحن واغلاقه
والمدينه بالحيا مالي عليها اخلاقي

***
هالليآلي وقتها بين الليال إذوآقه
ماتعد من العمآر بسجّة الأرفآقي

***
من تطوفه والله انه ماتزين اخلاقه
لين يمشي وسط روضٍ زاهي الأرنآقي

[شموع الغربية ●]

رووووووووووووعة جداً الأبيات
تاخذك لجوو ثاني وللصور جمال آخر
الحيا نبته لقلبي سجّته وأشوآقه
شوفته تبهجني وتبعد هموم اشوآقي
صوووور تبهج النفس وترجعك لجو المطر
أعجبني الموضوع بصوره وأبياتها
الله يعطيك العاافية اخوي ،ويسعدك ربي

[فتى الجميزه ●]

قصيده جميله ومعبره وصور أجمل وأختيار وذوق رائع من النهر الخالد

شكراً جزيلاً لك ولإختيارك الرائع وسلمت يمينك وبيض الله وجهك ودمت في أجمل

حال وراحة بال

[أبو خـ البجادي ـالد ●]

مناظر جميلة وكل منظر إقترن ببيت شعر يعبر عنه

صح لسان الشاعر

ويسلم ذوقك يالنهر الخالد

[النهر الخالد ●]

اسعدني مروركم الراقي ساداتي سيداتي
شكرا لكم من القلب يا بعدي