مرثيه الشاعر احمد الناصر الشايع

الشاعر احمد الشايع توفي ولده الكبير محمد وكتب فيه مرثيه
وبعدها بفتره توفي ولده الاصغر وكتب مرثيه

نهار ثالث عقب عيد رمضاني

ناس عطاها الله وناس محرومه

أحد قضى عيده سلام وتهاني

وأحد توصله الكواكب همومه

صادفت صدفه من صدوف الزماني

منها قوي الحيل تفتر عزومه

هذا زمان الهم والامتحاني

وقت على قلبي تعاقب سهومه

الأوله كامل جميع المعاني

مزبن المضيوم شرع الخصومه

محمد اللي بالقسا واللياني

عقبه سمايه غايبات نجومه

والثانية بأقرب قريب وداني

خامس عيالي يوم جتني علومه

قالوا ما بين (الخاصرة وحلباني)

ولدك مات اللي ترجا قدومه

جا يومه الموعود بأربع ثواني

قلت السبب؟ قالوا دنا منه يومه

علم على الكبد الصخيفه كواني

كية عطب ماتنشكي للحكومه

تهشمت كل الضلوع المحاني

مفجوع والمفجوع محد يلومه

أخذت لي ساعة وأنا في مكاني

حسبت لي عشرين طيحه وقومه

إلى بغيت الهرج ييبس لساني

والذاكرة عندي تقول معدومه

قمت أتلفت وأتسمع بأذاني

من شاف حالي ماتهنا بنومه

مما بقلبي رحت بالليل عاني

للموتر اللي مابقى إلا رسومه

عن روحتي ياليت ربي نهاني

ولا شفت دمه سايح في هدومه

قمت ودفنته والله المستعاني

في خرقة بيضاء عليه محزومه

يم القويعيه بلاد قحطاني

والحر غير لون وجهي سمومه

وأقفيت من عنده وعشري ثماني

مثل المصبح والبلاد محكومه

والله يا لولا إني وسيع البطاني

لا أصكها مثل أشقر الريش حومه

طاوعت نفسي مير عقلي قواني

عن الخطا مافيه نفس معصومه

يعطيك العافية لوووووولي

بصراحة ابيات حزينة ومرثية بمعى الكلمة ..

لكن فيه الله يسلمك بعض الأبيات ملخبطة

وجاية القافية في وسط البيت

مثل السطر رقم 8 و 15 و18 وغيره الكثير

ومشكورة يا أغلى لوووووووولي

أبو خـ البجادي ـالد


يعافيك ربي عدلتهم مشكور ع التنبيه


منور متصفحي

مرثيه حزينه ورائعه

تسلم يمينك ياعسل ع النقل

لاعدمنا هالتواصل

يسلم قلبك ياحبنيلك

منوره بزود