اضغاث أحلامٍ وحفنة مواويل

السلام عليكم
تحية معطرة بروح الأخوة بعد غياب
عسى ان تشفع لي هذه المتواضعة أحبتي أخوتي ..

راح الجسد ماباقي إلا عظامي=واضغاث أحلامٍ وحفنة مواويل
وقسمتها مابيننا بالتمامي=انا وقلبي والشقا والغرابيل
شدّيت في غربة زماني حزامي=ورسمت للهوجاس خطه وتحليل
النوم في عين الغريب السلامي=وانا سلام أعيوني مطاول الليل
كسرت حوض الصبرماكنت ضامي=لكن طفح صبري على كثره الكيل
بعد الأمل بالخلف ولا أمامي=ماعاد تفرق لو خذا رجلي السيل
الفقد طيري والأماني حمامي=اعتقتها وارخيت حبل المواصيل
عشت الحياة دروس يا اهل الوئامي=وتبخّرت آمال جيلٍ بعد جيل
كم قلت للايام أخذي كلامي=ماضرني سلخك بعد ذبحت الويل
اللي يموت من الوله بالزحامي=لو ترقص الدنيا طربه المشاكيل
لا قل في عين الرفيق إحترامي=نزلت عن ركب الغلا والتعاليل
مستأثراً بالصمت عند الخصامي=اشوم في نفسي عن القال والقيل
ولو في الغياب يقلّدون الوسامي=جنيت من زرع الغياب المحاصيل
اعيش وحدي ولا عليا ملامي=مدام راسي حي للصعب حلحيل

..

عبدالله العتيبي
بعد غياب
راااااائعه تشفع لك وبقوه
تطيل الغياب ثم تعود لتروينا بأبيات تُخرسنا بها عن العتاب

أبدعت كعادتك
صح لسانك مليوووون

	المشاركة الأصلية كتبت بواسطة عبدالله العتيبي

	بعد الأمل بالخلف ولا أمامي=ماعاد تفرق لو خذا رجلي السيل [/poem]

منتهى اليأس الذي يجب أن يختفي ليحل الأمل والتفاؤل بدلاً عنه.

وعليكم السلام ورحمة الله وبركاته

شاعرنا عبدالله العتيبي:

أبيات رائعة عبرت عن معاناة أتمنى أن لا تكون أكبر من عزيمتك الأقوى،

صح لسانك، وبيّض الله وجهك لهذا النظم الرائع الذي استمتعت بقراءته.

دمت بصحة وعزيمة أقوى من اليأس.

..............

...



حيالله ابو يوووسف


عودة حميدة من خلال هذه الرائعه والمعبرة


واخاف اقول " تشفع لك " ثم تتعود على الغياب والشفاعه




ابدعت ياعتيبي



سلمت يداك


كلك ذوق


...

اخوي عبد الله العتيبي صح لسانك وبيض الله وجهك
قصيده جميله جداً وجزله كعادتك وهذا ماتعودنا عليه من شخصك الكريم
حفظك الله ورعاك

..

سلامتك ياعبد الله ياعتيبي..

ترا مستعد اقااسمك ولا تشيل ذا كله.

عبد الله ذا حضرت حضر الشعر

انت شااعر رااائع مبدع جميل قصايدك متميزه وانت متميز..

عاش الشعر وعاش عبد الله العتيبي..

صح الله لسااانك وجعل مانفقد هذا الجمال..

سلملي علييك سلامن واجد وحبلي خشمك<<ماتجي صح؟