وقعت لين ادلولس الليل وامسيت .. وحولت منّه ناشفاتٍ عروقي

الشاعر جزا بن صالح الحربي يتذكر مضارب البادية ويبكي على أطلالهم:

أمس الضحى في عالي الرجم عديت =وفيضت في راسه عباير خفوقي
وقعت لين ادلولس الليل ومسيت =وحولت منّه ناشفات عروقي
ورديت من بكره عليه وتعليت =وقعدت حتى شفت شمس الشروقي
أشرف على دار بها العام مريت =واليوم ماكنه سكنها مخلوقي
خليان ماكن ابتنى بارضها بيت =بس الفجوج الخاليه والطروقي
وحتى من الأوناس ماشفت ماريت =ماغير رسم باقي له رموقي
بس الشنون محذفات تشاتيت =شنونن على الديران مثل البهوقي
وشفنا الرسوم اللي عليهن تشافيت =رسوم عليها القلب مني شفوقي
رسوم عليها من ازرق الدمع هليت =دمع تحدر فوق خدي صفوقي
ليا شفت مدهال الرجال الزناتيت =تقول قلبي ينمزع من عروقي
رجال مرابعهم تهيظك لاجيت =ومرباعهم بين الجلد والعروقي
ونجورهم للضيف ترسل تصاويت =وضيانهم بالليل مثل البروقي
رجال عليهم من قديم تربيت =وفارقتهم والقلب مني يتوقي
وابديت مافي داخل القلب وافضيت=وانساق من عمق الهواجيس سوقي
وابكي عليهم كل ماصبحت وامسيت =وشكواي لله عالم الشان فوقي
وشعاد لو اني بكيت وتمنيت =ياما بكى قلبي جزينن عشوقي
وقلبي بكى حي علي غالي ميت =والدمع عقّب في ضميره عشوقي
وياما بكى رجل عليه التثابيت =قبل الوقايع هل دمع حقوقي
ولو لامني بعض الخبول السرابيت =اهل النفاق مشدقين الحلوقي
بذني صقه عن حكيهم ماتوحيت =ولا احب ناس للسراير تبوقي
وان قالو العذال وش فيك ماابديت =ماني على اسرار الاوادم نطوقي
امشي مع العالم على ماتوريت =اعطي حقوق الناس واخذ حقوقي

..

وحيد الشرقيه

شكراً ..
سيدي الفاضل

بِقدر سَفَري مع هذا البوح ..

تحيه عّطِره لِحسّك العذب ..

أردووونااااا

...............

...


اختيار رائع لكلمات رائعه لشاعرٍ رائع


شكراً لذوقك الرفيع



كلك ذوق


...

امشي مع العالـم علـى ماتوريـت
اعطي حقوق الناس واخذ حقوقـي

..××..

وحيد الشرقيه
..
يعطيك العافيه على هالذوووق
صح لسان قايلها
وسلمت يمين ناقلهاا
..

اختيار رااائع

صح لسان الحربي

وتسلم يمناك وحيد الشرقيه
.
.

قصيـدة راائـعــه

سلمت يدااكـ

وصـحـ لســاان الحربـــي

تحياااتـي

..

أردينا كم سعدت بتواجدك وتشرسفك المضيء

الف شكر لك وصح لسان ابو صالح

..

الغاااالي وحيد

اسعد الله ايامك بطاعته اخي الحبيب

اختيار اكثر من راااائع

لشاعر علم

صح ذوقك

وصح لسان ابن صالح

على فكره ترى والده هو القائل:

ياما على العاقل يفوتن الافوات
.............وياما على الجاهل تصير البلاوي
إن كان ما تأخذ امورك سياسات
...............يصير عقلك والهبال متساوي

لك مني اخي الحبيب

كل الحب

وحيد الشرقيه ..

مبدع كعادتك .. ابدعت بأنتقائك ..

كل الشكر لشخصك ..

دمت ودام نبض قلبك

	وشعاد لـو انـي بكيـت وتمنيـت ياما بكى قلبـي جزينـن عشوقـي وقلبي بكى حي علي غالـي ميـت والدمع عقّب في ضميـره عشوقـي وياما بكى رجـل عليـه التثابيـت قبل الوقايـع هـل دمـع حقوقـي ولو لامني بعض الخبول السرابيـت اهـل النفـاق مشدقيـن الحلوقـي بذني صقه عن حكيهـم ماتوحيـت ولا احب نـاس للسرايـر تبوقـي

صح لسان شاعرها ياوحيد..

وسلمت لنا اذئقتك وحسك الشعري..
وسلمت اناملك التي نقلت..

يعطيك العافيه..