أنت غير مسجل في منتديات الوئام . للتسجيل الرجاء إضغط هنـا

 
عدد الضغطات  : 20009
مساحة اعلانية 
عدد الضغطات  : 15720


العودة   منتديات الوئام > المنتديات الادبية >  بوحْ الشعِر والنثر ..

 بوحْ الشعِر والنثر .. للشعر الفصيح والشعبي والنثر " المنقول "

إضافة رد
 
أدوات الموضوع
قديم 09 / 09 / 2005, 16 : 10 AM   #101
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة


ليت ها العين ضاقت بالحدق = قبل جدرانها بوجهك تضيق
والله اني صحيت من الأرق = راحلٍ لا مكان ولا طريق
ما سمعت الغراب اللي نعق = وين مثلي .. على مثله يفيق
منزلي في الطويل الي شهق = ومنزله قاعة الوادي السحيق
قالو الحاقد بدمك شرق = قلت ما أظنه لمدحي يطيق
كنه الشوك في ثوبي علق = يوذي الشوك ولا يقطع طريق
كثر ما الريح تعبث بالورق = وتوقد أغصانه الصفراء حريق
وكثر ما شوه العج الشفق = وقص من جيده عقود العقيق
وكثر ما صابني وأخطا التفق = لين ما أصحبت من خوفي طليق
وكثر ما نز في كفوفي العرق = من سلام على غير الصديق
اتركيني على باقي عبق = غيمة العطر من عمري العتيق


نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 18 : 10 AM   #102
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة



من الشمال هضاب ..

ومن الجنوب وادي ..

وما بينهم ( كذبه ).. القرية العذبه..

طين ونخل وقباب ..

سورٍ بلا ابواب

وأظن ميلادي .. ماله زمن وكتاب ..

لكن ولدت فـ يوم .. وولادتي صعبه ..

قالوا سنة ما غاب .. مات .. أو رحل ( شرشاب )

ترف الشفاه مثل الجناح ..

ويطير الحكي .. يطير

فـ الاعياد ..يقولون :

كان يحرك الناس عرايس ..

بقطعة خشب وخيوط ..

يشعل المعارك ..ويرتب الأعراس ..

ينهي الجدل ..ويعلق الأجراس ..

يتعب الأنداد ..متبعثر الأبعاد ..

ويجمع عيون الناس فـ احداقه

ويعزي في الموتى .. ويبارك الاولاد ..

يكتب لكل طفل ورقه ..

ويغطيه بلحاف ..

مثل الكهوف مظلم ..ومثل الغدير شفاف ..

يصهر حديد البنادق ورق ..ويبري خشبها اقلام ..

ويحرق البارود ..ند ..وخشب صندل ..

ويبدا من الحنظل ..وينتهي في الشهد ..

بعض الليالي عبد ..وباقي الليالي طيف ..

كذبه ..مثل سوالف الجن ..مالها آخر

ومثل البحر زاخر ..بالحقيقه والخيال ..

ايام تحملها الجمال ..شمال ..

لجبال ..تكسيها الثلوج ..

وين المروج ..وعرايش العنب ..

وايام ينهكها التعب ..

وتجلس على اطراف الدروب ..

وتقابل الصحرا جنوب ..

تعد أعواد النبات الناحله ..

في السراب ..

وين اختفى شرشاب ؟

في الليل واجساد الحطب ..

تلوى .. وتصرخ .. ويجلدها الحطب ..

يصبح كلام الليل غير ..

وترف الشفاه لكن .. يموت الطير الأول ..

ويظهر بداله طير ..

وشرشاب يرجع .. من عج الاساطير ..

وضباب القوافي ..

لا هو مريض .. ولا متعافي .. مثلنا ..

لحم .. وعظم .. وعيون ..

واسمعهم يقولون : لو هو حرير وخز ..

أحيان .. يهتز ..

مثل انعكاس الغصن ..على الما الجاري ..

وترتعش كفه .. وسط العواصف ساري ..

وما يحرك الا .. حجانه الكثه ..

تظهر .. وترشح .. اوجاعه الرثه ..

على سطح الجديد من الثياب ..

تنشب حروفه فـ الضروس .. وتنقطع انفاسه ..

ذكرى الجنايز والعروس .. تتقاسم احساسه

يرجع لنا من كل الدروب دخان ..

ومن العزايم دله .. وشظايا فنجال ..

مشوش ٍ .. كله .. كله ..

عج .. ودموع .. ومناديل ..

في الريح .. قبل الغروب بشوي ..

يطيح العج .. وتهدا الهبوب ..

( وكذبه ) .. تجلس على الساقي ..

تغسل التراب .. عن وجهها الطيب ..

وعن قلبها الباقي ..

وتناظر الشمس اللي تغيب شوي .. وشوي ..

والما يترقرق صافي .. فـ ضلوعها ..

بين ضلوعها .. وبين النخيل

وتتذكر ايام الرحيل .. وتسترجع اوقات الغياب ..

شرشاب ..

كان المصابيح في السوق .. والمدفأة في البيت

وما يحرق الكبريت .. من تبغ .. ومن عود ..

يخيط .. جناح الفراش الأبيض المحروق ..

بسلوك الرماد ..

كان الخضار .. لزرعنا .. وكان الجراد ..

كان الوله .. وعطر المكاتيب .. ووشوشات النبات ..

يرمي الحصاة .. قبل الغدير ..

ويجني الرطب قبل اللقاح ..

ولا تطعن اطراف الرماح .. الا ما يصيب ..

كان الغريب .. اللي يعلمنا الوطن ..

( كذبه ) .. تظهر عليها الشمس من كل الجهات .. في الصيف

ما هي شمس وحده .. تقول الف شمس ونيف ..

بس الغريب .. ان ظلالها داكن ومظلم وعميق التجاويف ..

مثل صدور أهلها ..

ووقت السوالف والحكي .. اطفالها شيبان ..

وهذي عجوز ترتكي .. على ظلها ..

يوم ابتعد عنها الجدار ..

قالت وانا من هالنهار .. هارب للظل ..

الله المستعان شرشاب

اتذكره وأنا شباب ..

يعزف الرباب ..

ويحفظ قصيد بني هلال ..

ويرقص بمطرق خيزران .. وسط الحفل ..

ثوبه نظيف لو هو عتيق ..

وما في الجيوب .. ( لو بيزه ) وحده ..

يبيع الحطب .. ويشعل قناديل الدروب ..

قبل الغياب ..

ودايم تشوفه جالس لوحده ..

وفي يوم جا خطاب .. قالوا يبي ( مزنه ) ..

نقول : هذا خطيبك في الحفل .. يرقص بمطرق خيزران

الله المستعان ..

والى متى الكذبه .. يا ( كذبه ) .. والحكي في الغياب ..

وين ادفنوا ( مزنه ) .. ومتى رحل شرشاب ..

فوقي يمر غراب .. وتحتي كسر من طين ..

اطلال هالمسكين .. وملامحٍ لبيوت ..

كانت غتر وبشوت .. عطر وكحل وشيال ..

حضر الزمان وغاب .. واللي عرف شرشاب ..

ما انصف الرجال .. لكن ظلم ( كذبه )




نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 23 : 10 AM   #103
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة

يا اهل الهوى خاطري طايب = من الولع و السهر و النوح
ما عاد لي صاحبٍ غايب = ولاعاد لي صاحبٍ بيروح
كان الصبا غرّني تايب = وكان الوله غرّني مسموح
سهم الهوى مخطي و صايب = و رامي السهم جارح و مجروح
تركت قلب الخطا ذايب = في دربكم و الدمع مسفوح
و رجعت طفلٍ و انا شايب = باللي بقى في الجسد و الروح





نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 25 : 10 AM   #104
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة



ليتي معك دايم .. روحي فـ هواك هايم

واخفيك مع روحي .. آمالي وجروحي

وانت السهر والليل .. وانت القمر وسهيل

وانت سبب نوحي ..

ومالي فـ هواك لايم .. ليتي معك دايم

ليتي معك خطوة .. تمشي لهواك دروب

ونسمة هوى حلوه .. تحيّي الأمل فـ قلوب

ليتي معك وارتاح .. وانسى الضنى اللي راح

واخفيك مع روحي .. آمالي وجروحي

وانت السهر والليل .. وانت القمر وسهيل

وانت سبب نوحي ..

آه .. من الهوى والليل .. فـ عيونك السودا

غربه ومالي دليل .. والخطوه معدودة

والله الزمان غلاب .. والبسمه محسوده

ونور الأمل كذاب .. والراحه مفقوده

واخفيك مع روحي .. آمالي وجروحي

وانت السهر والليل .. وانت القمر وسهيل

وانت سبب نوحي ..




نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 29 : 10 AM   #105
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة



سب لي الليالي .. وامشي بعيد

سبني في حالي .. اسهر وحيد

ابعد هناك .. انت وهناك ..

حتى السعاده .. خذها معاك ..

وسبني في حالي .. سب لي الليالي ..

سبني فـ حياتي ..

اطوي حياتك ..

خليني افرق .. ذاتي وذاتك

امشي طريقي .. واطفي حريقي

والحق في عمري .. اللي فاتك

ابعد هناك .. انت وهناك ..

حتى السعاده .. خذها معاك ..

وسبني في حالي .. سب لي الليالي ..

صبري عليك .. ظلمك ليَّ ..

نسى حنان الدنيا علي َّ..

نسى ظنوني .. قسى عيوني ..

خلاها تضحك .. للأسيه ..

ندمي عليك .. ندمي عليه ..

ندمي .. وانا حبي الضحيه

طفى شموعي .. خلّف دموعي

وشمعة حياتي .. ما هي شويَّ

ابعد هناك .. انت وهناك ..

حتى السعاده خذها معاك ..

وسبني في حالي .. سب لي الليالي ..



نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 33 : 10 AM   #106
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة


من رماد المصابيح .. اللي انطفت في الريح

جيتك أنا وقلبي ..

ومن سهاد المواويل .. وباقي قصيد الليل

جيتك قمر دربي ..

فيني تعب .. لا والله أكثر

حالي صعب .. لا والله أكثر

وكنتي الحبيبة والصديق .. واللي خذتني من الطريق

وسكنتني أهدابها ..

في قلبي شوك .. وفي عيوني شوك

شوفي أصابعك انزفت .. من كثر ما لمست جروحي وجففت .. دمعي الحزين ..

في صوتي ليل .. وفــ صمتي ليل ..

وانتي الليالي اللي حلفت ..

تشعل نجومي بالظلام اللي انطفت .. من هالسنين

فيني تعب .. لا والله أكثر

حالي صعب .. لا والله أكثر

وانتي الحبيبة والصديق .. واللي خذتني من الطريق

وسكنتني أهدابها ..

ياللي أغلى من سنيني ..

ناظريني لين تحسدني العيون ..

وان حكوا حسادي فيني ..

وقالوا انك تعشقيني ..

آه يا محلا السوالف والظنون ..

ليتهم ما يسكتون ..

ولما تسقيني الغرام ..

اسري بالنور والظلام ..

واتركي كل الكلام ..

انتي الحبيبة والصديق ..

واللي خذتني من الطريق ..

وسكنتني أهدابها ..




نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 36 : 10 AM   #107
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة


خريف ..

اوراقك الصفرا .. خريف ..

والضحكة الصفرا .. خريف ..

ملت .. مواعيد الوله ..

قلبك دله ..

وقف .. النزيف ..

وش عاد .. لو تكذب علي ..

إكذب علي ..

ما عاد .. فرحني غزل ..

ما عاد .. عذبني امل ..

ياحب ناداك الرحيل .. رد الندا ..

إخترت عن عيني بديل .. وكان المدى ..

أعطيك .. وش عندي قليل ..

صرخة .. وصدى ..

اللي بيدي إني اذوب ..

واشتاق لك .. طيف وصور

ولو هو بيدي .. امحي الدروب ..

والغي المواني والسفر ..

وآه من السنين .. يا حبيبي ..

من اللي ما ينسى مين ..

واللي يعيش ينسى ..

ومر الزمن ليلة ..

ليله .. بعد ليله ..

اسهر .. وانادي له ..

وأحيا على .. باقي عطر..

فـ أطراف منديله ...

ويلاه ... يا ويلاه ..

قلبي أنا ويلاه .. أسهر أنادي له ..

وامر شباكه عسى .. تضوي قناديله

يا حبي اللي ذاب ...

ما للزمن أصحاب ..

صدقني ما أدري لمتى ..

إنت وانا أحباب ..

وآه من السنين

لا تنساني .. هذا الكلام اللي بقول ..

لجل المطر .. لجل الفصول ..

لا تنساني ....



نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 38 : 10 AM   #108
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة



لو تغيبـي ولو رحـل وجهك حبيبـي

في غيابـي عنك أشوفك .. وفي عذابـي منك أشوفك

صـدقينـي مـا نـقـص هالليـل بعدك إلا قمـرا

وما فـقـدت من النهـار إلا شعاع الشمس بكـرا

واجمل الناس حبيبـي ..

لو تغيبـي لو رحـل وجهك حبيبـي

تصغر الدنيا وتضيـق

كلّ مافي الدنيا أعرفه إلا بيتـي والطريق

أنا أحبك ذا نصيبـي .. إبعدي عني وغيبـي

صـدقينـي مـانـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا

لك ليـالي ما سألتـي .. ولي ليـالي ما سـألت

ولو دريت إنك زعلتـي .. كان أفرح مـازعـلت

بس داري مافي قلبـك إلا قلبـك

واختياري إني أحبـك والا أحبـك

ومن عذاب الحب يكفـي لو تجرّح قلب واحد

وإنتي يا حبـي وضعفـي لا يهمك كله واحد

لجل تتغير فصول .. ويبكي الغيـم في عيونـي

وتزهر جبال وسهول .. اضحكي بيـّا وبدونـي

وصدقينـي مـا نـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا



نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 42 : 10 AM   #109
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة


ما أطولك ليل ...

ليل البعاد .. والإنتظار ..

ما اطولك ليل ...

سارق من عيون النهار ...

ناسي زمانك ...

زمانك .. يا شجوني ...

عارف مكانك ..

مكانك.. في عيوني ...

يا ليل .. يا ليل ..

يا ليل أنا ربعي هناك ...

وداري ورا الدمعه .. وراك ...

الله على شمس الأصيل ..

من ضيها مثل الذهب ..

الله على سمرا تقول ..

الى متى الفرقا .. تطول ..

في صوتها .. شوق وعتب ..

ما أطولك ليل .. ما اطولك ..

طال .. طال بي وجد ..

قلبي يا هواي ..

يا دفا نجد ..

في عيون الصبايا ..

ليتني نسمه .. على عالي عسير ..

أو على جده .. على الشط الحرير ..

ليتني نفحة أريج .. عطرت ريح الشمال ..

يا ليتني موجة خليج .. ترتمي فوق الرمال ..

ما أطولك ليل ... ما اطولك ..


نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
قديم 09 / 09 / 2005, 47 : 10 AM   #110
سديم 
أسطورة الوئام

 


+ رقم العضوية » 79
+ تاريخ التسجيل » 19 / 04 / 2001

+ الجنسْ »

+ الإقآمـہ »

+ مَجموع المشَارگات » 31,478
+ معَدل التقييمْ » 183
شكراً: 0
تم شكره مرة واحدة في مشاركة واحدة

سديم غير متواجد حالياً

افتراضي

نقره لعرض الصورة في صفحة مستقلة



وللكلام فصول .. ومناجل ..

قمح .. وحمامٍ زاجل ..

وقصة وله.. ونحول ..

وباقول .. باقول ..

.


.

مشقق الأسمال .. مغبر ..

اجيك .. مترنح ومصفر ..

بامراضي اجيك .. يالمورق الزاهي ..

ما عادبي أخضر .. وتتذكر أشباهي ..

تقول : انت فلان ؟ واهز راسي ..

واجمع حواسي كلها .. واضحك ..

في بالي إني أضحك .. مادري عن شفاهي !!


.



.

وللكلام أسفار ..

أوتار .. ومعازف ..

وللكلام أسفار .. جنحان وزعانف ..

وللكلام أعمار ..

مثل الزهر .. وذبول ..

وانا بقول .. بقول ..

.



.


في آخر الشاهي ورق ..

وتصب لي نفسي ..

مثل الذي في بريقك المعدن ..

من الماء .. والورق ..

اتنفس الفوح ..

واستمهل البوح .. عن حالتي ..

اسكت .. لآخر قطرةٍ في بيالتي ..

ويقول لا نزل العرق .. من جبهتي بقول ..

لا .. لانت أطرافي ..

من الرحيق الدافي .. يمدي الكلام ..

يطول .. وبقول ..

.



.

أحاكيك ..

عن كل المدى والبيد ..

أو .. ما في الشبابيك .. من المدى والبيد ..

عن شوكةٍ في الأرض .. خلقت لإ بهامي ..

أو أرض تحت الشوك .. مرتها أيامي ..

لو أدري وش يكفيك..

كلي على شفاهي

شوك .. وعطش .. ووحول

وللكلام حمول .. وقوافل ..

وارث الزمان الغافل ..

وباب على المجهول ..

بس قلي وش يرضيك .. ؟

وأنا أقول ..

وأنا أقول..



نقره لعرض الصورة في صفحة مستقلة

اللهم استرني فوق الارض و تحت الارض و يوم العرض

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أبوظبي تعلن عن قائمة أولى تضم أفضل 100 شاعر ضمن (شاعر المليون) محمد الفارس  بوحْ الشعِر والنثر .. 13 13 / 12 / 2007 57 : 12 AM
شاعر الاسبوع .. الأمير .. عبدالله الفيصل .. سديم  بوحْ الشعِر والنثر .. 9 12 / 09 / 2005 59 : 07 AM
شاعر الاسبوع .. الامير .. خالد الفيصل .. سديم  بوحْ الشعِر والنثر .. 74 01 / 09 / 2005 10 : 10 AM
شاعر الأمه .. شاعر الأندلس . وآخر روائعه .. الحسـام  بوحْ الشعِر والنثر .. 14 16 / 05 / 2003 39 : 06 AM


الساعة الآن 33 : 02 AM بتوقيت السعودية


Powered by vBulletin® Copyright ©2000 - 2021, Jelsoft Enterprises Ltd.
new notificatio by
9adq_ala7sas
[ Crystal ® MmS & SmS - 3.7 By L I V R Z ]