لابـاس يـاقــلبي . . .

نسيت رمحك غارزٍ وسط صــدري . . . سلـــه لعله ريحـك وافرح الناس
عذبتني وكـــذبتني ليه مـدري . . . وليه الظــلام بخاطـري اشعـل الياس
ظلمتني وطـــوحت حبي وقدري . . . وقدرك وضعته وسـط عيني على الراس
اتعبتني يا منهــي الحب بــدري . . . لا تعتذر حطـــمت قلبي من السـاس
هـدرت دمي يا منى الـروح هدري . . . لاباس ياقلبي عن الـجـــرح لاباس
يا شين جــرح الحب لصار غدري . . . الشوق في قلبك تحطمــــه الاتعاس
هاضت دموعي فوق الاوجان حدري . . . ماهـو جــزع لكن من الوقت محتاس
سـود الليالي عاملتني بكـــدري . . . يانفس توبي عن هــوى بعض الاجناس


وسلامتكم . . .

هلا بالنشوان

رغم الحزن تبقى قصيده رائعه

كلمات ومعنى ونظم

من المتابعين لقصائدك وان كنت كسوله في التعقيب

فهذا لايمنع من استمتاعي بكل ما تكتب.

تحياتي

أختك

يسعدلي مساك اخوي
نشوان
الله الله
والله رائعه
تسلم الايادي وصح لسانك
ابدعت يا الغالي
شــــــــــــوق

بريق الماس . . . تسلمي اختي ومشكور وممنون يالغاليه وهذا وسام افتخربه ...
شوق . . . صح بدنك يالغاليه . . .ياعل مساك اسعد اختي ..

الاخ النشوان
الله عليك الله
تسلم الايادي
وقصيدة رائعة وجميلة

تسلم اخوي المهاجر ربي يخليك . . .

النشوان ...

قرأت قصيدتك عدة مرات

وكل مرة اجد بها نواحي جمالية مختلفة عن التي قبلها

احييك على ابداعك

والله يعطيك العافية

يعافيك ربي دنيا . . . ومشكور على الاطراء ..

........

...


مراااحب النشوان

اخيراً
مشاركة !!

وبعد طول انتظار

تعود بهذه الرااائعة

قصيدة جميلة
وكلمات معبرة

وابدااع معهود منك


تسلم ياذوق


كلك ذوق

قصيدة جدا رائعة يا أخوي النشوان ....

ابداع جدا جميل ...

تسلم أخوي على هالكلمات...