العيد قرّب ..

العيد قرّب وخلّي ناسي ٍ ودّي = هذي غلاق السنة مدري عن احواله

الله يبلاك يااللي واقف ٍ ضدّي = يا كيف حبل الوصل بيديك تغتاله

كذا جفاني بعد بيّـنت له سدّي = واقفى لعله مهف مقيط واحباله

وهنا كفاية مادام الحظ متحدّي = واقف بوجهي فال الله ولا فاله

صديت عنّه ولكن ما نفع صدّي = اقول يمكن اصير اليوم في باله

((( ابو خالد )))

الله الله الله عليك يابو خالد

صح لسانك ملاييين

وكل عام وانت بخير

صح الله لسانك يابو خالد

.......

ابيات في غاية الجمال


عيدك مبارك يالبجادي

تحياتي لك

قصيد رائعه يابو خالد


صح لسانك

صديت عنّه ولكن ما نفـع صـدّي
..........اقول يمكن اصير اليوم فـي بالـه

الله الله الله عليك ياابو خالد
صح لسانك

صديت عنّه ولكن ما نفـع صـدّي
اقول يمكن اصير اليوم فـي بالـه

من فارق الخلان ربي يعينه
الله يعين اللي على الغبن صبار

صح لسانك ابو خالد يا بعدي
ومن العائدين

................

...

العيد قرب وكلٍ يرقب افراجه = وانا الذي مانوى خلي بالافراجي

الله يلوم اللي يلومك يابو خالد

وانا اقول لما اتصلت اعايدك وش بلا صوت الرجال اثاريك اثاريك

ابدعت
وكما هو الابداع المعهود منك
وعسى كل يوم عيد دام القصايد تجي معاه


...

	المشاركة الأصلية كتبت بواسطة عازف الإيقاع

	الله الله الله عليك يابو خالد صح لسانك ملاييين وكل عام وانت بخير

سيدي عازف صح بدنك ويسلم تشريفك
وكل عام وحضرتك بخير ,,

	المشاركة الأصلية كتبت بواسطة الجسر

	صح الله لسانك يابو خالد ....... ابيات في غاية الجمال عيدك مبارك يالبجادي تحياتي لك

اخي الجسر
صح بدنك
الجمال حضورك سيدي
وكل عام وحضرتك بخير ,,,

	المشاركة الأصلية كتبت بواسطة الراقيــة

	قصيد رائعه يابو خالد صح لسانك

مرحبا الراقية
وصح بدنك سيدتي
والروعة هي تشريفك