لا تأخر يالغلا عطني إجابه !!!!!!

مـا تغير من عرفتــه عن شبـابــه=مثل بــدرٍ مــا تغيره السنينــــــي
خشف ريمٍ و العسل كنه رضابـه=والعواذل فرقوا بينـــه و بينـــي
يــا حبيبٍ أظلم الكـــون بغيـابـــه=والسعــاده من فقدتـه مـا تجينــــي
مـن فراقه هاض حزني و الكآبــه=والهمــوم إستفحلت والله يعينــــي
البشر تفرح إلـى شافت سحـابـــه=أو بروق أرهزت فــوق الجبينـي
والخـلاوي رعْدهـا زوّد عذابـــه=هلّ دمعــه و إحترك حبٍ دفينــي
لو حدر سيل الشفيعي مع شعابـــه=مـــا يفرحنــي ولا يشفي حنينـــي
أو لذيذ العيش مع صافي شرابــه=أو كنوزٍ أمتلكهـــا فـــي يدينـــــي
مـا يفرحني مثل ريحــة ثيـابـــــه=عندي أعبق من خزام و ياسميني
إبتــعد و الله يعجل فـي إيــابــــه=والعذور أبديتهــا كــوده يلينــــي
الأمل بالله و فــي ذيك الحبـابـــه=والوصل ما ينقطع حبلـه متينــي
أحتري صوتــه يونسنـي عتابــه=والخطا مني ولو ماخْطت يميني
لا تأخر يالغلا عطنــي إجــابـــه=هونيِ أقطع تذكره أو مـا تبينــي

...............


...

قصيدة رائعه
وكلمات جميلة ومعبرة


سلمت يداك



...

الشاعر الصغير


صح لسـانكـ اخووووي


ولاعدمنا جديدكـ الرائع

تحيـاتي

::

الشاعر الصغير صح لسانك

قصيدة جميله بحق

اتمنى لك التوفيق وإلى الأمام

تحياتي لك

قصيدة رائعه

يعطيك العافيه

وافي
المتهور
محمد الفارس
ملكة الأحساسشرفتونا بتواجدكم و عباراتكم الجميله
و هي محل تقديري و إهتمامي

أشكركم جميعا
و تقبلوا تحياتي و تقديري