لــــــــــمــــــــــــن هــي..؟؟

السلام عليكم ورحمة الله وبركاته
الأخت الغالية ( ســديم )
ياهلا والله وغلا فيك أختي ولا شكر على أقل من الواجب الأخوي بيننا وتستاهلين أجمل توقيع




بالنسبة لقائل هذه الآبيات فهو الشاعر ( محمد بن زابن الجبلي المطيري المولود سنة 1314هـ وقد أرسلها لأخيه الشاعر /فراج بن زابن الجبلي المطيري وله العديد من القصائد الجميله التي يقال بإنها لايزال يتردد صداها بين أبناء قبيلته وقد توفي بعد معاناه مع المرض في عام1373هـ
----------------------

ياكثر ما نذكر من الناس غالين = حدر الثرى ما عاد فيهم رجوعي
راحوا مراحٍ فيه ماهم ملفين = صارت منازلهم عذاب اللشوعي
الله على وقتٍ مضى قبل هالحين = أعسر علي اليوم من حبْ كوعي
إليا ذكرته والمخاليق غافين = جريت ما يفتح مفالج ضلوعي
يوم أن وقتي صار بين اليهاهين = لي طاب لي يومٍ خبت له أسبوعي
دنياً نبي منها عدال الموازين = وتميل لوّني في خطاها جزوعي
صارت بها سود المقانع شياهين = وفحولها صارت تبوع التبوعي

شاكر ومقدر لكم جميعاً روعة ورقي أخلاقكم يا أهل الوئام
وتـقبلوا مني أرق وأجمل التحـايا

اخيـــــــــــــــــــــــــــرا جبتها

جبتها


صقر مسلم النصافي

الأخت (سديم ) الأبداع والتألق
ياهلا ومرحبا فيك
نعم ...نعم .. جبتيها ..وصح الله لسانك ووفقك دائماً وأبداً
وأستلمي الدور من اليوم ولمدة عشرين يوم لأنه الظاهر مافيه غيرنا ولكن خلينا نستفيد بالإطلاع والمعرفه
لاهنتي ولاعدمناك ولاعدمنا تألقك وإبداعك
أجمل وأرق التحايا

بسم الله

استلمنا

ما للبكا .. والهم .. والحزن داعي = صدّقت من قال المحبه .. ولاعه
ماخذت مدّه يصبح الصبح واعي = والعين ما نامت .. من الليل ساعه
عليك يا راع العيون الوساعي = سبيت عقلي .. بالدلع والبراعه
القلب ماله غير لاماك راعي = ارعه رعاك الله .. عن كل راعه
لاماك ترجع بالقلوب الوجاعي = انت الطبيب .. ولا طبيب الاشاعه
مليح يخشى من كلام ٍ يذاعي = يظفي على نظم الجواهر قناعه
جذّاب نهّاب الخده شعاعي = اغليه واسرف فيه سر القطاعه
يلعب بقلبي لعب صفرا رباعي = سمعت طبول الحرب يوم الشجاعه
يلعب و يلعب وامره مطاعي = لعب الرضيع اليا روى من رضاعه
لو الهوى عند المحرج يباعي = بعته مثل حيّ زهد به وباعه
بغضك رميته بين سبع السباعي = و حبك زرعته في ضميري زراعه
كانك قطوع وعندك السر ضاعي = رد الوداعه .. لاتضيع الوداعه
و ان كان ناسي لك خصيم يداعي = اذكر زمانٍ فيه كنا جماعه
المشتري اليا اشترى ما يراعي = اللي يرعي .. مثل راعي البضاعه
متى ايهيا للثنين اجتماعي = ونسكب على شهوات الانفس طماعه
حالي من الهجران راحت ضياعي = لكن في الروح الشقيه .. مناعه

الغاليه ( سديم )
الله يسعد مسائك بالخيرات والمسرات
جوجل ما جاب عنها خبر لاهو ولاغيره .
القصيده والله أني قريتها وليست بالغريبه علي ولكن ذاكره ماعاد هناك ذاكره شيبنا حسب مايرويه سند الله يحفظه
والله ماني داري ولكن ننتظر يمكن يجيب الحل خوي سعيد ومرجانه
جعلك تسلمين من كل شر أختي الكريمه
مع خالص تحياتي وتقديري

ههههههههههههههههههههههههههههه

اشوا على بالي جوجل معاندني لحالي

وش رايك لو قلنا دورها بأبيات

شد حيلك وبتلقاها

السلام عليكم
مساك الله بالنور والسرور
جبناها كان ماهي غلط (يا سديم )
وبدون جوجل رجعنا للمفكرات الباليه ووجدناها في أحد المواقع الغنية بالشعراء العمالقه في شبكة الشعر
وهي للشاعر الكبير اللواء / خلف بن هذال العتيبي
صح وإلا .....لالالالا
وجعلك تسلمين أختي على تشجيعك ورفعك للمعنويات بعدم اليأس والمحاوله وهاهي تأتي بما نريد
بيض الله وجهك يابنت الرجال ووفقك ربي

صح صح صح

%%

هو ماغيره


الابيات معك .. عازف الناي ..

السلام عليكم ورحمة الله وبركاته
هلا وغلا بالأخت سديم
وجعلك تسلمين
وأتسلمي

البارحة نومي على عظم ساقي = أقالب الجنبين عدّي على شوك
ونيت ونة غاضب البال شاقي = طريح قومٍ بينهم طاح مشبوك
وإلا غريقٍ مخطـرٍ بالغــراقي = ينخى وعمره وسط الأمواج مدروك
على عديـمٍ ما يطـب المتـاقي = يثـني ورا الصابور والعـج ممسوك
وقـع طريـح مخضبٍ بالسناقي = هــبـيّــت يادورٍ للأجواد دامـــوك
ما ينبكي حيٍ وراه الفراقـي = ولا ينكره بعدْ الرفاقه إلى أوذوك
قمْ سو فنجالٍ ترى البال ضاقي = فنجال يجلى كل همٍ وداكوك
بدلال بيضٍ ماغشاهن حراقي = وصينيةٍ يركض بها مثل مبروك
فنجال بنْ مقيْسٍ بالغــناقي = ما حط مع بنه ولا الهيل مشروك
إليا أنطلق يشدى لدم الفلاقي = صبه لدسمين الشوارب إلى جوك
صبه لمن يثني خلاف السباقي = في ساعةٍ تلقى بها الكل مزنوك
صبه وعدّه عن خطاة الهلاقي = يقلط على البارد ويقصر عن أخوك

الحظ مريّح على جنبه ههههههههههههههههههههههه


البارح بحثت مالقيت ..

واليوم ابحث بيت بيت

لقيت البيت الاول و فرحت .. مالقيتها كامله ولا لقيت قايله
بس واحد تذكرها


الشطر الثاني من البيت الثاني .. لقيته بجوجل
يوم رحت للموقع مقفل للاصلاحات
هههههههههههههههههههههههههه


الشطر الثاني من البيت الثالث .. لقيته .. بس
لايمكن العثور الملقم


كل ماكتبت بيت طلع لي بذاك المنتدى المغلق للصيانه

في عنوان القصيده بذاك المنتدى شي دلني على الشاعر .. ( الامير الفارس الشاعر )

وجاء على بالي .. محمد السديري ..

ان شاء الله صح