بن سرار تعرفون قصيدته الي البعض يحسبها مثل

ان عشت ياراسي كسيتك عمامه
وان مت ياراسي فدتك العمايم

ياراس شيبك ما بدا بك مذله
والشيب تكرم به كبار اللمايم

الاجواد يكرم شيبها في مشيبها
نقالة القالة محوص الصرايم

ياما نطحنا في الصبا من قبيله
يوم الصبا والكيف للرمح رايم

وياما خذينا تونا من كسابه
بسيوفنا راحت تقسم غنايم

وياما نسفناهم على جال وادي
وياما نحونا فوق سود الشكايم

اربعمائة خيال جونا مسيره
جونا يبون الغرس حلو الطعايم

وقالو يسار الغرس والايمينه
امس لكم واليوم جاء فيه سايم

وقلنا لهم من دونه الموت حامي
اليوم نهدي الروح نخشى اللوايم

وثنيتها لعيون غرس بكاير
يثمر بهيبتنا غصونه نعايم

واخذت اطاردهم وانا فوق قباء
مثل الهدود اللي عن العشب صايم

تلحق ليا غارت ولا يلحق بها
شقراء ولا ضريتها للهزايم

من يوم بان الفجر ليا اعتلا الضحى
وحنا نقلط للمسير عزايم

والله عطانا منصب الحظ والظفر
يوم التقت بين القروم الولايم

يوم اسلموا للمنع واسندت عنهم
لياهم كما عشب لفح به سمايم

هذا اسير وهذاك يومه دنا به
وهذاك مكسور وهذاك شايم

هذا زمان فات ما ينفع المنا
يوم اذكر الماضي تزيد العظايم

الراس شاب وثالثه رجلي العصاه
الله يوقض قلب من كان نايم

انا ابن سرار علومي قديمه
محي عسرها طيب الليالي القدايم

وانا في رجاء عمر وعمر وراء الشفا
عساه اليا جانا ترد اللزايم

لعل قبل الموت نسمع بشيره
بجاه من يحي العظام الرمايم

لو ان غالي حبنا في بلادنا
غنيمه تحضى الغنا والغنايم

لكن غالي حبنا في لداده
سحيمسه قشراء وجات ابهايم

لولا لحاهم قلت ذولا من النساء
عيون الحبارى شافت الصقر حايم

وصلاه ربي عد ما ذعذع الهواء
على النبي واصحابه اهل الكرايم

وعندما وصلت القصيده الى ابنه عمر ارسل له بالرد التالي :

ياشيخ تعذر غايبك مثل ما غاب
والذنب ذنبك يوم تطلق ازمامه

ان كاني من نسكم يوم غلاب
بنيت بيتك في طويل العدامه

والصيت يرجع لك ولك فيه مظراب
صيت ابن سرار حسب ما يرامه

والله ان يمر القوم ما مر الاحزاب
لو صار من بين الفريق انقسامه

والبل ترجع لك على عد واحساب
ابل القصير للي عزيز مقامه

بيوم به الغران ياتون شياب
الا انهم يبغون درب السلامه

حلفت دينه فيه مانيب كذاب
يا جارك انه يهتني في منامه

والبل وصرتها مع العقل تنجاب
اوكد من اللي قيم في صيامه

وانا لحوض الموت وارد وشراب
لعيون من وصا بقصة ابهامه

وترى الوعد ما بيننا ثجر واغراب
كلا على الموعد يشاور عمامه

وانا شويري سيف هند له انصاب
ورمح مزهينه بريش النعامه

الحج متولي
ان عشت ياراسي كسيتك عمامه
وان مت ياراسي فدتك العمايم

ياراس شيبك ما بدا بك مذله
والشيب تكرم به كبار اللمايم

ياسلام عليك وعلى اختيارك الموفق

سعدنا بما اخترته وقدمته

نعم يا غالي هذه القصائد التي ترد الروح
وتجعل لها وسط القلوب اصروح
شجاعه وقول وفعل
ويازين القصيد لا تطابق القول مع العمل

اشكرك ياغالي من كل اعماق قلبي على ماتفضلت به
ولكن لا مواخذه

انا لما شفت اسم الحج متولي
قلت اكيد القصيده عن الملوخيّه بالارانب

هذي مداعبه اخويه الى قلبك الطيّب

ننتظر القادم الاجمل.

مساء الورد ياالسيف


اسعدني بانها نالت على اعجابك


والقادم احلا ان شاء الله

[c]...............

...


هلا بك الحاج متولي

والف شكر للمشاركة

قصيدة مميزة

لشاعر راائع وغني عن التعريف

واختيار موفق
وبانتظار المزيد من هذه الاختيارات الراائعة


شكراً للمشاركة
ولذوقك الرفيع



سلمت يداك


كلك ذوق

.. [/c]

العفوووووووا