شاعر الاسبوع .. الأمير .. عبدالله الفيصل ..

انا وياك يالحرمان في الدنيا غدينا اخوان = مسيرتنا سوا في كل حاضرنا وماضينا
مشينا فوق درب السهد والآلام ولأحزان = حيارى في خضم التيه ماترسي مراسينا
تباشير السعادة عن نظرنا لفها النسيان = وفوق اهدابنا ماتت من الحسرة امانينا
على درب الالم تمشي مواطينا على النيران = ظلام الياس ينشرنا على حبله ويطوينا
ترانيم الهنا في يوم مولدنا غدت صلبان = صلبنا فوقها من غير ماتجني ايادينا
تعوضنا عن البلبل وشدوه نعقه الغربان = وعن غصن الزهر غصن بعكف الشوك يدمينا
هلا باللي يبي ينظر شقوة الانسان = يجي ينظر تجسدها بكل اطوارها فينا

ليتني ماشفت في عينك دموع = منظر الدمعه على خدك هلاك
يامضوي في دجى عمري شموع = الحزن ماخلق لعيون الملاك
اتحمل عنك كل امر يروع = خذ هنا قلبي وخلف لي عناك
واتقدم لك بقلبي في خضوع = ضح به في هيكل الحب لهواك
او تلطف به وضمه في الضلوع = علها تورق غصونه في حماك
من سهومك ماحمى قلبي دروع = والشفا ياروح روحي في شفاك

قرب الرحيل وخاطري منك ماطاب = ياواحد عندك حياتي رهانه
تدري بعله واحدٍ منك..منصاب = اللي بقلبه لك يقوله لسانه
بك طيب لو ماحط بك زين الاطياب = ياغصن بانٍ ناعمٍ به ليانه
ياليتهم سموك يازين معطاب = حيث ان حبك بالضماير مكانه
كلن عذلني فيك عدوان واصحاب = واقول خلوني وكلن وشانه
وان قيل الابدل احباب باحباب = قلت آآآآه .. لكن من يسد بمكانه

سلى القلب عنكم وانت ماتحسبه يسلى = الى شاف ماعافه سلى حب خلانه
قليته بنار الغدر وتحرك المقلى = تلذذ بشوفه يحترق فوق نيرانه
سنين وانا مخلص .. ودورت لك بدلا = ودادٍ مضى ملكتني به بريعانه
تجرعت كاس الصبر مرٍ على مهلا = لعل الصبر يوريك خطتك غلطانه
خلافي معك ابيك تعلي عن السفلي = وأبي سيرتك في الناس بالحمد مليانه
الى شفت مارجي فيك من سيرة مثلي = تقلب طعم الموت والنفس فرحانه
ولك وياللهول ارخصت مايغلي = بذلي وذلي دست حبك على شأنه
ترفعت عن ماردك .مااعاد لي مدلي = اعاف القراح الي سفى فيه معطانه
مثيلك يعيش بخير مع لابةٍ خبلي = موازينهم بالعرف تشبه لميزانه
تحسف الي ماذقت ما انت له اهلا = يجي يومك اللي ماتحسب حسبانه

ياصاحبي دعني لياك تمنعني = قيد فتلته برجلي حز رجليني
والا تقيد ليفي الحب صر مثلي = عطني مثل ماخذيته يابعد عيني
ماهوب ذا واجب يالصاحب = وصلك لغيري ونا بالهجر كاويني
ويلي من الحره حطيت له ضره = ونا موحد بحبك مالي اثنين
لوفي يدي امري دبرت عمري = ذوقتك اللي مذوقني من الشين

إبتعد عني ماحبك وش تبيبي = قدرك العالي رميته في الثرى
واحسايف قوليتي لك ياحبيبي = يوم قلبي مولع بك مادرى
إنك الغادر وقصدك تلتهي بي = ون عاطفتك تباع وتشترى
إنس وقت فات مالك به نصيب = لاتذكر ،لاتذكر ماجرى
يوم هفت شمس حبك للمغيب = استرحت وعاد لي طيف الكرى

رضيت لي هون القدر والمذله = و ارخصتني وانا مع الناس مغليك
وطاوعت في اربوع قل لي وقل له = عدوانى اللي طايلتهم حسانيك
مبنى الغرام اللي نعمنا بظله = من عشرة اعوامٍ هدمته بياديك
قمت تعاتبني على غير زله = ومن اول حبي عن العيب معميك
سيف الجفا يبرق بيمناك سله = تهوبني به يوم كثرت طواريك
خلك بعيد هو لك الكل كله = حسيبك اللي بالفعايل يجازيك

حبيبي الغالي تجرعت فرقاه = باالله وش خليت لي يازماني
مالي جدأ الا اتبع الاه بالآآآه = ماهيب من حلقي من اقصي المحاني
نار سرت بالدم والعظم تصلاه = عن وصفها ياناس يعجز لساني
لاعاد يوم مد لي فيه يمناه = واقفي و وقف ولد بالعين ثاني
الصاحب اللي ماتعدد مزاياه = عديم وصف وكامل ٍ بالمعاني
خليت روحي اغبر القلب تقفاه = ترعي حبيبي عن عوادي زماني
دام التراب تراب ما والله انساه = على هداه مقيم هذا مكاني
مالي جدأ الا اتبع الاه بالآآآه = ماهيب من حلقي من اقصي المحاني
مدام التراب تراب ما والله انساه = على هداه مقيم هذا مكاني
مالي جدأ الا اتبع الاه بالآآآه = ماهيب من حلقي من اقصي المحاني
مدام التراب تراب ما والله انساه = على هداه مقيم هذا مكاني

جلسةٍ ماهو معي ماعليها خانه = كيف ابستانس وهو ماتشوفه عيني
مير هلي الدمع ياعيني الولهانه = يوم حال اللآل بين الحبيب وبيني
الليالي طبعها دايمٍ خوانه = عادة الايام تفريقه الاثنيني
عفت كل البيض والسمر انا من شانه = والبلى كانه عقب غيبتي ناسيني

الاوشيب عيني يوم قالوا لي فمان الله = وحققت انهم من عقب جمعاهم مقفيني
تخايالي خيال الموت يومه مد لي يمناه = ولد بعينه الخرسا عقب ماقفى يراعيني
نهت وقلت مما جال بالصندوق وعزاه = سراب اللآ ل باكر يطرد مابينه وبيني
حلفت برب خلقه لو يطول البعد انا منساه = انا وشلون ابيع اللي من العربان شاريني
تصبر ياخفوقٍ صار داه اليوم وسط ارداه = على رجوى ان رب العرش يدنيهم ويدنيني
مثل ماخذت قلبي قلبي المحبوب عطنى اياه = على شان انتساوى في المحبه والموازيني
الى قارنت غيرك بك خجلت وقلت ونقصاه = انا وشلون اقارن كامل الاوصاف بالشيني
ولو هو في حلى يوسف كسف لي بنت نور اضياه = وختم القول رب بك تبلاني يقويني